ຫົວເຫວີຍ ປະກາດຄວາມສຳເລັດຫຼ້າສຸດກັບ ສະມາດທ໌ໂຟນຮຸ່ນທ໋ອບ Huawei P9 ທີ່ເປີດໂຕ ແລະວາງຈໍາໜ່າຍທົ່ວໂລກໃນເດືອນເມສາທີ່ຜ່ານມາ, ຫຼ້າສຸດນີ້ ກໍ່ສາມາດເຮັດຍອດຂາຍໄດ້ເກີນ 9 ລ້ານໜ່ວຍໄປແລ້ວ, ໂດຍໂຕເລກດັ່ງກ່າວ ເພີ່ມຂຶ້ນຈາກ 6 ລ້ານໜ່ວຍ ທີ່ເປັນຍອດຂາຍສະມາດທ໌ໂຟນ Huawei P9 ທີ່ ບັນທຶກໄວ້ເມື່ອເດືອນກັນຍາ (3 ລ້ານໜ່ວຍທີ່ເຫຼືອ ຖືກຈຳໜ່າຍພາຍໃນ ເວລາພຽງ 2 ເດືອນ) ຄວາມສຳເລັດຄັ້ງນີ້ເປັນອີກໜຶ່ງກ້າວສຳຄັນຂອງ Huawei ບໍລິສັດ ສັນຊາດ ຈີນ ທີ່ໃຊ້ເວລາຫຼາຍສົມຄວນໃນໄລຍະເລີ່ມຕົ້ນແຂ່ງຂັນກັບຜູ້ຜະລິດລາຍອື່ນ ກ່ອນທີ່ຈະສາມາດມີຊື່ສຽງໃນສະມາດໂຟນ ທີ່ເປັນທີ່ຮູ້ຈັກກັນທົ່ວໂລກ. ຄາດວ່າ Huawei ຈະສາມາດເຮັດຍອດຂາຍຂອງ Huawei P9 ໄດ້ເກີນ 10 ລ້ານໜ່ວຍພາຍໃນປີນີ້, ຈາກນັ້ນກໍຈະເປັນໄລຍະເວລາຂອງ Huawei Mate 9 ສະມາດທ໌ໂຟນຮຸ່ນທ໋ອບ ຈໍໃຫຍ່ທີ່ມາພ້ອມກ້ອງເລັນຄູ່ ຮຸ່ນທີສອງ ເຊິ່ງເປັນ …

Bank ຊາຍໜຸ່ມທີ່ມັກຄວາມທ້າທາຍ ກ້າຄິດ, ກ້າສະແດງອອກ ແລະ ມີຄວາມໝັ້ນໃຈ ໃນຕົວເອງສູງ ອາຍຸ 22 ປີ ຈົບຈາກວິທະຍາໄລ ຮັຕນະບໍລິຫານທຸລະກິດ. ປັດຈຸບັນ, ເປັນນາຍເເບບຮັບງານທົ່ວໄປ ຖ່າຍແບບ, ເດີນແບບໃນງານຕ່າງໆ ຍ້ອນມັກຄວາມທ້າທາຍ ໃນດ້ານວົງການບັນເທີງ ແຕ່ສຳລັບຄວາມໃຝ່ຝັນ ແມ່ນຢາກເປັນເຈົ້າຂອງທຸລະກິດສ່ວນຕົວຄືກັບ ພໍ່ ແລະ ແມ່. ແບ້ງ ເອົາໃຈ ໃສ່ໃນການສຶກສາ ເພາະການສຶກສາແມ່ນການຮຽນຮູ້ຂອງທຸກສິ່ງທຸກຢ່າງເພື່ອນຳມາໃຊ້ໃນຊີວິດປະຈຳວັນ ແລະ ອະນາຄົດໄດ້. ກິລາທີ່ມັກ ແມ່ນກິລາປະເພດ ລຸຍລຸຍ ເເລະ ໃຊ້ກຳລັງ ເຊັ່ນ: Motocross ແລະ Fitness ເປັນຕົ້ນ ເພາະເປັນຜູ້ຊາຍສ່ວນຫຼາຍມັກຄວາມທ້າທາຍສະເໝີ. ໂກວິດ ມຸ່ຍອຸດົມເດດ Kovith MOUIOUDOMDETH (Bank)

ເພັນມາລີ ມີຄວາມຮັກມັກດ້ານການບັນເທີງເປັນຊີວິດຈິດໃຈມາຕັ້ງແຕ່ນ້ອຍ ແລະ ມີປະສົບການທາງດ້ານນີ້ມາຫຼາຍປີ  ບໍ່ວ່າຈະເປັນເດີນແບບ, ຜູ້ບັນຍາຍ, ສະແດງລະຄອນ, ຜູ້ປະກາດຂ່າວ, DJ ລາຍການວິທະຍຸ, ພິທີກອນໂທລະພາບ ແລະ MC. ອີກທັງຍັງເປັນຜູ້ກໍ່ຕັ້ງ ບໍລິສັດ ທີ່ໃຫ້ບໍລິການດ້ານຜະລິດສື່ບັນເທີງ ຫຼື Production House ຍ້ອນມີຄວາມຮູ້ ຄວາມສາມາດ ແລະ ເຄີຍຜ່ານວຽກດ້ານນີ້ມາຫຼາຍກວ່າ 10 ປີ. ຊື່: ນາງ ເພັນມາລີ ມ. ພົນເສນາ, ອາຍຸ 36 ປີ, ການສຶກສາ ຈົບປະລິນຍາຕີຄະນະອັກສອນສາດ, ຜູ້ອຳນວຍການ ບໍລິສັດ Chillax Productions ທັງເປັນຜູ້ອຳນວຍການຜະລິດ ແລະ ຜູ້ກຳກັບການສະແດງ ຫາກທ່ານໃດສົນໃຈຢາກຮູ້ລາຍລະອຽດເພີ່ມຕື່ມກ່ຽວກັບຈຸດເລີ່ມຕົ້ນຂອງການກໍຕັ້ງບໍລິສັດ ແລະ ຊີວິດຂອງແມ່ຍິງຄົນນີ້ຫຼາຍຂຶ້ນ ທ່ານສາມາດອ່ານໄດ້ໃນ ວາລະສານຂວັນໃຈ ສະບັບ ເດືອນພະຈິກ 2016 …

ຂ້າພະເຈົ້າເຊື່ອວ່າທຸກຄົນ ຕ້ອງເຄີຍຜ່ານການມີຄວາມຮັກມາແລ້ວ ສ່ວນຕົວຂ້າພະເຈົ້າເອງເຊື່ອວ່າ ການເລືອກຄູ່ຊີວິດ ເຮົາຕ້ອງໃຊ້ສະໝອງ ແລະ ຫົວໃຈຄວບຄູ່ກັນໄປໃນເວລາດຽວກັນ ເພາະຫົວໃຈຈະຖືກສັ່ງດ້ວຍສະໝອງ ຄວາມຮັກກໍເຊັ່ນກັນ ຈະຖືກສັ່ງດ້ວຍຄວາມຮູ້ສຶກຂອງມະນຸດທຸກຄົນ ມັນເປັນໄປບໍ່ໄດ້ທີ່ເຮົາຕ້ອງເລືອກລະຫວ່າງ ສະໝອງ ຫຼື ຫົວໃຈມາຕັດສິນວ່າຈະເລືອກໃຜມາເປັນຄູ່ຊີວິດ ຍ້ອນວ່າການເລືອກຄົນໆໜຶ່ງໃຫ້ເຂົ້າມາໃຊ້ຊີວິດຢູ່ຮ່ວມກັບເຮົາ ແມ່ນຕ້ອງຄິດໃຫ້ດີກ່ອນຢູ່ແລ້ວ ສ່ວນທາງດ້ານຂອງຫົວໃຈກໍຕ້ອງເປັນອີກສ່ວນຫໜຶ່ງໃນການເລືອກຄູ່ ເພາະເຮົາເອົາແຕ່ສະໝອງຄິດຢ່າງດຽວມັນກໍເປັນໄປບໍ່ໄດ້ ເຮົາຕ້ອງໃຊ້ຄວາມຮູ້ສຶກໃນການຊ່ວຍຕັດສິນໃຈເຊັ່ນກັນ ເຖິງຢ່າງໃດກໍຕາມ ຂ້າພະເຈົ້າຍັງເຊື່ອວ່າການເລືອກໃຜຈັກຄົນເຂົ້າມາໃຊ້ຊີວິດຢູ່ຮ່ວມກັນມັນຕ້ອງໃຊ້ ສະໝອງແລະຫົວໃຈໄປພ້ອມໆກັນໃນການເລືອກຄູ່ ຂ້າພະເຈົ້າຂໍເລົ່າເຖິງປະສົບການທີ່ເຄີຍຜ່ານມາໃນຊີວິດໃຫ້ຟັງ. ເລື່ອງມັນເລີ່ມຕົ້ນຈາກຂ້າພະເຈົ້າເປັນຄົນຫຼາຍໃຈ ຂ້ອຍມັກໃຊ້ຊີວິດແບບເລີກກັບຄົນນັ້ນບໍ່ດົນກໍລົມຄົນໃໝ່ ເປັນແບບນີ້ມາຕະຫຼອດ ຈົນມີມື້ໜຶ່ງ ຂ້ອຍໄດ້ພົບກັບຊາຍຄົນໜຶ່ງທີ່ເປັນໝູ່ຂອງໝູ່ໃນກຸ່ມທີ່ຮຽນ ພາກພາສາອັງກິດ ທຸກຄັ້ງທີ່ເຮົາລົມກັນ ກໍມັກລົມບໍ່ຢຸດບໍ່ເຊົາ ແຕ່ລາວເປັນຄົນທີ່ບໍ່ມັກລົມ ຂ້ອຍຂໍແທນຊື່ລາວວ່າ: ສ ເນາະ! ຂ້ອຍມັກຈະຊວນ ສ ໂອ້ລົມຢູ່ຕະຫຼອດເວລາ ເພາະ ສ ເປັນຄົນເວົ້າບໍ່ເກັ່ງ ຈົນເຮົາໄດ້ໄປໃສມາໃສນໍາກັນຫຼາຍຂຶ້ນ ຂ້ອຍເລີຍຕັດສິນໃຈຖາມ ສ ວ່າ: ຮູ້ສຶກແນວໃດກັບຂ້ອຍ ເພາະຂ້ອຍຄົງຖ້າໃຫ້ ສ ເປັນຝ່າຍຖາມຄືຈະຍາກ ຍ້ອນລາວບໍ່ມັກປາກ …

ມາສ່ອງ ແມນຊັ້ນ (Mansion) ຫຼູຫຼາຂອງ Donald – Melania Trump ປະທານາທິບໍດີ ແລະ ສຸພາບສະຕີໝາຍເລກ 1 ແຫ່ງສະຫະລັດອາເມຣິກາ  ທີ່ຕົກແຕ່ງດ້ວຍຄໍາ ແລະ ຫີນອ່ອນ ລວມມູນຄ່າຫຼາຍກວ່າ 100 ລ້ານໂດລາສະຫະລັດ. ຕັ້ງຢູ່ຊັ້ນດາດຟ້າຂອງຕືກ ທຣັມປ໌ (Trump Tower) ໃນນະຄອນຫຼວງນິວຍອກ ທີ່ເນັ້ນການໃຊ້ເຄື່ອງເຮືອນທີ່ຫຼູຫຼາ. ດ້ວຍຄໍາ 24K ແລະ ຫີນອ່ອນເພື່ອຕົກແຕ່ງພາຍໃນຫ້ອງທັງໝົດ ນອກຈາກນັ້ນ ຍັງມີເຄື່ອງຕົກແຕ່ງທີ່ມີລາຄາແພງທີ່ສຸດເຊັ່ນດຽວກັນເຊັ່ນ: ໂຄມໄຟ, ເພດານ, ຝາຫ້ອງ, ເຟີນີເຈີ, ໃບໄມ້ຄໍາ ແລະ ອື່ນໆ… ພາຍໃນຫ້ອງຈະຕົກແຕ່ງໂດຍການອອກແບບຂອງ Angelo Donghia ນັກຕົກແຕ່ງພາຍໃນຊື່ດັ່ງຂອງອາເມຣິກາ ອອກແບບການຕົກແຕ່ງໃຫ້ດ້ວຍສິລະປະລຸຍທີ່ 14 (Louis XIV Style)