ເປັນກະແສ ດຮ່າມ່າ ຮ້ອນແຮງກັນອີ່ຫລີ ເມື່ອຄູ່ຮັກມາລາທອນ ເຈ້ຍ ປາຊີຟິກ ແລະ ໄຊ ທະວີໄຊ (ແຟນສາວ) ໄດ້ອອກມາໂພສທາງ ເຟສບຸກ ຂອງທັງສອງພ້ອມໆກັນວ່າ ທັງ ເຈ້ຍ ແລະ ໄຊ ໄດ້ເລີກກັນແລ້ວ ດ້ວຍຄວາມຮັກ ແລະ ຄວາມເຂົ້າໃຈ ແລະ ພ້ອມທີ່ຈະເປີດຮັບຄົນໃໝ່ເຂົ້າມາໃນຊີວິດ ຈົນເຮັດໃຫ້ມີກະແສ ຮ້ອນແຮງ ບາງຄົນກໍຍັງງົງໆວ່າແມ່ນເລື່ອງແທ້ຫຼືບໍ່? ເພາະວ່າທັງສອງຄົບຫາເບິ່ງໃຈກັນເປັນເວລາເຖິງ 16 ປີແລ້ວ ຈົນເຮັດໃຫ້ເລື່ອງນີ້ຖືກເວົ້າເຖິງຈາກຄົນໃນວົງການບັນເທິງ ແລະ ແຟນຄລັບຢ່າງຫຼວງຫຼາຍ.
ໂດຍ ອ້າຍ ເຈ້ຍ ປາຊີຟິກ ເອງກໍໄດ້ໂພສຮູບ ແລະ ຂຽນຄຳອະທິບາຍວ່າ: “ເຈ້ຍ ກັບ ໄຊ ຕໍ່ໄປນີ້ ເຮົາເລີກກັນແລ້ວ ດ້ວຍຄວາມຮັກ ແລະ ຄວາມເຂົ້າໃຈພວກເຮົາຕົກລົງເຫັນດີ ແຍກທາງກັນ ບໍ່ແມ່ນຍ້ອນເຮົາ 2 ຄົນຜິດກັນ ແຕ່ເປັນຍ້ອນບັນຫາທີ່ເຫນືອການຄວບຄຸມຂອງເຮົາພວກເຮົາຕົກລົງທີ່ຈະບໍ່ໃຫ້ບັນຫາທີ່ແກ້ບໍ່ຕົກ ມາສ້າງບາດແຜໃຫ້ຊີວິດເຮົາ ເຮົາຈະແຍກທາງກັນ ແລະ ເປີດໃຈໃຫ້ຜູ້ອື່ນຂໍຄວາມກະລຸນາ ຢ່າຖາມຢ່າຖາມຫຍັງ ຂ້ອຍອີກ ເພາະ ຂ້ອຍໂພດທຸກເນື້ອໃນລະອຽດແລ້ວຖ້າໃຜທີ່ ຮັກຂ້ອຍ ເຫັນຫນ້າກັນກໍ່ຢ່າຖາມ ຖ້າຂ້ອຍຢາກເລົ່າ ຂ້ອຍສິເລົ່າສູ່ເຈົ້າຟັງເອງ ຂອບໃຈກັບ ຄວາມຮັກ ຄວາມຫ່ວງໄຍຕະຫຼອດ 16ປີ ຫວັງວ່າ ໄຊ ແລະ ເຈ້ຍ ຈະໄດ້ພົບກັນຄົນທີ່ເຂົ້າໃຈເຮົາ ແລະ ຮັກເຮົາ ຄືເຮົາເຄີຍ ຮັກກັນ”
ທີ່ມາ: Phoumsana Sirivongsa , Thavisay Keobounphanh