ງານວາງສະແດງໂມງ (International watch fair)

ໃນຕອນບ່າຍວັນທີ 10 ທັນວາ 2016 ຢູ່ທີ່ສູນການຄ້າວຽງຈັນເຊັນເຕີໄດ້ຈັດງານ Vientian center international watch fair ໂດຍມີ ທ່ານ ສົມບັດ ສິລິພອນວິທະຍາ ຜູ້ອວຍການໃຫຍ່ສູນການຄ້າວຽງຈັນເຊັນເຕີ ເປັນປະທານເປີດງານ ພ້ອມດ້ວຍແຂກ ແລະ ສື່ມວນຊົນເຂົ້າຮ່ວມໃນງານດັ່ງກ່າວ
ງານ Vientian center international watch fair ເປັນງານສະແດງທີ່ນຳໂມງຍີ່ຫໍ່ດັງລະດັບແຖວໜ້າຂອງໂລກມາສະແດງໃນລາວເປັນຄັ້ງທຳອິດ ບໍ່ວ່າຈະເປັນແບຼນ OMEGA, Breitling, Rado, Zenith, Longines, Gucci, Calvin, Klein, Tissot, Mido, Tag heuer ພ້ອມນີ້ຍັງໄດ້ນໍາເອົາໂມງ”ແຟຊັນ”ແບຼນ Royal Crowne, Ogival, Casio, G-shock, Citizen ມາແນະນໍາລູກຄ້າຊາວລາວ ໃນມໍ່ໆນີ້ກໍຈະມີການເປີດຮ້ານໃໝ່ເຊັ່ນ: Fossil, DKNY, Emporio Armani, Tommy Hilfiger ແລະ Daniel Wellington ແລະ ອິກຫຼາຍຮ້ານ ເພື່ອໃຫ້ຄົນລາວໄດ້ສໍາຜັດກັບສິນຄ້າໃໝ່ໆ.
ບໍ່ພຽງແຕ່ເທົ່ານັ້ນພາຍໃນງານຍັງມີຫຼາຍກິດຈະກຳການສະແດງເຊັ່ນ: ການສະແດງຫຼີ້ນເປຍໂນຈາກໂຮງຮຽນດົນຕີວຽງຈັນ, ສະແດງການເຕັ້ນຈາກຟັງແມ່ຂອງ, ການເດີນ Fashion show ແລະ ທີ່ສຳຄັນທີ່ສຸດໃນມື້ນີ້ແມ່ນຈັດການປະມູນໂມງເພື່ອການກຸສົນ ເຊິ່ງໃນການປະມູນຄັ້ງນີ້ແມ່ນໄດ້ເງິນເປັນຈຳນວນ 14.200.000 ກີບ ແລະ ເງິນດັ່ງກ່າວຈະໄດ້ນໍາໄປຊ່ວຍເຫຼືອເດັກນ້ອຍທີ່ຢູ່ຫ່າງໄກສອກຫຼີກ.
ຢ່າພາດໂອກາດດີໆ ງານຈະດໍາເນີນໄປຈົນເຖິງວັນທີ 15 ທັນວາ 2016.