ງາມຢ່າງດຽວບໍ່ພໍຕ້ອງສະຫຼາດແລະພິບໄຫວດີ ມາເບິ່ງການຕອບຄຳຖາມຂອງ ຟ້າໃສ ຈິນນາລີ ມິດແກຣນລາວ 2017

by / Comments Off on ງາມຢ່າງດຽວບໍ່ພໍຕ້ອງສະຫຼາດແລະພິບໄຫວດີ ມາເບິ່ງການຕອບຄຳຖາມຂອງ ຟ້າໃສ ຈິນນາລີ ມິດແກຣນລາວ 2017 / 20898 View / 16/07/2017

ແບ່ງປັນ

ປະກາດຜົນກັນໄປແບບສົດໆຮ້ອນໆ ສຳລັບການປະກວດນາງສາວ ມິສແກຣນລາວ (MISS GRAND LAOS 2017) ແລະ ສາວງາມຜູ້ທີ່ຄວ້າມົງກຸດອັນຊົງກຽດໄປໄດ້ກໍຄື ຟ້າໃສ ຈິນນາລີ ນໍລະສິງ ອາຍຸ 18 ປີ ມີລວງສູງ 1,73 cm ເຊິ່ງຖືວ່າ ຟ້າໃສ ກໍເປັນໂຕເກັງຂອງການປະກວດມາຕັ້ງແຕ່ທຳອິດ. ແຕ່ເຖິງຢ່າງໃດກໍຕາມການປະກວດເວທີໃຫ່ຍລະດັບປະເທດສາວງາມຜູ້ເຂົ້າປະກວດຈະງາມແຕ່ພຽງຢ່າງດຽວກໍຄົງຈະບໍ່ພໍ ຕ້ອງເປັນສາວງາມທີ່ມີຄວາມສະຫຼາດ ແລະມີພິບໄຫວໃນການແກ້ໄຂສະຖານະການ ແລະການຕອບຄຳຖາມໄດ້ເປັນຢ່າງດີ ແລະໃນຮອບ Top5 ຫຼືໃນຮອບ 5 ຄົນສຸດທ້າຍຂອງການປະກວດກໍຈະມີການຕອບຄຳຖາມຂອງບັນດາສາວງາມ ແລະຄົນທີ່ຕອບຄຳຖາມໄດ້ດີ ຖືກໃຈກຳມະການ ແລະກອງເຊຍຫຼາຍທີ່ສຸດກໍຄື ຟ້າໃສ ຈິນນາລີ ເພາະຕອບຄຳຖາມໄດ້ຢ່າງຄ່ອງແຄ້ວ ໄດ້ໃຈຄວາມທີ່ດີ ຈົນສາມາດພິຊິດໃຈກຳມະການ ແລະຜູ້ຊົມຈົນສາມາດຄວ້າຕຳແໜ່ງມິສແກຣນລາວຄົນທຳອິດໄດ້ຢ່າງງົດງາມ.

ຄຳຖາມທີ່ພິທີກອນຖາມ ຟ້າໃສ ມິສແກຣນລາວ 2017 ກໍຄື: ນ້ອງຄິດແນວໃດກັບການຕັດໄມ້ທຳລາຍປ່າ ແລະຄວນມີວິທີການປົກປັກຮັກສາປ່າໄມ້ແນວໃດ?

ຟ້າໃສຕອບວ່າ: “ນ້ອງມີຄວາມຄິດວ່າການຕັດໄມ້ທຳລາຍປ່າສົ່ງຜົນກະທົບຕໍ່ວິຖີຊີວິດຂອງຄົນ ສັດປ່າ ສິ່ງແວດລ້ອມ ແລະການກະສິກຳ,  ສຳລັບນ້ອງແລ້ວການຫຼຸດຜ່ອນການຕັດໄມ້ທຳລາຍປ່າທຳອິດເລີຍຕ້ອງເລີ່ມຈາກການປຸກລະດົມຈິດສຳນຶກຂອງຄົນໃຫ້ເຫັນຄວາມສຳຄັນຂອງປ່າໄມ້ໃນປະເທດລາວ ພໍຄົນເຮົາມີຈິດສຳນຶກຫຼືຄວາມຄິດນັ້ນແລ້ວ ຕໍ່ໄປກໍແມ່ນວິທີການແກ້ໄຂສຳລັບນ້ອງໜຶ່ງໃນວິທີການແກ້ໄຂກໍຄືການປູກຕົ້ນໄມ້ທົດແທນແລ້ວເຮົາຈຶ່ງມີປ່າໄມ້ທີ່ສວຍງາມແບບຍືນຍົງ ປະເທດລາວເປັນປະເທດທີ່ມີປ່າໄມ້ອຸດົມສົມບູນ ແລະນ້ອງເຊື່ອວ່າຄົນລາວທຸກຄົນພ້ອມທີ່ຈະຮ່ວມໃຈກັນຮັກສາປ່າໄມ້ເພື່ອທີ່ປະເທດລາວຈະເປັນປະເທດທີ່ມີປ່າໄມ້ທີ່ອຸດົມສົມບູນໃຫ້ຕ່າງຊາດໄດ້ຍ້ອງຍໍເຮົາເລື້ອຍໆໄປ…ຂໍຂອບໃຈ”

Miss Grand Laos 2017 🇱🇦🇱🇦🇱🇦

A post shared by NayNey (@n3991n) on

ຂໍຂອບໃຈຄລິບແລະຮູບພາບ

Related Post

ການກິນອາຫານເພື່ອສຸຂະພາບທີ່ດີ... ການກິນອາຫານເພື່ອສຸຂະພາບທີ່ດີ ໃນແຕ່ລະມື້ເຮົາຈຳເປັນຕ້ອງກິນອາຫານຫຼາກຫຼາຍ ແລະ ຍັງມີຄຳແນະນຳຫ້າມກິນນັ້ນກິນນີ່ຈົນວ່າບໍ່ຮູ້ຊິເຊື່ອໃຜດີ ມື້ນີ້ ວາລະສານຂັວນໃຈ...
ເລັ່ງປັບປຸງ ການບໍລິການ ລົດເມ ສາທາລະນະ... ​ທ່ານ ຄໍ​າພູນ ​ເຕ​ເມຣາດ ອໍາ​ນວຍ​ການ​ ລັດ​ວິ​ສາ​ຫະກິດ​ລົດ​ເມ​ ນະຄອນຫຼວງ​ວຽງ​ຈັນ ​ໄດ້​ຖະ​ແຫຼງຂ່າວ ໃນທ້າຍອາທິດທີ່ຜ່ານມາວ່າ: ​ເພື່ອແນ່ໃສ່ປັບປຸງການ​ຂົນ​ສົ່...
ກຽມສະເໜີມໍລະດົກໂລກເພີ່ມ 2 ແຫ່ງ...   ໃນວັນທີ 16 ມີນາ 2017 ທີ່ ນະຄອນຫລວງວຽງຈັນ , ກະຊວງຖະແຫລງຂ່າວ ວັດທະນະທຳ ແລະ ທ່ອງທ່ຽວ ໄດ້ພົບປະ ແລະ ເຮັດວຽກກັບສະມາຊິກສະພາແຫ່ງ ຊາດຊຸດທີ VIII ເຂດເລ...
ວັນໃໝ່ ໂພສຮູບຄູ່ຈົນຊາວເນັດມີຄວາມສົງໃສວ່າໝຸ່ມຄົນນີ້... ຍັງເປັນກະແສກັນເລື້ອຍໆສຳລັບນ້ອງ ວັນໃໝ່ ມົນຈຳປາ ທຳມະວົງ ທີ່ໄປປະກວດສາວງາມປະເພດສອງໃນເວທີລະດັບໂລກ "Miss International Queen 2016" ຈົນສ້າງຊື່ສຽງໃຫ້ປະເທດລາວເ...
error: ສະຫງວນລິຂະສິດ ຫ້າມນຳເອົາໄປເຜີຍແຜ່ຕໍ່ !!