ກົດດັນແຫຼະດີ! 8 ສິ່ງທີ່ໄດ້ຈາກການ “ຖືກກົດດັນ” ທີ່ຈະຊ່ວຍຊຸກຍູ້ໃຫ້ເຮົາໄປໄດ້ໄກຫຼາຍຂຶ້ນ!!!
ມາເບິ່ງ 8 ຂໍ້ດີຂອງແຮງກົດດັນກັນ! ກົດດັນບໍ່ແມ່ນມີແຕ່ຂໍ້ເສຍເດີ່
ໃຜທີ່ມີບັນຫາເລື່ອງຄວາມກົດດັນ ທັງໃນດ້ານການເຮັດວຽກ ການຮຽນ ແລະເລື່ອງຕ່າງໆໃນຊີວິດ… ນໍາມາທາງນີ້ເລີຍ ເພາະມື້ນີ້ເຮົາຈະມາເວົ້າເຖິງ ຂໍ້ດີ ຂອງຄວາມກົດດັນກັນ ຫຼັງຈາກທີ່ໃຜໆເບິ່ງວ່າເປັນອຸປະສັກໃນການເຮັດວຽກໃຫ້ສໍາເລັດ ຫຼືຍິ່ງຖືກກົດດັນຍິ່ງຕຶງຄຽດ! ມື້ນີ້ມາປ່ຽນຄວາມຄິດເຫັນ ແລ້ວເຈົ້າອາດຈະຮູ້ສຶດດີ່ດີກັບຄໍາວ່າ ຄວາມກົດດັນ ຂຶ້ນມາກໍໄດ້
- ເຈົ້າຈະມີຄວາມເປັນຜູ້ໃຫຍ່ຫຼາຍຂຶ້ນ
ເມື່ອພົບແຮງກົດດັນຫຼາຍໆ ເຈົ້າຈະເລີ່ມມີຄວາມເປັນຜູ້ໃຫຍ່ຂຶ້ນມາອີກຫຼາຍ ເລື່ອງແບບນີ້ບໍ່ໄດ້ເຝິກກັນໄດ້ພຽງມື້ສອງມື້ເດີ່ ຕ້ອງຜ່ານຊ່ວງເວລາທີ່ຍາກລໍາບາກໄປໄດ້ນີ້ແຫຼະ ແລ້ວຈະເຂົ້າໃຈ!!!
- ຮັບມືກັບບັນຫາ ແກ້ໄຂບັນຫາໄດ້ຢ່າງດີ
ຍິ່ງສະສົມປະສົບການມາຫຼາຍຍິ່ງແກ້ໄຂບັນຫາໄດ້ໄວ ແລະຄ່ອງແຄ້ວຫຼາຍຂຶ້ນກວ່າເກົ່າຫຼາຍ ດັ່ງນັ້ນ ເມື່ອເຈົ້າພົບບັນຫາໜັກ ແລະແຮງກົດດັນທີ່ທັບຖົມເຂົ້າມາ ຢ່າໄປຢ້ານມັນ ລຸຍເລີຍດີກວ່າ!
- ມີສະຕິ ສະມາທີຢູ່ຕະຫຼອດເວລາ
ເມື່ອມີແຮງກົດດັນຈາກຕົວເອງ ແລະຜູ້ຄົນໃນຄອບຄົວຫຼາຍປານໃດ ເຮົາກໍຫວັງວ່າຈະເຮັດສິ່ງນັ້ນໆໄດ້ສໍາເລັດຫຼາຍເທົ່ານັ້ນ ດັ່ງນັ້ນ ຈຶ່ງບໍ່ແປກເລີຍ ຖ້າເຮົາຈະມີສະຕິ ແລະສະມາທິຢູ່ກັບຕົວເອງຕະຫຼອດເວລາ ເພາະຖ້າເຜີເມື່ອໃດຄົນຖ້າຊໍ້າເຕີມຢູ່ຫຼາຍ
- ກ້າຕັດສິນໃຈ ມີຄວາມຄິດເປັນຂອງຕົວເອງ
ເມື່ອຕ້ອງຜະເຊີນບັນຫາ ກໍກ້າທີ່ຈະຕັດສິນໃຈທຸກໆຢ່າງດ້ວຍຕົວເອງຫຼາຍຂຶ້ນ ເລື່ອງເລັກໆນ້ອຍໆທີ່ເມື່ອກ່ອນບໍ່ກ້າຕັດສິນດ້ວຍຕົວເອງຄົນດຽວ ເມື່ອສະຖານະການບີບບັງຄັບແທ້ໆ ເຈົ້າກໍຈະມີຄວາມຄິດເປັນຂອງຕົວເອງ ກ້າຕັດສິນໃຈຢ່າງເດັດດ່ຽວ
- ມີພູມຄຸ້ມກັນທີ່ແຂງແກ່ງຫຼາຍ
ທຸກໆບັນຫາທີ່ມີເມື່ອຜ່ານມັນໄປໄດ້ແລ້ວ ກໍຈະມີຄວາມແຂງແກ່ງເພີ່ມຂຶ້ນໄປອີກ! ແມ່ນຫຍັງທີ່ບໍ່ສາມາດຂ້າເຮົາໄດ້ ສິ່ງນັ້ນຈະເຮັດໃຫ້ເຮົາ Strong ຂຶ້ນຫຼາຍ ຈື່ຄໍານີ້ໄວ້ເດີ່ສາວແກ່ງທັງຫຼາຍ
- ເປັນການທ້າທາຍຄວາມສາມາດຂອງຕົນເອງອີກຮູບແບບໜຶ່ງ
ບາງເທື່ອເຮົາກໍບໍ່ເຄີຍຮູ້ດອກວ່າ ຄວາມສາມາດເປັນທີ່ສຸດຂອງເຮົາມັນຈະດີຂະໜາດໃດ ຈົນມາພົບກັບວຽກຫິນ ວຽກໂຫດ ວຽກທີ່ເຮັດໃຫ້ເຮົາຕ້ອງຕຶງຄຽດ! ບວກກັບພົບແຮງກົດດັນຕ່າງໆຫຼາກຫຼາຍ ກໍເປັນອີກທາງໜຶ່ງໃນການທົດສອບຕົວເອງຄືກັນວ່າ ເຮົານີ້ກະເກັ່ງຄືກັນເດ໊ະນີ້!!!
- ເຂົ້າໃຈຊີວິດຫຼາຍກວ່າຄົນຮຸ້ນດຽວກັນຫຼາຍ
ຄວາມຄິດໃຫຍ່ຂຶ້ນ ເກັ່ງຂຶ້ນ ກໍສ້າງມາຈາກຄວາມກົດດັນທີ່ພົບ! ການພົບວຽກທີ່ໜັກກວ່າຄົນຮຸ້ນດຽວກັນ ບໍ່ແມ່ນວ່າຊີວິດເຮົາຕົກຕໍ່າກວ່າໝູ່ ແຕ່ສິ່ງນັ້ນເປັນໂອກາດດີເລີຍແຫຼະ! ທີ່ຈະເຮັດໃຫ້ເຮົາເຕີບໃຫຍ່ ແລະກ້າວໜ້າກວ່າຄົນອື່ນ!
- ເຮັດໃຫ້ເຮົາມີຄວາມພະຍາຍາມຢ່າງຈິງຈັງ
ຄວາມກົດດັນນີ້ ເປັນການສ້າງພະລັງຄວາມພະຍາຍາມທີ່ດີທີ່ສຸດໃນຮູບແບບໜຶ່ງເລີຍແຫຼະ! ຖ້າເຮັດວຽກແບບເສີຍໆໄປໃນແຕ່ລະມື້ ໃຊ້ຊີວິດຊໍ້າຊາກໜ້າເບື່ອໜ່າຍ ບາງເທື່ອຄວາມກົດດັນນີ້ກະດີຄືກັນ ຖ້າເຮົາເບິ່ງໃນດ້ານດີຂອງມັນ!!!
ໄດ້ເບິ່ງອີກມຸມມອງໜຶ່ງກ່ຽວກັບດ້ານດີຂອງມັນແລ້ວ… ຫຼັງຈາກນີ້ສາວໆຄົງບໍ່ຕ້ອງຫວັ່ນກັບຄວາມກົດດັນຈາກຄົນອ້ອມຂ້າງອີກຕໍ່ໄປແລ້ວ!!!