ພິທີເປີດຕົວ 20 ນາງສາວຜູ້ເຂົ້າປະກວດ “Miss Grand Laos” ຢ່າງເປັນທາງການ!!!
ໃນວັນທີ 13 ມິຖຸນາ 2017 ທີ່ຜ່ານມາໄດ້ມີພິທີເປີດຕົວ 20 ນາງສາວຜູ້ເຂົ້າປະກວດ “Miss Grand Laos” ຢູ່ທີ່ນະຄອນຫຼວງວຽງຈັນ, ຫຼັງຈາກທີ່ໄດ້ມີການເປີດຮັບສະໝັກບັນດານາງສາວທີ່ມີເງື່ອນໄຂ ແລະ ຄວາມພ້ອມຕ່າງໆ ບໍ່ວ່າຈະເປັນສ່ວນສູງ 168ຊມ ຂຶ້ນໄປ, ມີອາຍຸລະຫວ່າງ 17-27, ແລະ ບຸກຂະລິກກະພາບພຽບພ້ອມ, ເຊິ່ງກໍ່ໄດ້ເປີດຮັບສະໝັກຕັ້ງແຕ່ເດືອນເມສາ ຈົນເຖິງວັນທີ 17 ພຶດສະພາ 2017 ທີ່ຜ່ານມາ, ກໍ່ໄດ້ມີການຄັດເລືອກເພື່ອທີ່ຈະຄັດຜູ້ເຂົ້າຮອບ 20 ຄົນສຸດທ້າຍ, ເພື່ອເຮັດກິດຈະກຳຕ່າງໆກ່ອນທີ່ຈະຮອດວັນປະກວດຮອບຕັດສິນໃນວັນທີ 15 ກໍລະກົດ 2017 ທີ່ຈະມາເຖິງນີ້, ເຊິ່ງເປັນກຽດເປັນປະທານເປີດງານໂດຍ ທ່ານ ດຣ ຫົງຄຳ ສຸວັນນະວົງ ປະທານໂທລະພາບທີວີລາວ ແລະ ປະທານຈັດງານປະກວດມິສແກຣນລາວ, ຕາງໜ້າສູນກາງຊາວໜຸ່ມປະຊາຊົນປະຕິວັດລາວ, ຜູ້ອຸປະຖຳໂຄງການ ແລະ ສື່ມວນຊົນຈຳນວນຫຼວງຫຼາຍ.
ໂຄງການປະກວດ “Miss Grand Laos 2017” ເປັນປີທຳອິດທີ່ປະເທດລາວຈະໄດ້ສົ່ງຕົວແທນນາງສາວຈາກປະເທດລາວໄປປະກວດເທິງເວທີລະດັບໂລກຢ່າງເປັນທາງການ, ເຊິ່ງຖືວ່າການຈັດໂຄງການນີແມ່ນຈັດຂຶ້ນໂດຍ ບໍລິສັດມິສລາວ/ທີວີລາວ ແລະ ເຫັນດີໂດຍສູນກາງຊາວໜຸ່ມປະຊາຊົນປະຕິວັດລາວ, ນັ້ນກໍເພື່ອເປັນການຄົ້ນຫານາງສາວຕົວແທນປະເທດລາວໄປປະກວດເທິງເວທີ “Miss Grand International” ເຊິ່ງເປັນເວທີທີ່ຕິດອັນດັບຕົ້ນໆຂອງໂລກ, ທີ່ຈະໄດ້ຈັດງານປະກວດທີ່ປະເທດ ຫວຽດນາມ ໃນເດືອນ ຕຸລາ 2017 ນີ້, ແລະ ແນ່ນອນວ່າປີນີ້ກໍ່ຈະໄດ້ມີຕົວແທນຈາກປະເທດລາວ ຫຼື Miss Grand Laos ເຂົ້າຮ່ວມປະກວດທີ່ເວທີໃຫ່ຍລະດັບໂລກດັ່ງກ່າວ, ນອກຈາກນັ້ນພາຍໃນງານຍັງມີການເຜີຍໂສມມົງກຸດທີ່ງົດງາມ ແລະ ລໍ້າຄ່າ ມີມູນຄ່າເພັດເຖິງ 122 ກະຣັດ ປະມານ 50 ລ້ານກີບ.
ມີຮູບພາບບັນຍາກາດພາຍໃນງານເປີດໂຕຜູ້ເຂົ້າ່ຮອບ 20 ຄົນສຸດທ້າຍມາຝາກນຳເດີ້!!!