ບົດຄວາມສອນໃຈໃຫ້ແມ່ຍິງທຸກຄົນກັບມາຮັກຕົວເອງ!   ແຕ່ກ່ອນມີ2ຜົວເມຍ1 ພວກເຂົາກໍ່ຮັກກັນດີມີລູກນຳກັນ 1ຄົນ ທຸກມື້ເຂົາກໍ່ກັນທຳມາຫາກິນຢູ່ຕໍ່ມາ ເມຍລາວໄດ້ຖືພາລູກຜູ້ທີ2 ຜົວທີ່ເຄີຍຮັກຄອບຄົວ ເມື່ອເສດຖະກິດດີຂຶ້ນ ກໍ່ປ່ຽນໄປຈາກບໍ່ທ່ຽວ ກໍ່ໄປຫລິ້ນທຸກຄືນປະໃຫ້ເມຍ ແລະ ລູກນອນນຳກັນ ມີຄືນ1 ຜົວອອກໄປຫລິ້ນຮ້ານເບຍ ເມຍໄດ້ໂທນຳ ແຕ່ຜົວບໍ່ຍອມຮັບສາຍໂທຕະຫລອດຫລາຍຮ້ອຍສາຍໂທທຸກ 5ນາທີ ທຸກ 10ນາທີ ທຸກ 15ນາທີຈົນກວ່າຜົວຊິຮັບສາຍ ໃນທີ່ສຸດຜົວລາຍກໍ່ຮັບສາຍ ແຕ່ໃນສາຍນັ້ນມີສຽງຜູ້ຍິງເອາະແອະຢູ່ທາງຂ້າງ ສຽງເພງດັງແຮງໆເມຍກໍ່ໄດ້ຜົວວ່າຜົວຢູ່ໃສ ຜົວບອກວ່າຢູ່ຮ້ານ….ເມຍໄດ້ອູ້ມລູກນ້ອຍ 5ປີທີ່ນອນຫລັບຢູ່ ຂຶ້ນລົດໄປນຳທັງທີ່ຕົນເອງທ້ອງໃຫຍ່ກຽມຊິອອກລູກ ຫລັງຈາກຕິດຈັກລົດໄດ້ ລາວກໍ່ຮີບເລັງອອກໄປທັນທີຢຽບຄວາມໄວບໍ່ຮູ້ວ່າເທົ່າໃດ ແຊງລົດທຸກຄັນທີ່ຂວາງຫນ້າຈົນຂຶ້ນຮອດທາງດ່ວນ ລາວກໍ່ເລັ່ງເຕັມທີ່ເພາະລົດບໍ່ຫລາຍແຕ່ຕອນກຳລັງຈະລົງຄ້ອຍທາງດ່ວນນັ້ນ ໄດ້ມີລົດກະບະຄັນຫນຶ່ງຂີ່ມາຕັດພໍດີ ລາວພະຍາຍາມທີ່ຈະບີບແກໃຫ້ຄັນນັ້ນຫລີກ ໃນໃຈລາວຄິດວ່າຄືຈະບໍ່ລອດແລ້ວ ລາວຈຶ່ງຈັບມືລູກຂອງລາວໄວ້ແລ້ວບອກລູກຂອງລາວວ່າແມ່ຂໍໂທດ ແລ້ວລາວກໍ່ຫມຸນພວງມະໄລລົດ ຈາກນັ້ນລົດລາວໄດ້ຫມຸນຫລາຍຮອບຈົນໄປຕຳກັບຂ້າງທາງ ລາວໄດ້ຕັ້ງສະຕິໄດ້ ລາວລຸກຊອກລູກຂອງລາວ ແລະ ເຫັນລູກລາວລົງໄປນອນຢູ່ພື້ນລົດລາວໄດ້ອູ້ມລູກຂຶ້ນມານັ່ງກອດ ບອກລູກຂອງລາວວ່າແມ່ຂໍໂທດ ແມ່ບໍ່ຫນ້າຈະໃຈຮ້ອນປານນີ້ເຊື່ອບໍ່ວ່າ ຖ້າລາວກັບໄປເວລາກ່ອນຫນ້ານີ້ໄດ້ ລາວຈະບໍ່ອອກໄປແບບນີ້ເພາະຂະຫນາດລູກເມຍຈະເປັນຈັ່ງໃດ ຜົວບໍ່ເຄີຍສົນ ເມຍທ້ອງໃຫຍ່ຈະເກີດລູກແລ້ວຍັງໄປຫລິ້ນໄດ້ ຖ້າເຮົາ ແລະ ລູກ ເປັນຫຍັງໄປ ຜົວກໍ່ບໍ່ຮູ້ຢູ່ດີ, ສະນັ້ນເຮົາຄວນຈະຮັກໂຕເອງ ແລະ ລູກດີກວ່າຈະໄປເສຍເວລາກັບຜູ້ຊາຍຊົ່ວໆແນວນັ້ນ. ຢ່າລືມຄົນທີ່ເຄີຍຢູ່ທາງຂ້າງທ່ານກ່ອນຈະມາຮອດຈຸດນີ້ໄດ້ …

ແຟນໆຂວັນໃຈ ມື້ນີ້ ທີມງານເວັບໄຊຂວັນໃຈ ຈະມາແນະນໍາສະຖານທີ່ທ່ອງທ່ຽວ ອີກແຫ່ງຂອງແຂວງຫຼວງພຣະບາງ ນັ້ນກໍຄື: ນໍ້າຕົກຕາດກວາງຊີ ຕັ້ງຢູ່ເຂດບ້ານທ່າແປ້ນ ຫ່າງຈາກຕົວເມືອງປະມານ 25 ກິໂລແມັດ. ຕາດນີ້ເປັນນໍ້າຕົກຕາດ ຫີນປູນເຊິ່ງມີຄວາມສູງປະມານ 80 ແມັດ ຫຼຸດລົງມາເປັນຊັ້ນໆ ໂດຍມີປ່າໄມ້ທີ່ອຸດົມສົມບູນອ້ອມຮອບ. ຄວາມສວຍສົດງົດງາມຂອງນໍ້າຕົກຕາດທີ່ມີສີຂຽວມໍລະກົດ ບວກັບປ່າໄມ້ຂຽວອຸ່ມທຸ່ມໄດ້ສ້າງຄວາມປະທັບໃຈໃຫ້ແກ່ຜູ້ທີ່ມາຢ້ຽມຢາມນໍ້າຕົກຕາດແຫ່ງແຫ່ງນີ້. ຢູ່ຕາມທາງຍ່າງເຂົ້າໄປເບື້ອງຂວາກ່ອນຈະຮອດຕົວຕາດ ຈະໄດ້ພົບກັບວັງນໍ້າສີຂຽວງາມຫຼາຍວັງ ແລະ ມີບາງວັງທີ່ສາມາດລົງຫຼິ້ນໄດ້ ເຊິ່ງຈະສ້າງຄວາມຮູ້ສຶກສົດຊື່ນເຢັນສະບາຍ ແລະ ສໍາຜັດໄດ້ເຖິງທໍາມະຊາດແທ້ໆ. ນອກຈາກນັ້ນແລ້ວ ຖ້າທ່ານໃດມັກຮັກການປະຈົນໄພ ແລະ ຄວາມແປກໃໝ່, ທ່ານສາມາດເດີນທາງມາຕາດກວາງຊີໄດ້ ໂດຍການຍ່າງປ່າຕາມເສັ້ນທາງຍ່າງ ເລີ່ມຈາກເຂດບ້ານລ້ອງເລົາໄປຫາບໍລິເວນນໍ້າຕົກຕາດກວາງຊີ ໂດຍໃຊ້ເວລາປະມານ 3-4 ຊົ່ວໂມງ. ການຍ່າງປ່າດັ່ງກ່າວເປັນກິດຈະກໍາໜຶ່ງຂອງການທ່ອງທ່ຽວແບບອະນຸຮັກ ປະຊາຊົນມີສ່ວນຮ່ວມເຊິ່ງທ່ານຈະໄດ້ເຫັນວິຖີຊີວິດຂອງ ຊົນເຜົ່າມົ້ງ ພ້ອມທັງຄວາມງົດງາມຂອງທໍາມະຊາດຕາມເສັ້ນທາງກ່ອນຈະຮອດຕາດກວາງຊີອີກດ້ວຍ. ຕາດກວາງຊີເປີດໃຫ້ບໍລິການທຸກມື້ເວລາ 8:00 – 17:30 ໂມງ ຂໍ້ມູນ: ກົມໂຄສະນາການທ່ອງທ່ຽວ ຮູບພາບ: ຮາບພາບປະເທດລາວ

22-31 ພຶດສະພານີ້ ປິ່ນປົວໄຟໄໝ້-ນໍ້າຮ້ອນ ບໍ່ເສຍຄ່າທີ່ ແຂງຈໍາປາສັກ ຜູ້ອຳນວຍການໂຮງໝໍມະໂຫສົດ ຂໍແຈ້ງຂ່າວມາຍັງພີ່ນ້ອງພໍ່ແມ່ປະຊາຊົນຮູ້ວ່າ: ທີມແພດຜ່າຕັດໂຮງໝໍມະໂຫສົດ ຈະລົງຜ່າຕັດແຜໄຟໄໝ້-ນ້ຳຮ້ອນລວກ ແລະ ຜ່າຕັດປົວແປງອື່ນໆ (ໂດຍບໍ່ເສຍຄ່າປິ່ນປົວ) ຢູ່ທີ່ໂຮງໝໍແຂວງຈຳປາສັກ ໃນລະຫວ່າງວັນທີ 22-31 ພຶດສະພາ 2017. ກິດຈະກໍາດັ່ງກ່າວ ແມ່ນໄດ້ຮັບການສະໜັບສະໜູນໂດຍອົງການ Interplast Australia–New–Zealand. ໝາຍເຫດ: ການລົງທະບຽນ, ກວດຄົນເຈັບ ແລະ ເຂົ້າແຜນຜ່າຕັດແມ່ນວັນທີ 22 ພຶດສະພາ 2017, ເວລາ 8:00 ໂມງ ເປັນຕົ້ນໄປ. ຕິດຕໍ່ພົວພັນ: ທ່ານໝໍ ວັນເພັງ ນໍລະສິງ ໂທ: 020 5560 9415, ທ່ານ ອຸດອນໄຊ ຫຼ້າດວງພັນ ໂທ: 020 5580 9090, 021 214 …

ໝູ່ເພື່ອນຄົນໃດທີ່ກຳລັງເໝື່ອຍກັບຊີວິດ ຄິດຫຍັງບໍ່ອອກ ຊອກຫາຫົນທາງບໍ່ຖືກ, ມື້ນີ້ ຊະນີIndy ບໍ່ໄດ້ມາຫຼິ້ນໆເດີ້ ແຕ່ຈະມາເອົາບົດຄວາມດີໆທີ່ຊ່ວຍສ້າງແຮງບັນດານໃຈໃຫ້ແກ່ໝູ່ເພື່ອນທຸກຄົນ ເຊິ່ງບົດຄວາມນີ້ເປັນບົດຄວາມຂອງຄໍລຳສຳພາດພິເສດໃນ (Special Scoop) ໃນວາລະສານ ຂວັນໃຈ ສະບັບທີ 114, ເຊິ່ງເຮົາໄດ້ລວບລວມເອົາແມ່ຍິງເກັ່ງ ແມ່ຍິງລາວຍຸກໃໝ່ທີ່ມີຄວາມກ້າຫານ ຜູ້ທີ່ສາມາດອອກຈາກກອບເກົ່າໆ ມາແນະນຳໃຫ້ທຸກຄົນໄດ້ຮູ້ຈັກ ສຳລັບມື້ນີ້ຈະຂໍແນະນຳ ສາຍສຸລິນທອນ ສໍປຣະເສີດ (ໜິງ) ອາຍຸ 25 ປີ ຜູ້ກວດກາຄຸນນະພາບນໍ້າບໍລິສັດນໍ້າເທີນ 2 ສາວນັກຮຽນນອກດີກຼີ ປະລິນຍາໂທມາຈາກ ປະເທດ ຝຣັ່ງ. ດັງນັ້ນລອງມາອ່ານບົດສຳພາດຂອງ ໜິງ ສາຍສຸລິນທອນ ເບິ່ງເດີ້!!! #ແຊຣໄປໃຫ້ໂລກຮູ້ເຖິງຄວາມສາມາດຂອງແມ່ຍິງລາວ ຄວາມສຸກມັນຢູ່ລະຫວ່າງທາງ ຄວາມສຸກທີ່ໄດ້ເຮັດ ໄດ້ຢູ່ກັບສິ່ງທີ່ມັກ  ຄວາມຈິງແລ້ວໜິງເອງເປັນຄົນທີ່ມັກຮຽນວິຊາເຄມີມາຕັ້ງແຕ່ນ້ອຍໆແລ້ວ ຕັ້ງແຕ່ມັດທະຍົມພຸ້ນແຫຼະ ແຕ່ຕອນນັ້ນກໍບໍ່ດອກຮູ້ວ່າ ນອກຈາກການເປັນຄູເຄມີແລ້ວ ສາມາດເລືອກເຮັດວຽກຫຍັງໄດ້ອີກ ຮູ້ແຕ່ວ່ານາງມີຄວາມສຸກທີ່ໄດ້ຮຽນຮູ້ ມ່ວນທີ່ໄດ້ຢູ່ກັບມັນ ເລື່ອງຍາກກໍກາຍເປັນເລື່ອງງ່າຍໆ ຕອນໄດ້ທຶນໄປຮຽນຢູ່ຝະລັ່ງ ໜິງເອງກໍຂ້ອນຂ້າງຄິດໜັກ ເພາະວ່າສາຂານີ້ໃນເມືອງລາວຍັງບໍ່ທັນເປີດກວ້າງ …

Idea ຊົງຜົມຂອງສາວຜົມດໍາ ທີ່ແຊ໋ບໄດ້ໂດຍບໍ່ຕ້ອງເຮັດສີ ໄລຍະນີ້ເທຼນຜົມສີຕ່າງໆກໍາລັງມາແຮງແລ້ວ ເທຼນຜົມສີດໍາທໍາມະຊາດກໍວົນກັບມາຄືກັນ ມັນງ່າຍຫຼາຍສໍາລັບສາວອາຊີຄຶເຮົາ ທີ່ມີສີຜົມເປັນສີດໍາທໍາມະຊາດຢູ່ແລ້ວ ຂໍ້ດີຂອງຜົມດໍາກໍຄືຈະເຮັດໃຫ້ໃບໜ້າເບິ່ງ ອາຍຸນ້ອຍລົງມາ ເນັ້ນໃບໜ້າໃຫ້ເດັ່ນຊັດຂຶ້ນ ເປັນສີທໍາມະຊາດຂອງສາວອາຊີຄືເຮົາ ເຮົາສາມາດບໍາລຸງແລ້ວປ່ອຍໃຫ້ມັນຍາວໄດ້ຕາມຕ້ອງການ ບໍ່ຕ້ອງເຮັດສີໃຫ້ຜົມເສຍກໍງາມໄດ້ ມື້ນີ້ ຂັວນໃຈເລີຍຖືໂອກາດ ນໍາເອົາ Idea ຊົງຜົມສີດໍາທໍາມະຊາດມາຕ້ອນສາວໆກັນ!       By: BeautyGuru ຮູບພາບຈາກ: Sprice