ຮ້ານເຂົ້າຈີ່-ກາເຟ ​ມົນສະ​ເໜ່​ແຫ່ງ​​ລົດ​ຊາດ ​ກັບບັນ​ຍາ​ກ​າດ​ແບບປະ​ທັບ​ໃຈ

by / 0 Comments / 180 View / 13/10/2016

ແບ່ງປັນ

ໄລຍະແຫ່ງການຜັນປ່ຽນລະດູການ ຈາກລະດູຝົນເລີ່ມເຂົ້າສູ່ລະດູໜາວ ອາກາດກໍເລີ່ມເຢັນໆມາໜ້ອຍໜຶ່ງແລ້ວ ຖ້າໄດ້ກາເຟຮ້ອນຈັກຈອກ ແລະ ເຂົ້າຈີ່ແຊບໆຈັກອັນ ມານັ່ງຊຸມກັນເພື່ອຜ່ອນຄາຍບັນຍາກາດໜາວໆເຢັນໆແບບນີ້ຄົງຈະດີຂຶ້ນຢ່າງແນ່ນອນ. ຊັ້ນຈະຊັກຊ້າໄປເຮັດຫຍັງ ມາຮູ້ຈັກກັບ ຮ້ານເຂົ້າຈີ່-ກາເຟ ກັນດີກວ່າ ຂວັນໃຈ ຂໍແນະນໍາຮ້ານກາເຟ ທີ່ກຳລັງໄດ້ຮັບຄວາມນິຍົມຫລາຍທີ່ສຸດໃນກຸ່ມຄົນຍຸກໃໝ່ ທີ່ຕ້ອງແລ່ນນຳເວລາ ເພື່ອຮັບປະທານອາຫານທີ່ສະດວກສະບາຍ, ລົດຊາດແຊບ, ບໍລິການປະທັບໃຈ ແລະ ວ່ອງໄວທັນໃຈກັນດີກວ່າ. ຮ້ານດັ່ງກ່າວມີຊື່ວ່າ: ຮ້ານເຂົ້າຈີ່-ກາເຟ ຕັ້ງຢູ່ຂ້າງສໍານັກງານນາຍົກ ລັດຖະມົນຕີ ແລະ ຢູ່ດ້ານຫຼັງໂຮງຮຽນອຸດົມສຶກສາວຽງຈັນ ໃນຕຶກບໍລິສັດ ເຄ&ຊີ ເຊິ່ງບໍລິການອາຫານປະເພດເຂົ້າຈີ່ທຸກຊະນິດ, ກາເຟທີ່ເປັນແບບລາວແທ້ ແລະ ເຄື່ອງດື່ມທົ່ວໄປ ທີ່ໃຫ້ລົດຊາດຖືກໃຈແກ່ບັນດານັກຊິມທັງຫຼາຍໄດ້ເປັນຢ່າງດີ.

14646736_1134805279942010_1815593855_o

ເມື່ອເວົ້າເຖິງເຂົ້າຈີ່ ແລະ ກາເຟ ຫຼາຍທ່ານອາດຈະຮູ້ດີວ່າ: ເປັນອາຫານທີ່ຊອກຫາກິນງ່າຍ ທັງໃຫ້ຄວາມສະດວກສະບາຍຫລາຍທີ່ສຸດໃນຍາມຫິວທີ່ຟ້າວຟັ່ງ ແລະ ຮີບດ່ວນ ເໝາະສົມສໍາລັບຄົນເຮັດວຽກໃນຍຸກປັດຈຸບັນ ທີ່ຕ້ອງປະຕິບັດໂມງເວລາຢ່າງເຂັ້ມງວດ ເຂົ້າຈີ່ຍັງສາມາດຕອບໂຈດໃນຝັນຂອງການກິນອາຫານໃນຕອນເຊົ້າ ຊື້ອອກໄປກິນເອງໄດ້ ຫຼື ບາງທ່ານທີ່ຕ້ອງການນັ່ງກິນຢູ່ພາຍໃນຮ້ານ ທາງຮ້ານກໍມີບ່ອນນັດພົບປະສັງສັນທີ່ມີບັນຍາກາດແບບເປັນກັນເອງ, ອົບອຸ່ນ, ມີມູມໂລແມນຕິກ, ສະບາຍສະບາຍ ດ້ວຍການຕົກແຕ່ງຮ້ານໃນສະໄຕສ໌ ຝຣັ່ງ ທີ່ມີບ່ອນນັ່ງກິນ-ດື່ມພາຍໃນຮ້ານ ຫຼື ຖ້າຫາກທ່ານໃດທີ່ມັກອາກາດສົດກໍສາມາດນັ່ງຢູ່ທາງດ້ານນອກຂອງຮ້ານກໍໄດ້. ທາງຮ້ານຍັງມີມູມງາມໆທີ່ເປັນເອກະລັກຂອງຮ້ານສໍາລັບຄົນທີ່ມັກຖ່າຍຮູບໄວ້ເປັນທີ່ລະນຶກນຳອີກ.

14658375_1134804733275398_1747512907_n

ຈຸດເດັ່ນຂອງຮ້ານ ແມ່ນລົດຊາດ “ເຂົ້າຈີ່” ທີ່ແຊບມີຫຼາຍອັນໃຫ້ເລືອກ ໂດຍປົກກະຕິທາງຮ້ານຈະມີພຽງເຂົ້າຈີ່ປາເຕ້, ແຕ່ຮ້ານເຂົ້າຈີ່-ກາເຟ ໄດ້ພັດທະນາສ້າງເມນູເພີ່ມຕື່ມ ເຊັ່ນ: ເຂົ້າຈີ່ທູນາ, ເຂົ້າຈີ່ໄກ່ອົບ, ເຂົ້າຈີ່ປາແຊວມັອນ ແລະ ອື່ນໆ ທີ່ມີຫຼາກຫຼາຍລົດຊາດຄວາມແຊບທີ່ແຕກຕ່າງກັນໄປ ນອກຈາກນັ້ນ ຍັງມີ ກາເຟທີ່ຫອມນຸ້ມແຊບເປັນເອກະລັກຂອງລາວ ແລະ ລາຄາທີ່ເໝາະສົມກັບຄົນທົ່ວໄປ ສິ່ງສຳຄັນທີ່ສຸດກໍຄື ລູກຄ້າຈະໄດ້ສຳພັດກັບບັນຍາກາດຫວານໆ, ເຢັນສະບາຍໆ ຕາມສະໄຕ ຝຣັ່ງ ກັບຄວາມຮູ້ສຶກທີ່ອົບອຸ່ນເປັນກັນເອງ ເໝາະສຳລັບການນັດລົມລູກຄ້າ ຫຼື ແຂກຄົນສຳຄັນ ແລະ ອາດຈະນັດປະຊຸມນ້ອຍ ພາຍໃນຮ້ານກໍຮອງຮັບໄດ້

14625274_1134804626608742_940586506_n

ຮ້ານເຂົ້າຈີ່-ກາເຟ ໃຫ້ບໍລິການອາຫານເຊົ້າແບບງ່າຍໆ ລວມມີ: ໄຂ່ດາວ+ໄສ້ກອກ+ແຮມ+ເຂົ້າຈີ່, ຊີນມາຍ+ເຂົ້າຈີ່, ລາວູໄກ່+ເຂົ້າຈີ່ ສ່ວນປະເພດເຂົ້າຈີ່ ຈະມີ: ເຂົ້າຈີ່ປາເຕ້, ເຂົ້າຈີ່ໄກ່ອົບ, ເຂົ້າຈີ່ປາແຊວມ້ອນຮົມຄວັນ, ເຂົ້າຈີ່ທູນາ, ເຂົ້າຈີ່ເບີເກີ, ເຂົ້າຈີ່ຜັກ ແລະ ອື່ນໆ… ສຳລັບຂອງຫວານແມ່ນ: ເຂົ້າຈີ່ສັງຂະຫຍາໃບເຕີຍ, ເຂົ້າຈີ່ເນີຍນໍ້າຕານ, ເຂົ້າຈີ່ສັງຂະຫຍາຊອກໂກແລັດ, ເຂົ້າຈີ່ສັງຂະຫຍາສາລີ… ນອກນັ້ນ ຍັງມີປະເພດເຄື່ອງດື່ມຫຼາຍຊະນິດ ເຊັ່ນ: ລາເຕ້, ຄາປູຊິໂນ, ເອັສ໌ເພຣັສ໌ໂຊ, ຄາລາແມວລາເຕ້, ມັອກຄ້າ, ຊາຮ້ອນ, ຊາຂຽວ, ນໍ້າໝາກກ້ຽງສົດ, ນໍ້າໝາກນາວສົດ ແລະ ອື່ນໆອີກຫຼາຍລາຍການ.

14647181_1134807489941789_1356043872_o

ຮ້ານເຂົ້າຈີ່-ກາເຟ ຕັ້ງຢູ່ທີ່: ຖະໜົນສຳນັກງານນາຍົກລັດຖະມົນຕີ ບ້ານສີສະຫວາດ, ເມືອງ ຈັນທະບູລີ ນະຄອນຫຼວງວຽງຈັນ

ເວລາເປີດ: ທຸກວັນຈັນ ເຖິງ ສຸກ ເລີ່ມແຕ່ 07:00 ໂມງເຊົ້າ ຫາ 18:00 ໂມງແລງ ແລະ ວັນເສົາ-ອາທິດ ເລີ່ມແຕ່ 07:00 ໂມງເຊົ້າ ຫາ 15:00 ໂມງແລງ ເບີໂທ: 0305950000 ຫຼື ສາມາດຕິດຕາມໄດ້ທີ່ Page Facebook: Kaogee cafe

 

 

 

14643010_1134805709941967_1666009321_n

 

 

Related Post

ຫົວໃຈມໍລະກົດ ເທິງເກາະ Cocks comb... ຫົວໃຈມໍລະກົດ ເພັດນໍ້າງາມເທິງເກາະ Cocks comb ເກາະ Cocks comb ເປັນເກາະທີ່ຢູ່ທະເລອັນດາມັນ ປະເທດມຽນມ້າ ເຊິ່ງເກາະແຫ່ງນີ້ມີລັກສະນະເປັນເກາະຫີນປູນ ບໍ່ມີຊາຍ...
ຖ້າໃຜໄປທ່ຽວຊຽງຂວາງຢ່າລືມໄປທ່ຽວສະຖານທີ່ແຫ່ງນີ້ເດີ້!... ມື້ນີ້ຈະພາໄປທ່ຽວແຂວງຊຽງຂວາງ ໄປແຊ່ນໍ້າອຸ່ນນໍ້າກັນ ບໍ່ນໍ້າຮ້ອນເກີດຂຶ້ນຢູ່ຫຼາຍແຫ່ງໃນແຂວງຊຽງຂວາງ ແຕ່ຫຼາຍກວ່າໝູ່ແມ່ນຢູ່ໃນເມືອງຄໍາ ແລະ ໜຶ່ງໃນບັນດາບໍ່ນໍ້າຮ້ອ...
ກາເຟບໍ່ອັນຕະລາຍ ຖ້າຮູ້ວິທີກິນຢ່າງຖືກຕ້ອງ... ກາເຟ (Coffee) ກາຍເປັນເຄື່ອງດື່ມ ທີ່ຫຼາຍຄົນມັກ ບໍ່ວ່າຈະດື່ມກິນເພື່ອຄວາມສົດຊື່ນ ກິນເພື່ອຄວາມກະຕືລືລົ້ນໃນການເຮັດວຽກ ຫຼືຈາກການຢາກນອນໃນລະຫວ່າງມື້ ດັ່ງນັ້...
ຜູ້ຈັດການທີ່ສຸຂຸມ ຕ້ອງດຶງພະລັງຄວາມຄິດທີ່ສ້າງສັນຂອງ...   ຜູ້ຈັດການຍິງຍຸກໃໝ່ ທີ່ເອົາໃຈໃສ່ໃນທຸກເລື່ອງ ຮູ້ຈັກການບໍລິຫານຈັດການຕະຫຼອດເວລາ ທັງວຽກບໍລິສັດ ແລະ ວຽກຄອບຄົວ ກໍບໍ່ຫວັ່ນເຮັດໃຫ້ເກີດແນວຄິດສ້າງສັນໃໝ...

Your Commment

Email (will not be published)

CLOSE
CLOSE