ຕາດຖໍ້າພະ ສະຖານທີ່ທ່ອງທ່ຽວແຫ່ງໃໝ່ ຂອງເມືອງປາກງື່ມ

by / Comments Off on ຕາດຖໍ້າພະ ສະຖານທີ່ທ່ອງທ່ຽວແຫ່ງໃໝ່ ຂອງເມືອງປາກງື່ມ / 727 View / 10/07/2017

ແບ່ງປັນ

ສະບາຍດີ ສາວໆທີ່ໜ້າຮັກທັງຫຼາຍ ກັບມາພົບກັນອີກແລ້ວ ໄລຍະນີ້ແອັດເຫັນວ່າຫຼາຍຄົນມັກໄປທ່ຽວຕາດ, ມັກໄປຫຼີ້ນນໍ້າເຢັນໆ ມື້ນີ້ແອັດກໍ່ເລີຍຈະມາແນະນໍາອີກບ່ອນໜຶ່ງໄວ້ໃຫ້ ສາວໆໄດ້ໄປທ່ຽວໃນມື້ພັກຜ່ອນ ແລະ ສະຖານທີ່ນັ້ນກໍຄື: “ ຕາດຖໍ້າພະ ”.

 ຕາດຖໍ້າພະ ຕັ້ງຢູ່ເຂດບ້ານ ເວີນກະເບົາ ເມືອງ ປາກງື່ມ ນະຄອນຫຼວງວຽງຈັນ ເຊິ່ງເປັນແຫຼ່ງທ່ອງທ່ຽວແຫ່ງໃໝ່ຂອງ ເມືອງປາກງື່ມ ນັ້ນເອງ. ສໍາລັບ ເສັ້ນທາງແມ່ນໄປຕາມທາງ 13 ໃຕ້ໄລຍະທາງປະມານ 60 ກິໂລແມັດ ແລ້ວລ້ຽວຊ້າຍເຂົ້າໄປທາງຕາດວັງຫຼວງ ແລະ ກ່ອນທີ່ຈະຮອດຕາດວັງຫຼວງປະມານ 3 ກິໂລແມັດຈະມີປ້າຍລ້ຽວຂວາເຂົ້າໄປ 800 ແມັດ ກໍ່ຈະເຖິງຕາດຖໍ້າພະແລ້ວ. ເມື່ອໄປເຖິງຈຸດໝາຍແລ້ວ ຮັບຮອງໄດ້ເລີຍວ່າສາວໆຈະຮູ້ສຶກສົດຊື່ນຢ່າງແນ່ນອນ ເພາະບັນຍາກາດດີໆ, ນໍ້າເຢັນໆເໝາະແກ່ກັບການໄປພັກຜ່ອນ.

ຕາດຖໍ້າພະແຫ່ງນີ້ຍັງມີ ອາຫານພື້ນບ້ານ, ອາຫານຕາມສັ່ງ ແລະ ເຄື່ອງດື່ມແບບຄົບຄັນໄວ້ຄອຍບໍລິການ. ນອກຈາກນີ້ຍັງມີຕູບນ້ອຍ – ໃຫຍ່ຫຼາຍກວ່າ 20 ຕູບໄວ້ຄອຍບໍລິການ. ມີຫ້ອງນໍ້າ ແລະ ບ່ອນຈອດລົດກວ້າງຂວາງ ໄວ້ອໍານວຍຄວາມສະດວກໃຫ້ແກ່ຜູ້ທີ່ມາທ່ຽວ ແລະ ສິ່ງສໍາຄັນອີກຢ່ງໜຶ່ງຄື: ສາວໆທີ່ຈະໄປທ່ຽວສາມາດນຳອາຫານເຂົ້າໄປແຕ່ງກິນເອງໄດ້ ແຕ່ຫ້າມນຳເຂົ້າປະເພດເຄື່ອງດື່ມຊິນິດທີ່ບັນຈຸຂວດແກ້ວ ເພື່ອຄວາມປອດໄພ ຖ້າສາວໆມີໂອກາດຢ່າງລືມລອງໄປສໍາຜັດເດີ້.

ຮູບພາບ: ຕາດຖໍ້າພະ

Related Post

ສາວໆຮູ້ບໍ່ວ່າ 5 Item ກັນຕາຍ! ທີ່ຜູ້ຍິງຄວນມີໄວ້ໃນຕູ... ສະບາຍດີສາວໆຂັວນໃຈທຸກຄົນ ເຊື່ອວ່າທຸກຄົນຕ້ອງມີເສື້ອຕົວທີ່ມັກທີ່ສຸດຢູ່ໃນຕູ້ແນ່ນອນແມ່ນບໍ່? ເພາະຮູ້ສຶກວ່າໃສ່ແລ້ວເຂົ້າກັບເຮົາຫຼາຍ ໃສ່ແລ້ວ ເຮັດໃຫ້ເກີດຄວາມໝັ້...
ຖ້າໃຜມາທ່ຽວນະຄອນຫຼວງວຽງຈັນ ຕ້ອງໄປທ່ຽວນີ້ເລີຍ... ທ່ານຜູ້ອ່ານທີ່ໜ້າຮັກທັງຫຼາຍ ໃນມື້ນີ້ ທີມງານ ຂວັນໃຈ ໄດ້ນໍາເອົາ 10 ສະຖານທີ່ທ່ອງທ່ຽວ ໃນນະຄອນຫຼວງວຽງຈັນ ທີ່ທ່ານໃດໄດ້ມາຮອດ ມາເຖິງນະຄອນຫຼວງວຽງຈັນ ແຕ່ບໍ່ໄດ້ໄ...
Idea Mix and Match ສົ້ງຢີນໃນການແຕ່ງຕົວ ໃຫ້ດູດີ ມີລ... ສາວໆຄົນໃດທີ່ມັກສົ້ງຢີນເປັນຊີວິດຈິດໃຈ ບໍ່ວ່າຈະອອກໄປໃສ ແນວໃດກໍຕ້ອງໃສ່ຢີນໃຫ້ໄດ້ ມື້ນີ້ ຂັວນໃຈເລີຍຂໍເອົາໃຈ ດ້ວຍການນໍາເອົາ Fashions ສົ້ງຢີນຂາຍາວ ທີ່ທັງເກ໋ທ...
ເຈົ້າແມ່ຫ້າງແຕກ!!! ອໍ້າ ພັດຊະຣາພາ ໂພສຂອງໃຈ ສປປ ລາວ... ຫຼັງຈາກທີ່ Superstar ອໍ້າ ພັດຊະຣາພາ ໄຊເຊື້ອ ໄດ້ເດີນທາງມາໂຊໂຕທີ່ລາວເຮົາໃນວັນທີ 7 ມິຖຸນາ 2017 ທີ່ຜ່ານມາ, ເຮັດເອົາສ້າງຄວາມຮືຮາເພາະມີແຟນຄລັບຊາວລາວໄປໃຫ້ກຳລ...
error: ສະຫງວນລິຂະສິດ ຫ້າມນຳເອົາໄປເຜີຍແຜ່ຕໍ່ !!