ພັດທະນາຜະລິດຕະພັນທ່ອງທ່ຽວລາວ ເຂົ້າສູ່ສາກົນ (ມີຄຼິບ)

by / Comments Off on ພັດທະນາຜະລິດຕະພັນທ່ອງທ່ຽວລາວ ເຂົ້າສູ່ສາກົນ (ມີຄຼິບ) / 42 View / 17/02/2017

ແບ່ງປັນ

ທ່ານ ບົວເງິນ ຊາພູວົງ ຮອງລັດ ຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ກ່າວໃນການຈັດສຳມະນາ ກ່ຽວກັບການພັດທະນາຜະລິດຕະພັນ ການທ່ອງທ່ຽວຂອງລາວ ໃຫ້ສາມາດເຊື່ອມໂຍງ ກັບຜະລິດຕະພັນການທ່ອງທ່ຽວ ຂອງປະເທດມຽນມາ, ກຳປູເຈຍ ແລະ ຫວຽດນາມ ຄັ້ງນີ້ວ່າ: ດັ່ງທີ່ຮູ້ກັນດີແລ້ວ          ວ່າຜະລິດຕະພັນການທ່ອງທ່ຽວ ເປັນບັນຫາຕົ້ນຕໍ ທີ່ເຮັດໃຫ້ນັກທ່ອງທ່ຽວ ຕັດສິນໃຈເດີນທາງ ໄປຍັງຈຸດໝາຍປາຍທາງການທ່ອງທ່ຽວໃດໜຶ່ງ ສປປ ລາວ ເປັນປະເທດໜຶ່ງທີ່ມີຊາຍແດນຕິດຈອດ ກັບປະເທດໃກ້ຄຽງ ມີຊາຍແດນສາກົນ ທັງໝົດຈຳນວນ 27 ແຫ່ງ, ສາມາດເອົາວີຊາກັບດ່ານໄດ້ 22 ແຫ່ງ, ມີສະໜາມບິນສາກົນ 4 ແຫ່ງ. ສິ່ງທີ່ຄວນເອົາໃຈໃສ່ແມ່ນຈຳນວນນັກທ່ອງທ່ຽວ ທີ່ເຂົ້າມາທ່ຽວໃນ ສປປ ລາວ ປະມານ 62% ແມ່ນເດີນທາງມາຈາກປະເທດກຳປູເຈຍ, ຫວຽດນາມ ແລະ ສປ ຈີນ,  52% ແມ່ນເດີນທາງມາຈາກປະເທດໄທ, ສຳລັບມາທ່ຽວສະເພາະ ປະເທດລາວ ມີພຽງແຕ່ 37%.  ດັ່ງນັ້ນ, ຈຶ່ງເຫັນໄດ້ວ່າການວາງແຜນການພັດທະນາ ຜະລິດຕະພັນການ ທ່ອງທ່ຽວຂອງລາວ ໃຫ້ເຊື່ອມໂຍງກັບຜະລິດຕະພັນ ຂອງບັນດາປະເທດໃກ້ຄຽງ ແມ່ນເປັນບັນຫາທີ່ສຳຄັນທີ່ສຸດ ສຳລັບອຸດສະຫະກຳການທ່ອງທ່ຽວ ຂອງປະເທດເຮົາ.

ໃນການຈັດສຳມານະຄັ້ງນີ້, ກໍເພື່ອເປັນການສ້າງເຄືອຂ່າຍ ແລະ ຮັດແໜ້ນການຮ່ວມມື ລະຫວ່າງພາກລັດ ແລະ ພາກທຸລະກິດ ໃນການພັດທະນາຜະລິດຕະພັນ ການທ່ອງທ່ຽວ ຢູ່ ສປປ ລາວ, ທັງເປັນການລະດົມແນວຄວາມຄິດ ເຊິ່ງໄດ້ຈັດຂຶ້ນໃນວັນທີ 16-17 ກຸມພາ 2017 ທີ່ນະຄອນຫຼວງວຽງຈັນ  ໂດຍການເຂົ້າຮ່ວມຂອງ ທ່ານ ບົວເງິນ ຊາພູວົງ ຮອງລັດ ຖະມົນຕີກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ, ທ່ານ ອາລຸນ ບຸນມີໄຊ ຮັກສາການຫົວໜ້າກົມ ພັດທະນາການທ່ອງທ່ຽວ ແລະ ທ່ານ ຄີມ ຫງວຽນ ວັນ ຫົວໜ້າໂຄງການສະໜັບສະໜູນ ການລິເລີ່ມການເຊື່ອມໂຍງອາຊຽນ ພ້ອມດ້ວຍສຳມະນາກອນ ແລະ ພາກສ່ວນກ່ຽວຂ້ອງເຂົ້າຮ່ວມ.

ຂໍ້ມູນຈາກ: ຂ່າວສານປະເທດລາວ.

Related Post

ສາວໄທຕະລຶງ! ພິທີແຕ່ງດອງໃນປະເທດລາວ (ມີ Clip)...   ເຟັກບຸກຂອງສາວໄທຄົນໜຶ່ງໂພສຄລິບງານແຕ່ງດອງໃນປະເທດລາວ ພ້ອມຂຽນຄຳອະທິບາຍວ່າ "ຕະລຶງ!!! ພິທີງານແຕ່ງໃນລາວມີແບບນີ້ນຳ" ແລະ ມີການອະທິບາຍໃນຄລິບວ່າ: ພາບທີ...
ງານເປີດຕົວ “Nobody Jeans” ງານເປີດຕົວ “Nobody Jeans” ໃນຕອນບ່າຍຂອງວັນທີ 18 ທັນວາ 2016 ໄດ້ມີງານເປີດຕົວສິນຄ້າເສື້ອຜ້າແຟຊັນ “Nobody Jeans” ຢູ່ທີ່ສູນການຄ້າວຽງຈັນເຊັນເຕີໂດຍການເປັນກ...
ຈີນກໍມີຊາກຸຣະແລ້ວ...   ສວນສາທາລະນະໃນເມືອງ ອູ໋ຊີ ມົນທົນຈຽງຊູ ຂອງ ຈີນ ງົດງາມໄປດ້ວຍດອກຊາກຸຣະທີ່ກໍາລັງບານທີ່ຖ້າໃຫ້ຜູ້ຄົນໄປຊົມ ຊຶ່ງສວນແຫ່ງນີ້ ມີຕົ້ນຊາກຸຣະຫຼາຍກວ່າ 30.00...
Kára McCullough ສາວງາມຜູ້ພິຊິດຕຳແໜ່ງ Miss USA 2017... ປະກາດຜົນກັນເປັນທີ່ຮຽບຮ້ອຍສຳລັບການປະກວດ Miss USA ປະຈຳປີ 2017 ແລະ ສາວງາມຜູ້ທີ່ພິສິດມົງກຸດໃນປີນີ້ກໍຄື Kára McCullough ອາຍຸ 25 ປີ ມີລວງສູງ 1,78 cm, ເຊິ່ງ ...
CLOSE
CLOSE
error: Content is protected !!