ຄັ້ງທຳອິດໃນປະຫວັດສາດ ສາວງາມຕົວແທນປະເທດລາວໄດ້ຮັບລາງວັນຈາກເວທີສາກົນ!!!
ນາງ. ວາລິສະລາ ຕັງສຸວັນ ຕົວແທນຈາກປະເທດລາວໄດ້ຮັບລາງວັນ ນາງງາມມິດຕະພາບ MISS. FRIENDSHIP ຈາກເວທີປະກວດ MISS TOURISM QUEEN OF THE YEAR INTERNATIONAL 2016 ໃນວັນອາທິດ, ວັນທີ 18 ທັນວາ 2016 ທີ່ຜ່ານມາຢູ່ Happy Valley OCT Grand Theater ນະຄອນຫຼວງຊຽງໄຮ້, ປະເທດຈີນ.
ງານດັ່ງກ່າວ ມີສາວງາມຈາກທົ່ວໂລກຈຳນວນ 55 ປະເທດເຂົ້າຮ່ວມປະກວດ. ໃນມື້ຮອບຕັດສິນວັນທີ 18 ທັນວາ 2016 ຍັງມີການຖ່າຍທອດສົດທາງໂທລະພາບ Shanghai TV, ເຊິ່ງສາວງາມຈາກປະເທດລາວເຮົາໄດ້ສວມໃສ່ຊຸດງາມທັງຊຸດລາວປະເພນີ ແລະ ສາກົນ ຈົນເຮັດໃຫ້ຕ້ອງຕາຕ້ອງໃຈຄະນະກໍາມະການ ແລະ ຜູ້ຊົມທົ່ວໂລກ.
ປະເທດລາວເຮົາເປັນຄັ້ງທຳອິດໃນປະຫວັດສາດທີ່ໄດ້ຮັບລາງວັນໃນເວທີລະດັບສາກົນ ກໍຄືລາງວັນ ນາງງາມມິດຕະພາບ Miss. FRIENDSHIP – ລາງວັນຊຸດປະຈຳຊາດດີເດັ່ນມີ 3 ລາງວັນ: ສາວງາມຈາກ ອິນໂດເນເຊຍ, ປະເທດຫວຽດນາມ ແລະ ບຣາຊິວ. ຊະນະເລີດໄດ້ແກ່ສາວງາມຈາກປະເທດຊິລີ Chile,ຮອງຊະນະເລີດ ສາວງາມປະເທດເຈົ້າພາບ ປະເທດຈີນ, ຮອງຊະນະເລີດອັນດັບ 2 ສາວງາມຈາກປະເທດ ໂຣມາເນຍ, ຮອງຊະນະເລີດອັນດັບ 3 ສາວງາມຈາກປະເທດ ອົດສະຕາລີ່,ຮອງຊະນະເລີດອັນດັບ 4 ສາວງາມຈາກປະເທດ ອິນເດຍ.
ຂໍ້ມູນຈາກ: Firstmodelinglao
FB@Varissara May Tangsouvanh