ຂໍ້ດີຂອງຄົນມີແຟນບໍ່ຫຼໍ່ ທີ່ອາດເຮັດໃຫ້ສາວໆປ່ຽນໃຈມາຮັກຄົນໜ້າຕາທໍາມະດາໆ

by / Comments Off on ຂໍ້ດີຂອງຄົນມີແຟນບໍ່ຫຼໍ່ ທີ່ອາດເຮັດໃຫ້ສາວໆປ່ຽນໃຈມາຮັກຄົນໜ້າຕາທໍາມະດາໆ / 102 View / 15/12/2016

ແບ່ງປັນ

ໃນສ່ວນຕົວຂອງຂ້າພະເຈົ້າເຊື່ອໄດ້ເລີຍວ່າ 90% ຂອງຜູ້ຍິງຕ້ອງມີຜູ້ຊາຍໃນຝັນທີ່ຕ້ອງໜ້າຕາຫຼໍ່, ສະອາດ, ຫຸ່ນດີ ແຕ່ຄວາມຈິງແລ້ວນັ້ນຜູ້ຊາຍທີມີໜ້າຕາຫຼໍ່ໆອາດຈະບໍ່ໄດ້ດີຢ່າງທີ່ສາວໆຕັ້ງຄວາມຫວັງເອົາໄວ້ກໍ່ໄດ້ ແລະ ມື້ນີ້ ທີມງານຂັວນໃຈ ຈະມາເວົ້າເຖິງຜູ້ຊາຍທີ່ໜ້າຕາບໍ່ຫຼໍ່ແຕ່ເປັນຜູ້ຊາຍທີ່ໜ້າຕາທໍາມະດາ ແຕ່ຂ້າພະເຈົ້າເຊື່ອວ່າເມື່ອສາວໆໄດ້ອ່ານຂໍ້ດີຂອງການມີແຟນໜ້າຕາທໍາມະດາ ທ່ານຕ້ອງປ່ຽນຄວາມຄິດມາຮັກຄົນໜ້າຕາທໍາມະດາຢ່າງແນ່ນອນ

lover-5

  1. ເຂົາຈະຍອມທ່ານຫຼາຍກວ່າຄົນຫຼໍ່.

ຄົນຫຼໍ່ເລືອກໄດ້ຈຶ່ງມີອໍານາດຕໍ່ລອງຄ່ອນຂ້າງຫຼາຍ ເວລາຄົບກັນເຂົາຈະເປັນຝ່າຍໃຫ້ເຮົາເອົາໃຈເຂົາເລື່ອຍໆ ແຕ່ຄົນບໍ່ຫຼໍ່ຈະບໍ່ມີບັນຫານີ້ ແລະ ເຂົາກໍ່ຈະຮູ້ສຶກວ່າຊ່າງໂຊກດີທີ່ຄົນໜ້າຕາບໍ່ຫຼໍ່ແຕ່ມີແຟນໜ້າຮັກໆ ເຂົາກໍ່ຈະຍິ່ງຍອມເຮົາ ທັງຕາມໃຈ ແລະ ໃຫ້ອາໄພທ່ານຫຼາຍກວ່າຄົນຫຼໍ່.

  1. ທ່ານຈະຮູ້ສຶກງາມຂຶ້ນມາທັນທີ.

ຍຸກນີ້ເວລາໄປໃສມາໃສກໍຕ້ອງອັບຮູບພາບອີກແມ່ນບໍ່! ແລ້ວຖ້າມີແຟນຫຼໍ່ສາວໆກໍ່ຕ້ອງພະຍາມແຕ່ຕົວໃຫ້ງາມຕະຫຼອດ ຖ້າຫາກບໍ່ແຕ່ງຕົວໃຫ້ງາມຕະຫຼອດອາດຈະມີຄົນເວົ້າໄດ້ເປັນເອື້ອຍ, ເປັນນ້າສາວ ແຕ່ຖ້າມີແຟນບໍ່ຫຼໍ່ສາວໆສະບາຍໃຈໄດ້ເລີຍບໍ່ວ່າໄປໃສມາໃສ ແລະ ເວລາຖ່າຍຮູບພາບອອກມາສາວໆກໍ່ງາມ, ໂດດເດັ່ນກວ່າແຟນຢູ່ດີ.

romantic-moment

  1. ຈະບໍ່ມີບັນຫາຢ້ານຜູ້ຍິງຄົນອື່ນຈະມາແຍ່ງແຟນເຮົາ.

ແນ່ນອນວ່າຄົນຫຼໍ່ກໍຕ້ອງເປັນທີ່ໝາຍປອງຂອງສາວໆເປັນຈໍານວນຫຼາຍ ດັ່ງນັ້ນຖ້າສາວໆມີແຟນຫຼໍ່ສາວໆກໍ່ຈະຕ້ອງມານັ່ງເຈັບຫົວກັບເລື່ອງຜູ້ຍິງ ແຕ່ຖ້າຫາກແຟນສາວໆບໍ່ຫຼໍ່ສາວໆກໍ່ບໍ່ຕ້ອງມານັ່ງເປັນຫ່ວງຫຼາຍວ່າຈະມີໃຜມາແຍ່ງໄປ.

  1. ຄົນອື່ນຈະເບິ່ງທີ່ຄວາມດີຫຼືຄວາມສາມາດຂອງເຂົາ

ເພາະຄວາມຕ້ອງການພື້ນຖານຂໍ້ໜຶ່ງຂອງຄົນເຮົາຄື: ການເປັນທີ່ຍອມຮັບຂອງສັງຄົມ ຄົນທີ່ເກີດມາໜ້າຕາທໍາມະດາກໍ່ຕ້ອງເອົາຢ່າງອື່ນ ຄົນທີ່ບໍ່ຫຼໍ່ທີ່ຮັກດີກໍ່ຍິ່ງຈະມີຄວາມພະຍາຍາມຫຼາຍເປັນພິເສດທີ່ຈະເປັນທີ່ຍອມຮັບໃນດ້ານອື່ນເຊັ່ນ: ໜ້າທີ່ວຽກງານ, ຄຸນງາມຄວາມດີ ຫຼື ການສ້າງຖ້ານະ.

how-to-stay-in-love-forever-with-your-lover

  1. ພາກພູມໃຈໄດ້ເລີຍວ່າທ່ານບໍ່ໄດ້ຮັກຄົນທີ່ພາຍນອກ.

ຂໍ້ສຸດທ້າຍນີ້ຄືຫົວໃຈຂອງຕົນເອງ ການທີ່ສາວໆຮັກໃຜຄົນໜຶ່ງທີ່ຈິດໃຈ ແລະ ຄຸນງາມຄວາມດີຂອງເຂົາ ( ຍົກເວັ້ນຄົນທີ່ມີແຟນບໍ່ຫຼໍ່ແຕ່ມັນທີ່ຄວາມລວຍຂອງເຂົາ ) ນັ້ນສະແດງວ່າຕົວສາວໆເອງກໍມີຈິດໃຈງາມຄືກັນ.

ແຕ່ທັງໝົດນີ້ກໍ່ອາດຈະບໍ່ແມ່ນຄວາມຈິງ 100% ເພາະຜູ້ຊາຍບາງຄົນບໍ່ຫຼໍ່ແລ້ວນິໄສກໍ່ຍັງບໍ່ດີຄືໜ້າຕາ ແລະ ບາງຄົນທີ່ໜ້າຕາຫຼໍ່ໆ ແຕ່ກໍມີຈິດໃຈງາມຄືໜ້າຕາອີກ.

 

Related Post

ໄຂຂໍ້ຂ້ອງໃຈ!!! ກິນຢາຄຸມສຸກເສີນຕອນມີປະຈຳເດືອນໄດ້ບໍ່...   ຂໍ້ຂ້ອງໃຈກ່ຽວກັບການກິນຢາຄຸມສຸກເສີນ ຖ້າສາວໆຈະກິນຢາຄຸມສຸກເສີນລະຫວ່າງມີປະຈຳເດືອນຈະໄດ້ບໍ່? ການມີເພດສຳພັນແບບບໍ່ໄດ້ປ້ອງກັນໃນຂະນະທີ່ເຮົາຍັງບໍ່ພ້ອມມ...
5 ວິທີປ່ຽນຄວາມຢ້ານໃຫ້ເປັນຄວາມຮັກດີໆ!!!... 5 ວິທີປ່ຽນຄວາມຢ້ານໃຫ້ເປັນຄວາມຮັກດີໆ ສາວໆທັງຫຼາຍທີ່ບໍ່ກ້າທີ່ຈະຮັກ ບໍ່ກ້າທີ່ຈະເອົາຄົນອື່ນເຂົ້າມາເປັນສ່ວນໜຶ່ງໃນຊີວິດ ຮີບຟ້າວມາອ່ານທາງນີ້ເລີຍ ເພາະທີມງາ...
ເມື່ອເຮົາບໍ່ໃສ່ໃຈກັນ !!... ນອນນັບຖອຍຫຼັງສະເໝີ ເມື່ອເຮົາບໍ່ໃສ່ໃຈກັນ !! ໃນຍຸກທີ່ເຮົາສື່ສານກັນງ່າຍຂຶ້ນ ເຮົາອາດຈະໃຊ້ວິທີພິມຂໍ້ຄວາມເພື່ອລົມກັນເປັນສ່ວນຫຼາຍ ຈົນເຮັດໃຫ້ລືມເລື່ອງເ...
5 ວິທີມັດໃຈຄົນຮັກບໍ່ໃຫ້ນອກໃຈ... ບໍ່ຕ້ອງໂວຍວາຍ ບໍ່ຕ້ອງຫຶງ ບໍ່ຕ້ອງໃຈຮ້ອນທີ່ມັກໂວຍວາຍ ເພາະຈະເຮັດໃຫ້ເລື່ອງນ້ອຍກາຍເປັນເລື່ອງໃຫຍ່ ຄວນຄິດໃນແງ່ບວກໄວ້ແລ້ວຄ່ອຍໆແກ້ໄຂຈະດີກວ່າ. ບໍ່ຄວ...
CLOSE
CLOSE
error: Content is protected !!