ປະຫວັດຄວາມເປັນມາຂອງວັດສີເມືອງ

by / Comments Off on ປະຫວັດຄວາມເປັນມາຂອງວັດສີເມືອງ / 1924 View / 17/02/2017

ແບ່ງປັນ

ໃນມື້ນີ້ ທີມງານ ຂວັນໃຈ ຈະຂໍມາແນະນໍາໃຫ້ທ່ານຜູ້ອ່ານທີ່ໜ້າຮັກທັງຫຼາຍ ໄດ້ຮູ້ຈັກກັບປະຫວັດຂອງວັດສີເມືອງ ທີ່ເປັນທີ່ເພິ່ງທາງໃຈຂອງຊາວລາວເຮົາ ເມື່ອເອີ່ຍຊື່ວັດສີເມືອງຂຶ້ນມາ ທ່ານຜູ້ອ່ານທີ່ໜ້າຮັກທຸກທ່ານຄົງຈະຮູ້ເລີຍເນາະວ່າຕັ້ງຢູ່ໃສ ແລະ ຈະເປັນແນວໃດໃດນັ້ນເຮົາໄປອ່ານພ້ອມໆກັນເລີຍ

ວັດສີເມືອງ ເປັນທີ່ຕັ້ງຂອງເສົາຫລັກເມືອງວຽງຈັນ ຕັ້ງຢູ່ເຂດບ້ານສີເມືອງ ເມືອງຈັນທະບູລີ ເຊິ່ງໄດ້ມີປະຫວັດຄວາມເປັນອັນເກົ່າແກ່ທີ່ເລົ່າຂານສືບຕໍ່ກັນມາວ່າ: ໃນສະໄໝກ່ອນຕອນທີ່ຊາວເມືອງພວມກໍາລັງເຮັດພິທີປັກຫລັກເມືອງຢູ່ນັ້ນກໍມີແມ່ຍິງຄົນໜຶ່ງຊື່ວ່າ: ນາງສີ ເຊິ່ງກໍາລັງຖືພາໄດ້ສະຫຼະຊີບໂດດລົງໄປໃນຂຸມນັ້ນ ນາງໄດ້ຖືກຝັງໄປພ້ອມກັບຫຼັກເມືອງ ແລະ ກາຍເປັນຜີຫຼັກເມືອງ ຈຶ່ງກາຍເປັນທີ່ມາຂອງຊື່ວັດສີເມືອງແຫ່ງນີ້. ຍ້ອນວັດສີເມືອງເປັນສະຖານທີ່ສັກສິດຈຶ່ງໄດ້ກາຍເປັນທີ່ເພິ່ງທາງໃຈໃຫ້ແກ່ຊາວລາວ ແລະ ເປັນສະຖານທີ່ ທີ່ຊາວຕ່າງຊາດໃຫ້ຄວາມສົນໃຈເຂົ້າມາສຶກສາ ແລະ ທ່ຽວຊົມເປັນຈໍານວນຫຼວງຫຼາຍ

ປັດຈຸບັນປະຊາຊົນທັງພາຍໃນ ແລະ ຕ່າງປະເທດກໍໄດ້ເຂົ້າມາສັກກາລະບູຊາ-ກາບໄຫ້ວວັດສີເມືອງທຸກໆມື້ ໂດຍສະເພາະວັນອັງຄານ ແລະ ວັນສິນ ຄົນສ່ວນໃຫຍ່ແມ່ນມັກມາຂໍພອນ, ເສຍເຄາະ ບູຊາໂຊກ, ມາບະ-ມາບົນນໍາເຈົ້າແມ່ສີເມືອງໃນສິ່ງທີ່ຕົນປາດຖະໜາ ແລະ ເມື່ອສົມຫວັງແລ້ວກໍມາແກ້ບະຢູ່ນີ້ຕາມຄວາມເຊື່ອຂອງແຕ່ລະຄົນ. ທຸກໆປີໃນມື້ຂຶ້ນ 15 ຄໍ່າເດືອນ 12 ຂອງລາວເຊິ່ງກົງກັບມື້ບຸນນະມັດສະການພຣະທາດຫຼວງ ຈະມີພິທີແຫ່ຜະສາດເຜິ້ງ ເຊິ່ງເລີ່ມຕົ້ນແຫ່ຈາກວັດສີເມືອງແຫ່ງນີ້ໄປຫາພຣະທາດຫຼວງວຽງຈັນ,ວັດສີເມືອງສ້າງຂຶ້ນໃນປີ ພສ. 2106 ໂດຍເຈົ້າໄຊຍະເສດຖາທິລາດ ຕໍ່ມາຖືກກອງທັບສະຫຍາມທຳລາຍໃນປີ ພສ. 2371 ແລະ ໄດ້ສ້າງຂຶ້ນໃໝ່ໃນປີ ພສ. 2458 ພາຍໃນວັດສີເມືອງມີພຣະພຸດທະຮູບຈໍານວນຫຼວງຫຼາຍ ແລະ ເກົ່າແກ່

ຖ້າທ່ານຜູ້ອ່ານທີ່ໜ້າຮັກທ່ານໃດ ຢາກເຂົ້າໄປກາບໄຫວ້ຂໍພອນ ກໍສາມາດເຂົ້າໄປໄດ້ ເຊິ່ງວັດສີເມືອງເປີດໃຫ້ຄົນເຂົ້າທ່ຽວຊົມ ແລະ ກາບໄຫ້ວບູຊາທຸກມື້ຕັ້ງແຕ່ເຊົ້າມືດຈົນເຖິງຄໍ່າເລີຍ

 

 

 

 

 

 

Related Post

ມື້ທຳອິດຂອງການເຮັດວຽກ ຄວນກຽມຕົວແນວໃດຈັ່ງດີ... ການເຮັດວຽກມື້ທຳອິດມີຄວາມສຳຄັນທັງຕໍ່ຜູ້ເຮັດວຽກ ແລະ ອົງກອນ ຖ້າວ່າມື້ທຳອິດຂອງການເຮັດວຽກພົບກັບສິ້ງທີ່ດີໆ ຫຼື ເລື່ອງທີ່ໜ້າປະທັບໃຈ ກໍຈະເຮັດໃຫ້ມີກຳລັງໃຈຫຼາຍຂ...
ງາມແບບນີ້ຊຸດເຜົ່າໃດ ແຊຣບອກຕໍ່ກັນແດ່... ສະບາຍດີສາວໆຂວັນໃຈທີ່ໜ້າຮັກທັງຫຼາຍ ເວລາມັນສັ້ນແທ້ໆວ່າບໍ່ສາວໆ (ເສົາ-ອາທິດໝົດໄປ) ຜ່ານໄປໜ້ອຍດຽວໝູນວຽນມາຮອດວັນຈັນອີກແລ້ວ ບໍ່ພໍ້ກັນດົນ (ຕັ້ງສອງມື້) ຄິດຮອດກັ...
ມາເບິ່ງ! ຈາກອະດີດເຖິງປັດຈຸບັນຂອງນະຄອນຫຼວງວຽງຈັນ... ຫຼາຍໆຄົນອາດຈະລືມໄປແລ້ວ ວ່ານະຄອນຫຼວງວຽງຈັນ ໃນອາດີດເປັນແນວໃດ? ແລະຄົນລຸ່ນໃໝ່ຫຼາຍຄົນອາດຈະບໍ່ເຄີຍເຫັນ, ບໍ່ເຄີຍຮູ້ມາກ່ອນວ່າ ມື້ນີ້ "ລູກຊາວບ້ານ" ຈະພາທ່ານຮື້ຟ...
ສໍາເລັດໂຄງການອະນຸສາວະລີ ທ່ານ ຕູ້ຢ່າ ໄຊຈູ ທີ່ແຂວງຊຽ...   ໃນທ້າຍອາທິດຜ່ານມາໄດ້ຈັດ ພິທີມອບ-ຮັບໂຄງການກໍ່ສ້າງ, ຕິດຕັ້ງ ແລະ ຕົບແຕ່ງເດີ່ນສວນອະນຸສາວະລີ ທ່ານ ຕູ້ຢ່າ ໄຊຈູ ທີ່ບ້ານໂພນງາມໃຕ້ ເມືອງແປກ ແຂວງຊຽງຂວ...
CLOSE
CLOSE
error: Content is protected !!