ມາໆມາ…ຈະພາແຟນໆທຸກທ່ານໄປສ່ອງໂປຟາຍຂອງສາວງາມ ໜ້າຮັກ ຜິວພັນດີໆ ຈາກແຂວງ ຫຼວງພະບາງ ວີນາ ບຸບຜາ ອະດີດນາງສັງຂານປີ 2008 ເປັນອີກໜຶ່ງສາວທີ່ຂຶ້ນຊື່ດ້ານຄວາມສາມາດ ເພາະເພິ່ນກໍຜ່ານວຽກດ້ານວົງການບັນເທີງບໍ່ໜ້ອຍ ບໍ່ວ່າຈະເປັນພີເຊັນເຕີ້, ນັກຮ້ອງ, ພິທີກອນ ແລະ ນາງເອກຮູບເງົາອີກດ້ວຍ.
ວີນາ ບຸບຜາ ອາຍຸ 28 ປີ ເປັນຄົນຫຼວງພະບາງໂດຍກຳເນີດ ເລີ່ມເຂົ້າວົງການມາຕັ້ງແຕ່ປີ 2005 ເຊິ່ງນາງປະກວດໃນໂຄງການຊອກຫາສາວຜິວໃສ ແລະ ໄດ້ເປັນພີເຊັນເຕີ້ຂອງເຄື່ອງສຳອາງແບຼນດັງເຖິງ 3 ປີຊ້ອນ ຈາກນັ້ນກໍມີໂອກາດເຂົ້າປະກວດນາງສັງຂານຫຼວງພະບາງໃນປີ 2008 ເນື່ອງຈາກຄອບຄົວເປັນຜູ້ສະໜັບສະໜູນໃຫ້ປະກວດ ເພາະແມ່ ແລະ ນ້າສາວຂອງເພິ່ນກໍເປັນອະດີດນາງສັງຂານມາກ່ອນ (ໂອ້…ນາງສັງຂານໝົດຕະກູນເລີຍໄດ໋ນິ) ແລະ ອີກຢ່າງພໍ່ເຖົ້າຂອງສາວວີນາກໍເປັນຄົນທີ່ອອກແແບການແຕ່ງກາຍໃຫ້ກັບນາງສັງຂານຜູ້ທີ່ຊະນະເລີດທີ 1 ໃນແຕ່ລະປີຢູ່ແລ້ວເລີຍຢາກໃຫ້ຫຼານສາວປະກວດ ແລະ ໃນທີ່ສຸດກໍສາມາດເຮັດຕາມຄວາມປາຖະໜາຂອງຄອບຄົວໄດ້ສຳເລັດ ແລະ ໄດ້ເປັນນາງສັງຂານໃນປີ 2008, ຫຼັງຈາກນັ້ນມາກໍເຮັດໃຫ້ເລີ່ມມີຜູ້ຄົນຮູ້ຈັກ ແລະ ໃຫ້ຄວາມສົນໃຈ ມີວຽກໃນວົງການບັນເທີງເຂົ້າມາເລື້ອຍໆ ທັງເດີນແບບ ຖ່າຍແບບ ພີເຊັນເຕີ້ ແລະ ສະແດງຮູບເງົານັ້ນເອງ.
ຮູບພາບຂ່າວຈາກ: Vena Boupha