ເວົ້າເລື່ອງເນັດໄອດໍ້ຂອງລາວເຮົາຄົງຈະບໍ່ມີໃຜບໍ່ຮູ້ຈັກກັບສາວງາມຈາກຖິ່ນໃຕ້ຄົນນີ້ ຫຼ້ານ້ອຍ ພໍໃຈ  ຫຼື ສາຍາຂອງນາງກໍຄື ຫຼ້າ ລູກສາວຜູ່ໄທ  ສາວຄົນນີ້ມີຖິ່ນຖານບ້ານເກີດຢູ່ທີ່ເມືອງ ເຊໂນ ແຂວງ ສະຫວັນນະເຂດ ແຕ່ໃນປັດຈຸບັນໄດ້ຂຶ້ນມາຢູ່ທີ່ ນະຄອນຫຼວງວຽງຈັນ, ເຊິ່ງຖ້າໝູ່ເພື່ອນຄົນໄດທີ່ໄດ້ຕິດຕາມນາງ ຫຼື ເຫັນນາງຜ່ານທາງໂຊຊ່ຽວ ກໍຈະຮູ້ເລີຍວ່ານາງມີເອກະລັກສະເພາະຕົວ ເພາະນາງຈະເຮັດຫຍັງ ເວົ້າຈາຫຍັງ ນາງກໍຈະເປັນຄົນກົງໄປກົງມາ ແບບວ່າດີມາດີຕອບ ແຮງມາກໍແຮງຕອບ ຕາມແບບຂອງນາງ ແລະ ເທົ່າທີ່ທີມງານຂອງເຮົາໄປແອບສ່ອງເບິ່ງ Profile ຂອງນາງມານາງຈະເປັນຄົນເປີດເຜີຍ ເຮັດສັນຍະກຳ ຢູ່ໃສບ່ອນໃດນາງບອກໝົດ ບໍ່ປິດບັງຄືເຊັ່ນຄົນອື່ນໆ ຈົນປັດຈຸບັນນາງມີຍອດຄົນຕິດຕາມສູງເຖິງ ສອງແສນກວ່າຄົນ ແຖມບໍ່ວ່ານາງຈະໂພສຮູບ ຫຼື ອັດຄຣິບຕ່າງໆກໍຈະມີຄົນມາຄອມເມັ້ນກົດໄລ້ກົດແຊຣຈົນສະໜັ່ນຫວັ່ນໄຫວ ເພາະຄຳອະທິບາຍຂອງຮູບພາບແຕ່ລະຮູບນັ້ນບອກເລີຍວ່າ ທັງຮາ ແລະ ແຮງ ບໍ່ເຊື່ອນຳມາເບິ່ງເລີຍ: ເວົ້າແທ້.. ຕອນຮຽນບໍ່ໄດ້ຕັ້ງໃຈຄືຕອນເສືອກເລື່ອງຊາວບ້ານເລີຍວູ..!! ເໜຶອຄວາມມຶນ..ຍັງມີຄວາມໂຄດມຶນ.. ?? ມີຄວາມສົກໝົກ ສົກກະປົກໂສໂຄກສະເຫຼຶອເກີນ.. ຕື່ນນອນແຕ່ເຈັດໂມງຍັງບໍ່ໄດ້ອາບນໍ້າປານນີ້ ຄືດີງາມ..?? ຖ້າມຶງຄືຄົນອື່ນ.. ແລ້ວຄົນອື່ນຊິຮູ້ໄດ້ຈັ່ງໃດ ວ່າໃຜແມ່ນມຶງ..!! …

ອາກາດໜາວແນວນີ້ ແອດຄິດເຫັນສະຖານທີ່ທ່ອງທ່ຽວແຫ່ງໜຶ່ງທີ່ມີຄວາມອົບອຸ່ນ ແລະ ສະຖານທີ່ນັ້ນກໍຄື ບໍ່ນໍ້າຮ້ອນເມືອງຮ້ຽມ ເຊິ່ງຫຼາຍທ່ານທີ່ຢູ່ໃກ້ ແລະ ໄກກໍອາດຈະເຄີຍໄປມາແລ້ວ ບໍ່ນໍ້າຮ້ອນ​ເມືອງ​ຮ້ຽມ ​ຢູ່ທາງທິດຕາເວັນຕົກຂອງແຂວງ​ຫົວພັນ ​ເຊິ່ງຕັ້ງຢູ່ຫ່າງຈາກເທສະບານ​ເມື​ອງຊໍາເໜືອປະມານ155 ກິໂລແມັດ ແລະມີເສັ້ນທາງເຂົ້າເຖິງສະດວກສະບາຍສິ່ງ​ທີ່​ສໍາຄັນ​ແມ່ນນອນຢູ່ໃນເຂດປ່າສະຫງວນແຫ່ງຊາດນໍ້າແອດ – ພູເລີຍເຊິ່ງເປັນຂົງເຂດທີ່ອ້ອມຮອບໄປດ້ວຍປ່າໄມ້ສີຂຽວສະອຸ້ມຕະຫຼອດປີພ້ອມທັງມີສັດສາວາສິ່ງຫຼາກຫຼາຍຊະນິດທີ່​ເພິ່ນໄດ້ອະນຸລັກຮັກສາໄວ້ໃຫ້ນັກທ່ອງທ່ຽວໄດ້ຊົມ ບໍ່ນໍ້າຮ້ອນແຫ່ງນີ້ເປັນບໍ່ນໍ້າຮ້ອນທີ່ມີອຸນຫະພູມສູງທີ່ສຸດໃນ ສປປ ລາວ ເຊິ່ງມີຄວາມຮ້ອນເຖິງ 100 ອົງສາ ແລະ ທ່ານໃດທີ່ມາທ່ຽວຊົມກໍສາມາດນໍາເອົາອາຫານບາງຢ່າງໄປຕົ້ມຫຼືລວກຈົນສຸກໄດ້ເຊັ່ນວ່າ: ໄຂ່, ໜໍ່, ຜັກຫຼືແມ່ນແຕ່ໄກ່ເປັນໂຕກໍສາມາດຕົ້ມຈົນສຸກໄດ້. ສຳລັບຄ່າບໍລິການ ຄົນທ່ອງຖິ່ນ 2,000 ກີບ, ນັກທ່ອງທ່ຽວພາຍໃນ 5,000 ກີບ ແລະ ນັກທ່ອງທ່ຽວຕ່າງປະເທດ 10,000 ກີບ ນອກຈາກນີ້ແລ້ວໃນລະດູຮ້ອນກໍຍັງເປັນສະຖານທີ່ສໍາລັບໄປກິນເຂົ້າປ່າຫຼືຫຼິ້ນກິດຈະກໍາຕ່າງໆໄດ້ຢ່າງ​ສະດວກ​ສະບາຍອີກດ້ວຍ ບໍ່ນໍ້າທັງສອງແຫ່ງນີ້ເປີດໃຫ້ບໍລິການຕັ້ງແຕ່ 7:00 – 19:00 ໂມງ. ໃກ້ໆຈະຮອດປີໃໝ່ແລ້ວທ່ານໃດທີ່ວາງແຜນໄວ້ວ່າຈະໄປທ່ຽວທາງພາກເໜືອກໍລອງໄປທ່ຽວສະຖານທີ່ສອງແຫ່ງນີ້ ຮັບຮອງວ່າທ່ານຈະບໍ່ຜິດຫວັງຢ່າງແນ່ນອນ

  ຄຣິບສະທ້ອນໃຫ້ເຫັນເຖິງການຖືກແບ່ງແຍກຂອງເພດທີສາມ ຢູ່ໃນສັງຄົມລາວປັດຈຸບັນ ແລະ ພວກເຂົາເຫຼົ່ານັ້ນຖືກຍອມຮັບຢ່າງແທ້ຈິງແລ້ວ ຫຼື ບໍ່?  

ຄົນລາວຄົນມີນໍ້າໃຈ ບໍ່ວ່າຍາມຕົກທຸກໄດ້ຍາກ ຫຼື ຈະລຳບາກພຽງໃດເຮົາກໍຍັງບໍ່ຖິ້ມກັນ, ໃນສັງຄົມໂຊຊ່ຽວທີ່ຜ່ານມາມີສາວງາມຈາກ ແຂວງ ອຸດົມໄຊ ໄດ້ໂພສຮູບພາບໃນວັນທີ 14 ກຸມພາ 2017 ທີ່ຜ່ານມາພ້ອມຂຽນຄຳອະທິບາຍເທິງຮູບທີ່ວ່າ: “ມາບໍລິຈາກເຄື່ອງໄຫ້ກັບຄອບຄົວທີ່ຖືກໄຟໄໝ້ ຢູ່ເມືອງຮຸນ ຂໍເຊີນຊວນພໍ່ແມ່ອ້າຍເອື້ອຍນ້ອງ ແລະ ໝູ່ເພືອນທຸກຄົນຜູ້ມີໃຈສັດທາຊ່ວຍເຫລືອທາງຄອບຄົວຜູ້ຖືອັກຄີໄພໄຟໄໝ້ ທີ່ບ້ານ ດອນຄຳ, ເມືອງຮຸນ, ເເຂວງອຸດົມໄຊ. ຈຳນວນ 26 ຄອບຄົວ ແມ່ນໄດ້ຮັບຜົນກະທົບຢ່າງໜັກ ດັ່ງນັ້ນຈຶງຂໍເຊີນຊວນພໍ່ແມ່ປະຊາຊົນ ແລະ ໝູ່ຄູ່ທັງຫຼາຍຊ່ວຍກັນຄົນລະເລັກລະໜ້ອຍບໍ່ວ່າຈະເປັນເຂົ້າສານອາຫານແຫ້ງ ຫຼື ເຄືອງນຸ່ງທີ່ບໍ່ໃຊ້ແລ້ວກໍໄດ້ ເພື່ອມາຊ່ວຍເຫຼືອປະຊາຊົນບ້ານດອນຄຳແນ່ເດີ້ #ວັນແຫ່ງຄວາມຮັກຂອງຂ້ອຍ“ ພຽງແຕ່ໂພສໄປເທົ່ານັ້ນ ເຮັດໃຫ້ມີຄົນໄປຊົມເຊີຍ ກົດໄລ້-ກົດແຊຣ ກັນເປັນຈຳນວນຫຼວງຫຼາຍ, ເຊິ່ງສາວງາມຜູ້ມີນໍ້າໃຈທ່ານນີ້ ທາງທີມງານເຮົາໄປສືບຫາຂໍ້ມູນມາແລ້ວນາງມີຊື່ວ່າ ວິລະຍາ ຫຼື ອາຕົງ ອາຍຸ 23 ປີ ກຳລັງເປັນນັກສຶກສາປະລິນຍາຕີຢູ່ທີ່ ສປຈີນ ແລະ ຍັງເປັນເຈົ້າຂອງແບຼນຂົນຕາປອມຟຣຸ້ງຟຣີ້ງຂົນຕາທີ່ໄດ້ຮັບຄວາມນິຍົມໃນເວລານີ້ ແຖມສາວລາວທ່ານນີ້ຍັງມີແຟນໆຕິດຕາມຢ່າງຫຼວງຫຼາຍ. #ແຊຣໄປໃຫ້ໂລກຮູ້ວ່າຄົນລາວເປັນຄົນມີນໍ້າໃຈບໍ່ເຄີຍຖິ້ມກັນ ທີມງານຂອງເຮົາຍັງສອບຖາມຂ່າວຕື່ມກ່ຽວກັບປະຊາຊົນທີ່ປະສົບໄພເຫດໄຟໃໝ້  ສາວຈາກແຂວງ ອຸດົມໄຊ ທ່ານນີ້ຍັງໃຫ້ຂໍ້ມູນວ່າ: …

  ໃນວັນທີ 14 ກຸມພາ 2017 ທີ່ຜ່ານມາ ທີ່ສະມາຄົມນັກຂ່າວແແຫ່ງ ສປປ ລາວ ກົມສົ່ງເສີມການຄ້າ, ກະຊວງອຸດສາຫະກໍາ ແລະ ການຄ້າ ໄດ້ຈັດພິທີຖະແຫຼງຂ່າວ ງານວາງສະແດງສິນຄ້າໜຶ່ງເມືອງໜຶ່ງຜະລິດຕະພັນແຫ່ງຊາດທົ່ວປະເທດຄັ້ງທີ I. ເຂົ້າຮ່ວມໂດຍທ່ານ ສົມຫວັງ ນິນທະວົງ ຫົວໜ້າກົມສົ່ງເສີມການຄ້າ, ທ່ານ ສົມສະໜຸກ ມີໄຊ ຮອງປະທານສະມາຄົນນັກຂ່າວແຫ່ງ ສປປ ລາວ, ແຂກທີມີກຽດ ແລະ ສື່ມວນຊົນເຂົ້າຮ່ວມ. ງານດັ່ງກ່າວ ຈະຈັດຂຶ້ນໃນວັນທີ 22-26 ກຸມພາ 2017 ນີ້ ທີ່ສູນການຄ້າລາວໄອເຕັກ (ຕຶກເກົ່າ). ເພື່ອຈັດຕັ້ງສົ່ງເສີມຜັນຂະຫຍາຍແນວທາງນະໂຍບາຍສົ່ງເສີມການຜະລິດເປັນສິນຄ້າ ຄະນະຮັບຜິດຊອບໄດ້ມີນະໂຍບາຍໃຫ້ຫົວໜ່ວຍທຸລະກິດທີ່ເຂົ້າຮ່ວມງານດັ່ງນີ້: ທຸລະກິດທີ່ໄດ້ຮັບກາໝາຍໂອດ໋ອບແຫ່ງຊາດ ຈະໄດ້ຮັບນະໂຍບາຍ ຫ້ອງວາງສະແດງສິນຄ້າ ຈໍານວນ 1 ຫ້ອງ ຕໍ່ 1 ບໍລິສັດ ໂດຍບໍ່ເສຍຄ່າ, ປະເພດອາຫານພື້ນເມືອງລາວ …