Kuanjai Magazine
Wow ມື້ນີ້ ຊະນີIndy ມີຄວາມຮູ້ສຶກພາກພູມໃຈກັບໄວໜຸ່ມລາວ ແລະ ຢາກແນະນຳໃຫ້ແຟນໆໄດ້ຮູ້ຈັກນັ້ນກໍຄືນ້ອງ ລີວັນນາ ກູ້ (ເມເມ) ອາຍຸ 19 ປີ ຈາກນະຄອນຫຼວງວຽງຈັນ ຜູ້ຊະນະເລີດໂຄງການນັກອອກແບບໜຸ່ມນ້ອຍ (Lao Young Designers 2017), ຜົນງານຂອງ ເມເມ ທີ່ສົ່ງເຂົ້າປະກວດມີຄວາມໂດດເດັ່ນຈົນສາມາດເອົາຊະນະໃຈກຳມະການ ແລະ ພິຊິດທຶນການສຶກສາດ້ານອອກແບບທີ່ປະເທດ ຝຣັ່ງ ເປັນເວລາ 6 ເດືອນ ໃນສະຖາບັນການອອກແບບ ESMOD ເປັນສະຖາບັນດ້ານການອອກແບບທີ່ມີຊື່ດັງຂອງໂລກ ໂດຍຈະມີການຮ່ວມມືຢ່າງໃກ້ຊິດກັບສະຖາບັນເອັດສໂມດ, ສະຖານທູດຝຣັ່ງປະຈຳລາວ ແລະ ສະຖາບັນແຄມປັດສ ຝຣັ່ງ ປະຈຳລາວ.
ຈາກການສຳພາດນ້ອງ ເມເມ ນາງກໍໄດ້ເປີດເຜີຍໃຫ້ ທີມງານ ຂວັນໃຈ ເຮົາຟັງວ່າ: “ບໍ່ຄິດວ່າຕົນເອງຈະໄດ້ ເພາະທີ່ຈິງຕົນບໍ່ມີຊື່ໃນຜູ້ເຂົ້າຮອບສຸດທ້າຍ ແຕ່ໃນມື້ວັນທີ 23 ພຶດສະພາ ທາງໂຄງການເພິ່ນກໍໄດ້ໂທມາໃຫ້ເຂົ້າມາຮ່ວມໃນການແຂ່ງຂັນ ເພາະມີໝູ່ທີ່ເຂົ້າຮ່ວມໂຄງການສະຫຼະສິດໄປ ແລະ ໃນວິນາທີທີ່ທາງຜູ້ໃຫ່ຍເພິ່ນປະກາດວ່າເປັນຊື່ເຮົາທີ່ເປັນຜູ້ທີ່ຊະນະເລີດ ເຮົາກໍເຮັດໂຕບໍ່ຖືກ ແລະ ມີຄວາມດີໃຈຫຼາຍ ຈົນເວົ້າຫຍັງບໍ່ອອກ (ຍິ້ມ) ກໍຂໍຂອບໃຈມາທາງຜູ້ໃຫ່ຍທີ່ໃຫ້ໂອກາດ” (ໂອ້…ຖືວ່າທັງເກັ່ງທັງເຮັງເລີຍໄດ໋ນິ)
ສຳລັບ ລີວັນນາ ກູ້ (ເມເມ) ແມ່ນເປັນສາວນ້ອຍລູກຊອດ ລາວ-ສິງກະໂປ ແລະ ປະຈຸບັນກຳລັງສຶກສາຢູ່ທີ່ປະເທດ ສິງກະໂປ ເອກພາສາອັງກິດ ແລະ ດ້ວຍຄວາມມັກໃນດ້ານການອອກແບບຈຶ່ງເຮັດໃຫ້ ເມເມ ກັບມາປະເທດລາວ ແລະ ສົ່ງຜົນງານເຂົ້າໃນການປະກວດຈົນໄດ້ຮັບລາງວັນຊະນະເລີດໃນປີນີ້!!!
#ແຊຣໄປໃຫ້ໂລກຮູ້ເຖິງຄວາມສາມາດຂອງໄວໜຸ່ມລາວ
ມີຜົນງານທີ່ ເມເມ ສົ່ງເຂົ້າປະກວດມາຝາກແຟນໆນຳເດີ້…!!!
ຍັງບໍ່ໝົດຍັງມີຮູບພາບຂອງສາວນ້ອຍຄົນນີ້ມາຝາກ…
