ເປັນຂ່າວດັງໄປທົ່ວໂລກກໍລະນີທີ່ Shwe Eain Si ອາຍຸ 19 ປີ ມິສແກຼນ ມຽນມ້າ 2017 ຖືກສັ່ງໃຫ້ປົດອອກຈາກຕຳແໜ່ງກ່ອນການເດີນທາງໄປປະກວດ Miss Grand International 2017 ທີ່ ປະເທດ ຫວຽດນາມ ຖານເຮັດຜິດກົດ ແລະ ປະພຶດຕົວບໍ່ເໝາະສົມ ເຊິ່ງຫຼາຍຄົນກໍຊອກສາເຫດການປົດຕຳແໜ່ງຂອງ Shwe Eain Si ວ່າອາດເປັນຍ້ອນທີ່ນາງໄດ້ໂພສຄລິບວິດີໂອຄວາມຮຸນແຮງໃນ ລັດ ຍະໄຂ່ ພ້ອມຂຽນຂໍ້ຄວາມປະນາມ.
ຫຼ້າສຸດໃນວັນທີ 3 ຕຸລາ Shwe Eain Si ກໍໄດ້ອອກເຄື່ອນໄຫວແລ້ວ ໂດຍການໂພສຖະແຫຼງການຜ່ານເຟສບຸກ ຊີ້ໃຫ້ເຫັນວ່າສາເຫດການຖືກປົດຕຳແໜ່ງກ່ຽວຂ້ອງກັບການອອກມາວິຈານສະຖານະການຄວາມຮຸນແຮງໃນມຽນມ້າ ໂດຍລະບຸວ່າ: “ຖືເປັນເລື່ອງຈຳເປັນໃນຖານະປະຊາຊົນຄົນໜຶ່ງທີ່ຈະໃຊ້ຊື່ສຽງໃນການເວົ້າຄວາມຈິງເພຶ່ອປະເທດຊາດ”
Shwe Eain Si's Response to the Revocation Announcement …………….1.Since 2013, Hello Madam Media Company of…
โพสต์โดย Shwe Eain Si บน 2 ตุลาคม 2017
“ແມ່ນ ວ່າ Shwe Eain Si ເຮັດວິດິໂອທີ່ກ່ຽວກັບຄວາມໜ້າຍ້ານກົວທີ່ກຸ່ມຕິດອາວຸດອາຊາເຮັດໃຫ້ເກີດຂຶ້ນໃນລັດຍະໄຂ່ແມ່ນຄວາມຈິງ ແຕ່ນັ້ນແທບຈະບໍ່ນັບວ່າເປັນຄວາມຜິດພາດໃນການຮັກສາພາບພົດຂອງນາງງາມ” (Shwe Eain Siໄດ້ຂຽນລົງໃນເຟສບຸກ)
ຢ່າງໃດກໍຕາມກ່ອນໜ້ານີ້ມີຂ່າວວ່າ Shwe Eain Si ໄດ້ກ່າວປະນາມໂດຍການໂພສຄລິບປະນາມໂລຮິງຢາ ແຕ່ເນື້ອແທ້ Shwe Eain Si ບໍ່ໄດ້ເວົ້າເຖິງການກະທຳອັນຮຸນແຮງຂອງກອງທັບ ມຽນມ້າ ຕໍ່ຊາວມຸດສະລິມໂລຮິງຢາ ເຊິ່ງເປັນຊົນກຸ່ມນ້ອຍໃນ ລັດ ຍະໄຂ່ ແຕ່ຢ່າງໃດ.
ແລະ ນີ້ຖືເປັນກໍລະນີຫຼ້າສຸດທີ່ຜູ້ຊະນະການປະກວດເວທີນາງງາມຖືກປົດອອກຈາກຕຳແໜ່ງເນື່ອງຈາກສະແດງຄວາມຄິດເຫັນທາງດ້ານການເມືອງ ເຊິ່ງກ່ອນໜ້ານີ້ຊ່ວງເດືອນ ກັນຍາ ທີ່ຜ່ານມາ ນາງງາມເວທີມິສ ຕຸລະກີ ປີ 2017 ໄດ້ຖືກປົດອອກຈາກຕຳແໜ່ງຫຼັງຈາກທີ່ນາງໄດ້ຂຽນລົງໃນ ທະວີດເຕີ້ ໃນຊ່ວງຄົບຮອບ 1 ປີຂອງການພະຍາຍາມກໍ່ລັດທະປະຫານໃນ ຕຸລະກີ ໃນປີ 2016 ໂດຍລະບຸວ່າ “ການມີປະຈຳເດືອນຖືເປັນການສະເຫຼີມສະຫຼອງຂອງຜູ້ເສຍຊະລະຊີວິດໃນການຕໍ່ຕ້ານກອງທັບທີ່ພະຍາຍາມເຂົ້າຍຶດອຳນາດ”
ຍ້ອນກັບໄປອີກໃນປີ 2015 ອານາຕາເຊຍ ຫລິນ ນາງງາມປະເທດ ການາດາ ເຊື້ອສາຍຈີນ ເຊິ່ງໄດ້ເປັນຕົວແທນໄປແຂ່ງ ມິສເວີ ກັບພາດການເຂົ້າແຂ່ງຂັນໃນຄັ້ງນັ້ນເນື່ອງຈາກບໍ່ໄດ້ຮັບເຊີນຈາກປະເທດ ຈີນ ເຊິ່ງເປັນເຈົ້າພາບຈັດການແຂ່ງຂັນ ເຮັດໃຫ້ບໍ່ສາມາດຂໍວິຊ່າໄດ້ ຍ້ອນວ່ານາງໄດ້ວິພາກວິຈານປະເດັນການລະເມີດສິດທິມະນຸດໃນ ສປ ຈີນ ນັ້ນເອງ.
ທີ່ມາ: Shwe Eain Si , http://www.bbc.com/thai/international-41488210, https://women.kapook.com/view180668.html