ບັນຫາກວນໃຈສໍາລັບສາວ ເລື່ອງສະພາບຜິວກໍຄົງໜີບໍ່ພົ້ນ ສິວອຸດຕັນ ແມ່ນບໍ່? ສິວເມັດນ້ອຍໆທີ່ເຮັດໃຫ້ໜ້າເຮົາບໍ່ລຽບນຽນ ຍິ່ງຖ້າປ່ອຍໄວ້ດົນໆ ຖ້າສິວມັນຫຼຸດອອກມາກໍເຮັດໃຫ້ຮູຂຸມຂົນກ້ວາງຕາມຂະໜາດຂອງສິວນໍາ ສາວໆຖ້າບໍ່ຢາກໃຫ້ເກີດເປັນ ສິວອຸດຕັນ ເທິງໃບໜ້າ ມາເບິ່ງ! 8 ພຶດຕິກໍາທີ່ຄວນຢຸດ ຖ້າບໍ່ຢາກໃຫ້ເກີດເປັນ ສິອຸດຕັນ ໄປເບິ່ງກັນເລີຍ
- ບໍ່ລ້າງໜ້າກ່ອນນອນ
ໃນແຕ່ລະມື້ຜິວໜ້າຂອງເຮົາຕ້ອງເຈີກັບແສງແດດ ແລະ ມົນລະພາວະຕ່າງໆ ຍິ່ງຖ້າເຮົາແຕ່ງໜ້າຄວນຈະທໍາຄວາມສະອາດຜິວໜ້າໃຫ້ສະອາດຮຽບຮ້ອຍ ເພື່ອຫຼຸດອາການສິວອຸດຕັນ ສະນັ້ນ ການລ້າງໜ້າກ່ອນນອນເປັນສິ່ງທີ່ຫ້າມລະເລີຍເດັດຂາດ ບໍ່ວ່າເຮົາຈະເມື່ອຍ ຫຼືອ່ອນເພຍປານໃດກໍຕາມ
- ລະເລີຍການສະຄັບຜິວໜ້າ
ຍິ່ງເຮົາອາຍຸຫຼາຍຂຶ້ນ ການພຼັດເຊວຜິວກໍຍິ່ງອ່ອນແອລົງ ເຮັດໃຫ້ເຊວຜິວເກົ່າທີ່ຕາຍແລ້ວບໍ່ຍອມຫຼຸດອອກມາ ເຊວຜິວເກົ່າທີ່ຕາຍແລ້ວນັ້ນສະສົມໄຜດ້ວຍມົນລະພາວະຕ່າງໆ ສາວໆ ຄວນສະຄັບໜ້າຢ່າງໜ້ອຍອາທິດລະຄັ້ງ ເພື່ອປ້ອງກັນການເກີດສິວອຸດຕັນເດີ້ສາວໆ
- ເອົາມືມາສໍາພັດໜ້າຕະຫຼອດ
ສາວໆມືເຮົາບໍ່ຮູ້ວ່າໄປສໍາພັດຫຍັງມາແດ່ເຊິ່ງອາດຈະເຕັມໄປດ້ວຍເຊື້ອພະຍາດ ບໍ່ຄວນນໍາມືໄປສໍາພັດໃບໜ້າ ເພາະອາດຈະເຮັດໃຫ້ເກີດ ສິວອຸດຕັນ ຂຶ້ນເທິງໃບໜ້າໄດ້ ແລະ ຫ້າມແກະ ຫຼືເກົາແມ່ນຫຍັງເທິງໃບໜ້າເດັດຂາດເລີຍເດີ່!
- ບໍ່ເຮັດຄວາມສະອາດ Smart Phone
ໂທລະສັບມືຖືສະໄໝນີ້ເກືອບຈະເປັນ Touch Screen (ລະບົບສໍາພັດ) ກັນໄປໝົດແລ້ວ ຍິ່ງເຮົາເອົາມືຂອງເຮົາໄປສໍາພັດໜ້າຈໍ ແລະ ນໍາມາແນບກັບແກ້ມ ອາດຈະເຮັດໃຫ້ເກີດ ສິວອຸດຕັນໄດ້ ທາງທີ່ດີແນະນໍາໃຫ້ ເຮັດຄວາມສະອາດ Smart Phone ໃຫ້ສະອາດຢູ່ສະເໝີ
- ບໍ່ລ້າງໜ້າຫຼັງຈາກອອກກໍາລັງກາຍ
ເມື່ອເຮົາອອກກໍາລັງກາຍ ຮ່າງກາຍຈະຂັບນໍ້າເຫື່ອອອກມາ ເຊິ່ງເຫື່ອຂອງເຮົາຄືແຫຼ່ງສະສົມພະຍາດ ດັ່ງນັ້ນ ຫຼັງຈາກອອກກໍາລັງກາຍແລ້ວ ຄວນພັກຜ່ອນໃຫ້ຮ່າງກາຍເຊົາເມື່ອຍ ແລະ ໄປອາບນໍ້າທໍາຄວາມສະອາດຮ່າງກາຍໃຫ້ຮຽບຮ້ອຍ.
- ບໍ່ເຮັດຄວາມສະອາດແປງແຕ່ງໜ້າ
ແປງແຕ່ງໜ້າທີ່ເຮົາໃຊ້ສໍາພັດໃບໜ້ານັ້ນ ສະສົມໄປດ້ວຍເຊື້ອພະຍາດ ແລະ ແບັກທີເຣຍ ຄວນໝັ່ນເຮັດຄວາມສະອາດອຸປະກອນແຕ່ງໜ້າຢູ່ສະເໝີ ເພື່ອປ້ອງກັນ ການເກີດ ສິວອຸດຕັນເທິງໃບໜ້າຂອງສາວໆເອງ
- ບໍ່ມັກປ່ຽນຜ້າປູບ່ອນນອນ
ຜ້າຫົ່ມ ຫຼືເສື້ອໝອນທີ່ເຮົາໃຊ້ທຸກມື້ ຖ້າບໍ່ມັກປ່ຽນຈະເຮັດໃຫ້ເກີດເປັນ ສິວອຸດຕັນ ເທິງໃບໜ້າໄດ້ເດີ່ ເພາະສິ່ງທີ່ເຮົາຕ້ອງໃຊ້ສໍາພັດໃບໜ້າຕະຫຼອດ ຄວນໝັ່ນເຮັດຄວາມສະອາດຢູ່ສະເໝີ
- ພົບກັບມົນລະພາວະ
ຍິ່ງເຮົາອອກໄປທາງນອກ ກໍຍິ່ງພົບກັບຝຸ່ນຄວັນຕ່າງໆຢ່າງຫຼວງຫຼາຍ ພະຍາຍາມຫຼ່ຽງ ຫຼືເດີນທາງໃຫ້ປອດໄພຈາກມົນລະພາວະໃຫ້ຫຼາຍທີ່ສຸດ ຫຼືຖ້າຫາກລ່ຽງບໍ່ໄດ້ແທ້ໆ ແນະນໍາໃຫ້ເອົາຜ້າປິດປາກເພື່ອປ້ອງກັນຝຸ່ນຄວັນ.
Cr: Spice