Breaking News

pou peng

ໄວໜຸ່ມລາວຍຸກໃໝ່ຄວນຮູ້ກ່ຽວກັບປະຫວັດຄວາມເປັນມາຂອງ “ປະເພນີບຸນເຂົ້າພັນສາ”

“ບຸນປະເພນີບຸນເຂົ້າພັນສາ” ໄວໜຸ່ມລາວຍຸກໃໝ່ກໍມັກຈະໄດ້ຍິນ ໄດ້ເຄີຍໄປໃສ່ບາດໃນວັນດັ່ງກ່າວ ແຕ່ບໍ່ເຄີຍຮູ້ເຖິງຄວາມໝາຍເລິກ ທັງປະຫວັດ-ຄວາມເປັນມາຂອງວັນປະເພນີບຸນເຂົ້າພັນສານັ້ນມີທີ່ມາທີ່ໄປແນວໃດ, ດັ່ງນັ້ນ!!! ໃນມື້ນີ້ຈະພາແຟນໆ ພາໄວໜຸ່ມລາວຍຸກໃໝ່ໄປເຮັດຄວາມຮູ້ຈັກກັບວັນ “ບຸນປະເພນີບຸນເຂົ້າພັນສາ” ທີ່ມີມາຕັ້ງແຕ່ລຸ້ນບູຮານນະການ ສີບເນື່ອງຈົນເຖິງປັດຈຸບັນ ຄວາມໝາຍ: ຄໍາວ່າ “ພັນສາ” ໝາຍເຖິງລະດູຝົນ, ປີ ຫຼື ເອີ້ນອີກຢ່າງໜຶ່ງວ່າ ບຸນເຂົ້າວັດສາ ຄໍາວ່າ “ວັດສາ” ກໍຄື ພັນສາ ນັ້ນເອງ ເພາະ “ວັດສາ” ເປັນພາສາບາລີ “ພັນສາ” ເປັນພາສາສັນສະກິດ ໃນວັນດຽວກັນກໍມີເຫດການສໍາຄັນອີກເຊັ່ນ: ວັນອາສາລະຫະ (ວັນທີ່ພຣະພຸດທະເຈົ້າສະແດງປະຖົມມະເທດສະໜາ ໂປຣດພຣະປັນຈະວັກຄີ ທັງ 45 ອົງ ທັມມະເທດສະໜາທີ່ຊົງສະແດງນັ້ນຮຽກວ່າ: “ທັມມະຈັກກັບປະວັຕຕະນະສູດ”) ມູນເຫດ ແລະ ຄວາມເປັນມາ: ເມື່ອພຣະບໍຣົມສາສະດາ ຍັງບໍ່ທັນໄດ້ຊົງອະນຸຍາດໃຫ້ພຣະພິກຂຸເຂົ້າ “ວັດສາ” ເຖິງລະດູແລ້ວພຣະພິຂຸກໍຍັງສັນຈອນຢູ່ ຜູ້ຄົນທັງຫຼາຍກໍພາກັນຕິຕຽນວ່າ: ໃນລະດູຝົນນີ້ປະຊາຊົນທັງຫຼາຍ ພາກັນຢຸດເຊົາບໍ່ໄດ້ທຽວໄປມາຄ້າຂາຍໃນຕ່າງເມືອງ ຢ່າວ່າແຕ່ຄົນເລີຍແມ່ນແຕ່ຝູງນົກບາງຈໍາພວກ ຄືນົກເຈົ່າ, ນົກຍາງ ແລະ ນົກແຈນແວນ …

Read More »

ສ່ອງ! ຄວາມອະລັງການຂອງຊຸດປະຈຳທ້ອງຖິ່ນເວທີນາງງາມເພື່ອນບ້ານ Miss Grand Thailand 2019

ແວະວຽນໄປສ່ອງກອງປະກວດເວທີນາງງາມປະເທດເພື່ອນບ້ານ ຫຼ້າສຸດກໍກຳລັງມີການປະກວດ Miss Grand Thailand 2019 ແລະສິ່ງທີ່ແຟນໆນາງງາມໃຫ້ຄວາມສົນໃຈ ຕິດຕາມຫຼາຍຄື ຮອບຊຸດປະຈຳຊາດ ເຊິ່ງການປະກວດມິສແກຣນໃນປະເທດໄທກໍຈະອະລັງການງານສ້າງ ເພາະຈະມີການໃຫັຕົວແທນແຕ່ລະແຂວງໄດ້ໂຊຄວາມງາມຜ່ານເອກະລັກທ້ອງຖິ່ນຂອງໃຜລາວ ບອກເລີຍວ່າແຕ່ລະສາວງາມທີ່ເຂົ້າປະກວດກໍໄດ້ງັດເອົາຊຸດທີ່ສ້າງດ້ວຍຄວາມຄິດສ້າງສັນ ມີແຮງບັນດານໃຈມາຈາກເອກະລັກປະຈຳທ້ອງຖິ່ນຂອງໃຜລາວມາປະຊັນກັນຢ່າງດຸເດືອດ ລອງມາເບິ່ງວ່າແຕ່ລະຊຸດຈະມີຄວາມຄິດສ້າງສັນ ອະລັງການງານສ້າງຊໍ່າໃດ… ວ້າວ ວ້າວ ວ້າວວວ! ໄດ້ເຫັນແລ້ວຕ້ອງບອກເລີຍວ່າອະລັງການງານສ້າງສຸດໆເລີຍວ່າບໍ່ແຟນໆ ຂໍຊົມເຊີຍໃນໄອເດຍຄວາມຄິດສ້າງສັນເລີດສຸດໆ ແລະ ໜຶ່ງໃນ 77 ຊຸດນີ້ກໍຈະຖືກຄັດເລືອກໃຫ້ເປັນ “Best National Costume Award” ໃນເວທີດັ່ງກ່າວອີກດ້ວຍ. ຮູບພາບ: Miss Grand Thailand Storyteller: ຊະນີIndy

Read More »

ແຟນໆລຸ້ນໜັກປີນີ້ສາວງາມຕົວແທນປະເທດລາວໃນເວທີ Miss Universe 2019 ຈະແມ່ນໃຜ?  

ຫຼາຍປະເທດທົ່ວໂລກເລີ່ມປະກາດສົ່ງຕົວນາງງາມສູ່ເວທີ ນາງງາມຈັກກະວານ (Miss Universe) ເຊິ່ງກໍມີກະແສຂອງແຟນໆໄດ້ຖາມໄຖ່ກັນມາເລື້ອຍໆວ່າປີນີ້ ສາວງາມຕົວແທນປະເທດລາວເຮົາຈະແມ່ນໃຜ? ເຊິ່ງປະເທດລາວເຮົາໄດ້ເລີ່ມສົ່ງຕົວແທນນາງງາມສູ່ເວທີ ນາງງາມຈັກກະວານ (Miss Universe) ຕັ້ງແຕ່ປີ 2017 ຄົນທຳອິດທີ່ໄດ້ໄປເວທີປະກວດນາງງາມອັນດັບໜຶ່ງຂອງໂລກກໍຄື ນຸ້ຍ ສຸພາພອນ ສົມວິຈິດ Miss Universe Laos 2017 ເດີນທາງໄປປະກວດທີ່ USA ເຊິ່ງໃນປີນັ້ນນາງກໍເຮັດໜ້າທີ່ໄດ້ດີຫຼາຍ ເປັນທີ່ຮັບຮູ້ຂອງຜູ້ຄົນທົ່ວໂລກ ແຖມນາງຍັງເປັນທີ່ຮັກຂອງຄົນໃນກອງປະກວດ ຂອງເຫຼົ່າເອື້ອຍລ້ຽງນາງງາມໃນປີນັ້ນ, ແຕ່ເຖິງຈະບໍ່ໄດ້ລາງວັນມາຝາກຄົນລາວ ແຕ່ກໍຖືວ່າແມ່ຍິງລາວເກັ່ງຫຼາຍແລ້ວທີ່ສາມາດໄປໂຊຄວາມສາມາດໃນເວທີລະດັບໂລກໄດ້ເປັນຢ່າງດີ. (ຊົມເຊີຍ! ເກັ່ງຫຼາຍໆ) ຄົນທີ 2 ຈະເປັນໃຜບໍ່ໄດ້ເລີຍ ອອນອະນົງ ຫອມສົມບັດ Miss Universe Laos 2018 ເດີນທາງໄປປະກວດທີ່ ປະເທດໄທ ເຊິ່ງກ່ອນໜ້າທີ່ນາງຈະໄດ້ເປັນຕົວແທນສາວງາມຈາກ ປະເທດລາວ ກໍບໍ່ແມ່ນເລື່ອງງ່າຍ ຕ້ອງຕໍ່ສູ້ກັບກະແສວິພາກວິຈານ ແລະ ຕ້ອງເຝິກຝົນຢ່າງໜັກ, ແຕ່ປັດຈຸບັນນີ້ນາງກໍສາມາດພິສູດແລ້ວວ່ານາງມີຄວາມຕັ້ງໃຈ ມີເປົ້າໝາຍ ແລະ ລົງມືເຮັດໄດ້ແທ້ໆ ເພາະນາງສ້າງປະຫວັດສາດໜ້າໃໝ່ໃຫ້ປະເທດລາວ ໂດຍສາມາດຄວ້າ “ລາງວັນຊຸດປະຈຳຊາດດີເດັ່ນ” …

Read More »

ຊົມເຊີຍ! ແມ່ຍິງເກັ່ງທີ່ຂໍເລືອກເສັ້ນທາງຊີວິດດ້ວຍໂຕເອງ ຈົນປະສົບຜົນສຳເລັດໄດ້ເປັນເຈົ້າໜ້າທີ່ໃຫ່ຍໃນ NASA (ສ້າງແຮງບັນດານໃຈໃຫ້ຄົນທົ່ວໂລກ)

ເລື່ອງລາວສ້າງແຮງບັນດານໃຈຍັງມີມາເລື້ອຍໆ ໃນມື້ນີ້ເຮົາຈະນຳສະເໜີເລື່ອງລາວຂອງ Josephine Santiago-Bond ເປັນແມ່ຍິງສັນຊາດຟິລິປິນ ຄືໜຶ່ງຄົນທີ່ເຄີຍຊັງການຮຽນເລກ ບໍ່ມັກທີ່ຈະຮຽນວິຊາຄະນິດສາດ ແຕ່ໃນມື້ນີ້ລາວສາມາດເອົາຊະນະຕົວເອງ ຈົນສາມາດເປັນເຖິງຫົວໜ້າພະແນກພັດທະນາວິສະວະກຳຂັ້ນສູງທີ່ Kennedy Space Center ຂອງ NASA ອີກດ້ວຍ ແມ່ນແລ້ວ!!! ເຈົ້າຟັງບໍ່ຜິດ ຫຼາຍຄົນອາດຈະງົງໆ ແລະ ຍັງບໍ່ເຊື່ອວ່າຈະເປັນເລື່ອງຈິງໄດ້ ແຕ່ຂໍບອກເລີຍວ່າສາວຟິລິປິນຄົນນີ້ສາມາດເຮັດໄດ້ແທ້ໆ ໂດຍ Josephine ໄດ້ເລົ່າວ່າ ຂ້ອຍຕ້ອງຕໍ່ສູ້ກັບວິຊາຄະນິດສາດມາເຄິ່ງຊີວິດ ທັງໃນໂຮງຮຽນ ແລະ ມະຫາວິທະຍາໄລ ຕອນຍັງນ້ອຍ ຂ້ອຍຮູ້ໂຕສະເໝີວ່າຕ້ອງໄປຮຽນໃນມະຫາວິທະຍາໄລ ຈົບແລ້ວຊອກເຮັດວຽກ ຫາເງິນເພື່ອຊື້ສິ່ງຂອງທີ່ຂ້ອຍຕ້ອງການ ແຕ່ຂ້ອຍບໍ່ໄດ້ເບິ່ງຫາເສັ້ນທາງຂອງອາຊີບພຽງແຕ່ອາຊີບດຽວ ຊຶ່ງນັ້ນຂ້ອນຂ້າງແຕກຕ່າງຈາກຄົນອື່ນ “ພໍ່ແມ່ ແລະ ເອື້ອຍສອງຄົນຂອງຂ້ອຍເປັນໝໍ ການເຕີບໃຫ່ຍມາໃນຄອບຄົວແພດ ເຮັດໃຫ້ເກີດແຮງກົດດັນວ່າ ຂ້ອຍຈະຕ້ອງເປັນໝໍຕາມຮອຍພໍ່ແມ່່ ແລະເອື້ອຍແມ່ນບໍ່ ແຕ່ຂ້ອຍຂໍເລືອກເຮັດສິ່ງທີ່ຕ້ອງການດີກວ່າ ຊຶ່ງຂ້ອຍກໍພູມໃຈ ແລະເຄົາລົບໃນສາຍອາຊີບຂອງທຸກຄົນໃນຄອບຄົວ ແຕ່ຂ້ອຍບໍ່ຢາກເຮັດແບບດຽວກັບພວກເຂົາເທົ່ານັ້ນເອງ” ໂດຍເສັ້ນທາງສູ່ຄວາມສຳເລັດຂອງ Josephine ເລີ່ມຕົ້ນຕັ້ງແຕ່ເຂົ້າຮຽນທີ່ ຄະນະວິສະວະກຳສາດ ໃນມະຫາວິທະຍາໄລຟິລິປິນ ແລະໄດ້ລົງຮຽນຫຼັກສູດວິສະວະກຳອີເລັກໂທນິກ ແລະ ການສື່ສານ …

Read More »

ວົງການຜົມສັ້ນເຂົ້າແລ້ວອອກຍາກ ສາເຫດທີ່ເຮັດໃຫ້ສາວໆມັກຕັດຜົມສັ້ນແມ່ນ…?

ຕ້ອງຍອມຮັບເລີຍວ່າຊົງຜົມທີ່ກຳລັງມາແຮງວິນາທີນີ້ກໍຄື “ຊົງຜົມສັ້ນ” ບໍ່ວ່າຈະເປັນດາລາ ເຊເລັບ ຫຼື ສາວໆທັງຫຼາຍກໍພາກັນຕັດຜົມໃຫ້ເຂົ້າກັບແຟຊັ່ນຕາມຍຸກສະໄໝ ແຖມປັດຈຸບັນຍິ່ງມີຄຳເວົ້າຄົມໆມາກວນກັນຫຼິ້ນໆອີກວ່າ “ວົງການຜົມສັ້ນເຂົ້າແລ້ວອອກຍາກ” (555) ຖືກເລີຍແມ່ນບໍ່? ແຕ່ເບິ່ງອີກມຸມໜຶ່ງກໍຍັງມີຄົນທີ່ບໍ່ເຂົ້າໃຈສາວຜົມສັ້ນແບບເຮົາໆ ດັ່ງນັ້ນ!!! ເພື່ອໃຜທີ່ບໍ່ເຂົ້າໃຈວ່າສາວໆສະໄໝນີ້ເປັນຫຍັງຈຶ່ງມັກຕັດຜົມສັ້ນ ລອງມາເບິ່ງ 5 ສາເຫດດັ່ງຕໍ່ໄປນີ້ເບິ່ງເດີ້ ແລ້ວຈະເຂົ້າໃຈທັນທີ… ອາກາດຮ້ອນ ບໍ່ເຊື່ອກໍ່ຕ້ອງເຊື່ອວ່າການຕັດຜົມສັ້ນຊ່ວຍໃຫ້ເຢັນໄດ້ແທ້ ກໍ່ເທົ່າທີ່ຮູ້ໆກັນຢູ່ອາກາດບ້ານເຮົາເນາະ ຈະໃຫ້ມາຈົ່ງຜົມຍາວກໍຄົງຈະບໍ່ໄຫວ ຜົມແຫ້ງໄວ ສັງເກດບໍ່ວ່າເວລາຕັດຜົມສັ້ນ ມັນຊ່ວຍໃຫ້ເຮົາເຢັນຂຶ້ນໄດ້ແທ້ໆ ແຖມບໍ່ຕ້ອງມານັ່ງເສຍເວລາເປົ່າດົນໆໃຫ້ເສຍສຸຂະພາບຜົມ ແລະ ໜັງຫົວອີກ ເຊັດຜົມງ່າຍ ແມ່ນແລ້ວ!!! ຜົມສັ້ນເທົ່າໃດຍິ່ງເຊັດງ່າຍ ຕໍ່ໃຫ້ຕື່ນສວາຍຕ້ອງສະຜົມໃນເຊົ້າມື້ນັ້ນ ກໍສະບາຍຫາຍຫ່ວງ ໜ້າເດັກລົງ ບໍ່ມີສາວໆຄົນໃດຍາກເບິ່ງແກ່ກວ່າອາຍຸດອກເດີ້ ເພາະສະນັ້ນນອກຈາກການແຕ່ງໜ້າແລ້ວ ສິ່ງທີ່ສາມາດຊ່ວຍສາວໆໃຫ້ໜ້າເດັກລົງໄດ້ກໍຄືການຕັດຜົມ ຊອຍຜົມໃຫ້ເຂົ້າກັບບຸກຂະລິກໃຜມັນນັ້ນເອງ ຜົມບໍ່ຫຼົ່ນ ສາວໆຜົມສັ້ນເວົ້າເປັນສຽງດຽວກັນເລີຍວ່າ ຄົນທີ່ຜົມສັ້ນເທົ່ານັ້ນຈະຮູ້ວ່າເມື່ອຕັດມາແລ້ວຜົມບໍ່ຫຼົ່ນຄືຕອນຜົມຍາວ ບໍ່ຕ້ອງມາເສຍເວລາປັດກວດພື້ນເຮືອນເມື່ອເວລາເປົ່າຜົມອີກຕໍ່ໄປ ເຫັນໄດ້ຢ່າງຈະແຈ້ງເລີຍວ່າຜົມສັ້ນກໍບໍ່ໄດ້ເສຍຫາຍ ອອກຈະສະບາຍໆ ແຕ່ກໍຂຶ້ນກັບຄວາມມັກຂອງແຕ່ລະຄົນ ແຕ່ຖ້າຢາກລຸກຂຶ້ນມາປັບບຸກຂະລິກໃໝ່ ເປັນສາວໂມເດິນ ແບບທັນສະໄໝ ແນະນຳເລີຍການຕັດຜົມໃຫ້ສັ້ນລົງກໍສາມາດຊ່ວຍສາວໆໄດ້. ທີ່ມາ: women.mthai.com ຮູບພາບ: sistacafe.com

Read More »