ໂພສຜິດຊີວິດປ່ຽນ!!! ລວມ 10 ການສະແດງອອກໃນໂລກ Online ທີ່ບໍ່ເປັນຕາເຮັດທີ່ສຸດ!!!
ສາວໆຈະໂພສຫຍັງແຕ່ລະເທື່ອ ກໍຕ້ອງຄິດໜ້າຄິດຫຼັງກ່ອນເດີ່ ບໍ່ດັ່ງນັ້ນຈະກາຍເປັນຄົນໂງ່ໂດຍບໍ່ຮູ້ຕົວ!!! ບົດຄວາມຕໍ່ໄປນີ້ຈະມາພ້ອມກັບສາລະ ແລະສິ່ງທີ່ຄວນຮູ້ໃນການສະແດງອອກຜ່ານ ໂລກ Online ແນ່ນອນວ່າສາວໆຍຸກໄຊເບີ່ຄືເຮົາ ຈະໃຫ້ຄວາມສໍາຄັນ ແລະໃຊ້ເວລາຢູ່ໃນໂລກອອນລາຍຄ້ອນຂ້າງຫຼາຍເລີຍແຫຼະ! ເນື່ອງຈາກວ່າມັນສະດວກ ໄວວາ ທັນຕໍ່ເຫດການ ແຕ່ສາວໆຮູ້ບໍ່ວ່າເຈົ້າສິ່ງນີ້ມັນສາມາດທໍາລາຍຊີວິດຂອງ ຫຼືເຮັດໃຫ້ສາວໆຖືກເບິ່ງບໍ່ດີໃນສາຍຕາຂອງຄົນອື່ນໄດ້ຖ້າບໍ່ລະວັງ! ດັ່ງນັ້ນ ສາວໆຈົ່ງຮີບມາ Check ໃຫ້ໄວວ່າຕົນເອງມີພຶດຕິກໍາຫຍັງແດ່? ທີ່ຈະເຮັດໃຫ້ສາວໆເບິ່ງເປັນຄົນສວຍໄສແຕ່ໄຮ້ສະໝອງ! ເລື່ອນນໍາມາເລີຍ!!!
- ເພີ້ເຖິງແຟນເກົ່າ ແລະພ້ອມທີ່ຈະເຜົາບ້ານແຟນໃໝ່ສະເໝີ
ເຂົ້າໃຈວ່າເວລາ ອົກຮັກ ມັນຮູ້ສຶກບໍ່ດີຂະໜາດໃດ ແລະທາງອອກທີ່ດີຂອງເລື່ອງກໍຄືການລະບາຍ ແຕ່ແອັດຂໍເຕືອນສາວໆໄວ້ເລີຍວ່າ ໂລກ Online ມັນບໍ່ແມ່ນພື້ນທີ່ສ່ວນຕົວ ແຕ່ມັນເປັນພື້ນທີ່ສ່ວນລວມ ດັ່ງນັ້ນ ການທີ່ສາວຈະມາໂພສເພີ້ເຖິງແຟນເກົ່າ ມັນຈະເຮັດໃຫ້ຄຸນຄ່າຂອງສາວໆນັ້ນຫຼຸດລົງຢ່າງຂັ້ນສຸດ ສະແດງເຖິງການບໍ່ມີວຸດທິພາວະທາງດ້ານອາລົມ ບໍ່ຕ້ອງເວົ້າເຖິງການໂພສດ່າແຟນໃໝ່ເຂົານໍາເດີ່! ບອກເລີຍວ່າເປັນພຶດຕິກໍາທີ່ບໍ່ດີສຸດໆ ທາງທີ່ດີສາວໆຄວນອອກໄປໂອ້ລົມ ຫຼືລະບາຍກັບໝູ່ເພື່ອນຈະດີທີ່ສຸດຈ່າ ໃຫ້ຄົນທີ່ໄວ້ໃຈຄອຍຮັບຟັງບັນຫາຂອງເຮົາ ດີກວ່າເອົາໄປລະບາຍໃຫ້ພວກສອດຮູ້ສອດເຫັນຟັງ!
- Share ຮູບຕອນກໍາລັງຮ້ອງໄຫ້ຜ່ານໂລກ Online
ສືບເນື່ອງມາຈາກປະເດັນທໍາອິດ ເປັນເລື່ອງປົກກະຕິຂອງຄົນທີ່ມີອາລົມອ່ອນໄຫວ ທີ່ຢາກຈະໄດ້ກໍາລັງໃຈ ແລະຄວາມເຫັນໃຈຈາກຄົນອື່ນ ແຕ່ການທີ່ໂພສຮູບຮ້ອງໄຫຜ່ານໂລກ Online ນັ້ນ ເບິ່ງຈະເປັນການທີ່ຮຽກຮ້ອງຄວາມສົນໃຈຫຼາຍເກີນໄປຈັກໜ້ອຍ ເພາະມັນໝາຍຄວາມວ່າເຈົ້າບໍ່ສາມາດຈັດການກັບອາລົມຂອງຕົວເອງໄດ້ ແລະຢ່າຫວັງວ່າເຮັດແບບນີ້ແລ້ວຄົນສ່ວນໃຫຍ່ຈະເຫັນໃຈ ເພາະພວກເຂົາຈະຄິດວ່າເຈົ້ານັ້ນຊ່າງເປັນເດັກນ້ອຍເຫຼືອເກີນ
- ໂພສແຕ່ຄໍາວ່າ “ໂສດ” ໂປຼໂມດຕົວເອງຢູ່ຕະຫຼອດ
ການທີ່ໂປຼໂມດຕົວເອງວ່າ “ໂສດ” ມັນບໍ່ໄດ້ເຮັດໃຫ້ເຈົ້າເປັນຕາຈີບ ຫຼືເບິ່ງແພງຂຶ້ນມາໄດ້ເລີຍ! ພັດກົງກັນຂ້າມ! ເພາະມັນສະແດງອອກມາວ່າເຈົ້າຢາກຈະມີແຟນຈົນໂຕສັ່ນ ເຖິງກັບຕ້ອງບອກໃຫ້ໂລກຮູ້! ແລະອີກຢ່າງມັນເປັນການສະແດງອອກເຖິງຄົນທີ່ບໍ່ມີຄວາມໝັ້ນໃຈໃນຕົວເອງ ຖ້າຢາກໃຫ້ຜູ້ຊາຍສົນໃຈ ເຈົ້າຕ້ອງເຮັດຕົວໃຫ້ມີສະເໜ ແລະໜ້າຄົ້ນຫາ ຄົງບໍ່ຕ້ອງບອກເນາະວ່າການໂປຼໂມດຕົວເອງໃຫ້ໜ້າຄົ້ນຫາຕ້ອງເຮັດແບບໃດ?
- ອວດຜູ້… ໃຫ້ໂລກຮູ້
ຂໍ້ນີ້ເຫັນມາຫຼາຍແລ້ວ ມີແຟນປຸ໊ບຕ້ອງພາອອກສື່ປັ໊ບ! ທໍາອິດກໍອາດຈະເປັນທີ່ຮືຮາ ແລະຕື່ນຕາຕື່ນໃຈຊາວ Social ຢູ່ດອກ ແຕ່ຖ້າມັນຫຼາຍເກີນໄປຄົງບໍ່ມີໃຜທີ່ຢາກຈະເບິ່ງຄວາມໜ້າຮັກຂອງພວກເຈົ້າທັງສອງແລ້ວແຫຼະ! ແຕ່ຈະກາຍເປັນຄວາມໜ້າເບື່ອຫຼາຍກວ່າ ບາງຄູ່ເຖິງຂັ້ນລົງຮູບ ກອດຈູບ ລູບຄໍາ ແອັດຢາກຈະໃຫ້ຄິດອີກເທື່ອໜຶ່ງວ່າ ເທິງໂລກ Online ບໍ່ໄດ້ມີແຕ່ເຈົ້າກັບແຟນໃດ໋ ບາງເທື່ອຊີວິດສ່ວນຕົວຂອງເຈົ້າ ຖ້າປ່ອຍໃຫ້ມັນເປັນເລື່ອງສ່ວນຕົວ ມັນໜ້າຈະດີກວ່າບໍ່?
- ຈົ່ມເລື່ອງຮູບຮ່າງ ຫວັງໃຫ້ມີຄົນມາຍ້ອງ
ອີກພຶດຕິກໍາໜຶ່ງທີ່ສະແດງອອກເຖິງຄວາມບໍ່ໝັ້ນໃຈແບບຂັ້ນສຸດກໍຄື ການຖ່າຍຮູບແລ້ວາບັນລະຍາຍຈຸດບົກຜ່ອງຂອງຕົວເອງ ທັ້ງທີ່ມັນບໍ່ໄດ້ເບິ່ງບໍ່ດີຂະໜາດນັ້ນ (ແຕ່ງຮູບມາເວີ້ກວ່າໂຕຈິງແລ້ວອີກ) ໂດຍຈຸດປະສົງຄື… ຕ້ອງການໃຫ້ໝູ່ເຂົ້າໄປຄອມເມັ້ນໃຫ້ກໍາລັງໃຈ ແລ້ວບອກວ່າມັນກະງາມຢູ່ແລ້ວ! ມັນໝາຍຄວາມວ່າເຈົ້າຕ້ອງອາໃສ ຄອມເມັ້ນຂອງຄົນອື່ນເພື່ອເຮັດໃຫ້ຕົວເອງຮູ້ສຶກດີ ນະຈຸດນີ້ແອັດຈະບໍ່ເວົ້າຫຍັງຫຼາຍ ແຕ່ຈະບອກພຽງວ່າ ແມ່ຍິງທີ່ມີຄວາມໝັ້ນໃຈ ແລະສະຫຼາດເຂົາຈະບໍ່ເຮັດແບບນີ້ເດັດຂາດ
- ຄອມເມັ້ນແຮງໆ ແຕ່ແຝງໄປດ້ວຍຄວາມໝັ້ນໃຈ
ຄວາມເປັນ ສາທາລະນະ ໃນໂລກ Online ເຮັດໃຫ້ຄົນເຮົາສະແດງພຶດຕິກໍາ ແລະທັດສະນະຄະຕິທີ່ບໍ່ດີອອກມາໂດຍຮູ້ຕົວ ແລະບໍ່ຮູ້ຕົວ! ໂດຍການຄອມເມັ້ນຄົນທີ່ບໍ່ສົມບູນແບບ (ຕາມຄວາມຄິດຂອງຕົວເອງ) ຫຼືຄົນທີ່ມີຄວາມຄິດແຕກຕ່າງຈາກຕົວເອງແບບເສຍໆຫາຍໆ ແລ້ວຕົບທ້າຍດ້ວຍຖ້ອຍຄໍາທີ່ໝັ້ນໃຈຄື ຄວາມຄິດເຫັນສ່ວນຕົວເດີ່, ດ່າໄດ້ແຕ່ຢ່າແຮງ, ດ່າມາດ່າກັບ ແລະອື່ນໆອີກ ການສະແດງຄວາມຄິດເຫັນເປັນເລື່ອງທີ່ດີກໍແມ່ນ ແຕ່ຕ້ອງສະແດງອອກໃຫ້ຖືກບ່ອນ ຖືກເວລາ ແລະຖືກກາລະເທສະນໍາ ໃຜທີ່ມີພຶດຕິກໍາແບບນີ້ຢູ່ຄວນເຊົາໃຫ້ໄວ! ກ່ອນທີ່ຈະກາຍເປັນບຸກຄົນທີ່ໜ້າລັງກຽດຂອງສັງຄົມ
- ຕອບໂຕ້ໜັກ ຫວັງໃຫ້ແຕກຫັກກັນໄປຂ້າງໜຶ່ງ
ການຄອມເມັ້ນ ຫຼືສະແດງຄວາມຄິດເຫັນໃນໂລກ Online ເປັນອິດສະຫຼະ ນີ້ແຫຼະຈຶ່ງເປັນທີ່ມາຂອງປະເດັນໂຕ້ແຍ້ງຕ່າງໆທີ່ເຮົາມັກຈະພົບຢູ່ເປັນປະຈໍາ ເນື່ອງຈາກຕ່າງຄົນຕ່າງມີຄວາມຄິດເປັນຂອງຕົວເອງ ແລະສາມາດສະແດງອອກມາໄດ້ທັນທີດ້ວຍ ປາຍນິ້ວມື ເຮັດໃຫ້ເລື່ອງນ້ອຍໆກາຍເປັນເລື່ອງໃຫຍ່ໄດ້ ແລະແນ່ນອນວ່າມັນຈະເປັນເລື່ອງມ່ວນ ຂອງພວກຄົນເຜືອກທັງຫຼາຍທີ່ສຸດ
- ຕິດຄໍາຄົມ ຈົນບໍ່ມີຄວາມຄິດເປັນຂອງຕົວເອງ
ການມີຄໍາຄົມປະຈໍາໃຈເປັນເລື່ອງທີ່ດີ ແຕ່ຖ້າມັນຫຼາຍເກີນໄປຈົນກາຍເປັນຄົນທີ່ບໍ່ມີຄວາມຄິດເປັນຂອງຕົວເອງກໍບໍ່ໄຫວເດີ່! ເອົາເປັນວ່າແຊຣພໍປະມານກໍພໍແລ້ວ ຢ່າໃຫ້ຄົນອື່ນມາດູຖູກໄດ້ວ່າ ເຮົາເປັນຄົນທີ່ບໍ່ໝັ້ນໃຈໃນຄວາມຄິດຂອງຕົວເອງເລີຍ ຄໍາຄົມດີໆມັນຈະເປັນແຮງຊຸກຍູ້ໃຫ້ເຮົາ ແຕ່ຢ່າລືມວ່າສິ່ງສໍາຄັນທີ່ສຸດຄືຕົວເຮົາເອງ ຈົ່ງໝັ້ນໃຈໃນຕົວເອງ ໝັ້ນໃຈໃນຄວາມຄິດຂອງຕົວເອງ ແລ້ວເຈົ້າຈະກາຍເປັນຄົນທີ່ມີຄວາມສຸກທີ່ສຸດໃນໂລກ!
- ເອົາເລື່ອງພາຍໃນ ມາປ່າວປະກາດໃຫ້ໂລກຮູ້
ບໍ່ວ່າຈະເປັນເລື່ອງໝູ່ ເລື່ອງແຟນ ເລື່ອງຄອບຄົວ ຫຼືໃນບໍລິສັດກໍຕາມແຕ່ ການເອົາມາປະຈານໃຫ້ໂລກຮູ້ ບໍ່ໄດ້ຊ່ວຍໃຫ້ບັນຫາໝົດໄປ ມີແຕ່ຈະເປັນການສ້າງບັນຫາໃຫ້ໃຫຍ່ຂຶ້ນຫຼາຍກວ່າ! ດັ່ງນັ້ນ ຈົ່ງຊອກວິທີຈັດການທີ່ເໝາະສົມ ເພາະຖ້າໂພສຫຍັງຜີດໄປ ອາດຈະເຮັດໃຫ້ຊີວິດປ່ຽນໄດ້ງ່າຍໆ ແລະທີ່ສໍາຄັນມັນຍັງບົ່ງບອກໄດ້ວ່າເຈົ້າບໍ່ມີຄວາມສາມາດທີ່ຈະຈັດການກັບບັນຫາຕ່າງໆ ຫຼືແມ່ນແຕ່ອາລົມຂອງຕົວເອງໄດ້!
- ຄໍາຫຍາບຄື My habit
ໄວລຸ້ນສະໄໝນີ້ມັກເຂົ້າໃຈວ່າ ການສະແດງຄໍາຫຍາບ ເປັນເລື່ອງທີ່ເທ່ຄູລ ຂ້ອຍນີ້ແຫຼະຄົນຈິງ! ແຕ່ເຈົ້າຮູ້ບໍ່ວ່ານັ້ນໝາຍເຖິງເຈົ້າກໍາລັງສະແດງຄວາມອ່ອນແອ ແລະຄວາມບໍ່ໝັ້ນໃຈອອກມາໃຫ້ໂລກຮູ້ ເພາະຖ້າເປັນຄົນຈິງແທ້ເຂົາຈະລົງມືເຮັດ ໂດຍບໍ່ໃຊ້ຄໍາເວົ້າແຮງໆພວກນີ້ມາສ້າງກະແສໃນໂລກ Online ໃຫ້ຕົວເອງເບິ່ງເທ່ ຫຼືຫຍັງທັງນັ້ນ ມີແຕ່ຄົນທີ່ຕ້ອງການຮຽກຮ້ອງຄວາມສົນໃຈເທົ່ານັ້ນທີ່ຈະເຮັດແບບນີ້ ຮູ້ບໍ່?
ເປັນແນວໃດສາວໆ ກັບ 10 ສິ່ງທີ່ນໍາສະເໜີໄປ! ຖ້າໃຜທີ່ຫຼົງເຮັດສິ່ງໃດທີ່ສິ່ງໜຶ່ງໄປກໍເຊົາເຮັດໄດ້ແລ້ວເດີ່ ຖ້າບໍ່ຢາກເບິ່ງ “ໂງ່” ໃນສາຍຕາຄົນອື່ນໂດຍສະເພາະໃນໂລກ Online