Women Healthy

ໜ້ອຍຄົນທີ່ຈະປະຕິເສດວ່າບໍ່ເຄີຍກິນ ຜັກກະລໍ່າ (Cabbage) ເຊິ່ງບາງຄົນກໍມັກກິນເປັນປະຈຳ ບາງຄົນກໍເຫັນເປັນຜັກຕາມທ້ອງຕະຫຼາດທົ່ວໄປເລີຍຮູ້ສຶກເສີຍໆ ແຕ່ດຽວກ່ອນ!!! ບອກເລີຍວ່າບົດຄວາມນີ້ຈະເປັນບົດຄວາມທີ່ຈະມາບອກເລົ່າຄຸນປະໂຫຍດຂອງ “ຜັກກະລໍ່າ”  ເຊິ່ງເຫັນເປັນຜັກທີ່ຫາໄດ້ງ່າຍ ແລະ ລາຄາບໍ່ແພງຫຼາຍ ແຕ່ມີຄຸນປະໂຫຍດສຸດເລີດສຸດໆເລີຍເດີ້ແຟນໆ ໃນຜັກດັ່ງກ່າວມີຄຸນປະໂຫຍດຫຼາຍຢ່າງ ແຕ່ລະຢ່າງເດັດໆທັງນັ້ນ…ມີຫຍັງແດ່ມາເບິ່ງ (ຢ່າລືມແຊຣບອກຕໍ່ໝູ່ເພື່ອນຄົນອື່ນນຳເດີ້) ມີໄຂມັນຕໍ່າ ແລະ ເສັ້ນໄຍອາຫານສູງ ເຮັດໃຫ້ຮູ້ສຶກອິ່ມດົນ ກະລໍ່າ 100 ກິໂລກຼາມ ໃຫ້ພະລັງງານພຽງ 25 ກິໂລແຄລໍຣີ່ ຈຶ່ງເປັນຜັກທີ່ເໝາະສົມແກ່ຄົນທີ່ຢາກຫຼຸດນໍ້າໜັກ ຊ່ວຍຫຼຸດນໍ້າໜັກ ແລະ ໄຂມັນໃນຮ່າງກາຍ  ໃນຜັກກະລໍ່າມີສານທີ່ຊ່ວຍຢຸດນໍ້າຕານ ແລະ ແປ້ງບໍ່ໃຫ້ກາຍເປັນໄຂມັນສະສົມໃນຮ່າງກາຍ ຈຶ່ງຊ່ວຍຫຼຸດໄຂມັນ ແລະ ຍັງຊ່ວຍຫຼຸດນໍ້າໜັກໄດ້ເປັນຢ່າງດີ ຕ້ານພະຍາດມະເຮັງ ການຮັບປະທານພືດຕະກູນກະລໍ່າ ຈະຊ່ວຍຫຼຸດຜ່ອນຄວາມສ່ຽງການເກີດພະຍາດມະເຮັງ ເພາະມີສານສຳຄັນທີ່ຊື່ວ່າ ກຣູໂຄສິໂນເລສ ເຊິ່ງສານດັ່ງກ່າວມີລິດຢຸດພະຍາດຮ້າຍຢ່າງມະເຮັງຫຼາຍຊະນິດເຊັ່ນ ມະເຮັງລຳໃສ້ ມະເຮັງເຕົ້ານົມ ມະເຮັງກະເພາະປັດສາວະ ແລະ ຍັງຊ່ວຍຂັບໄລ່ສານພິດທີ່ຕົກຄ້າງໃນຕັບ ບັນເທົາອາການທ້ອງອືດ ໃນຜັກກະລໍ່າມີສານໄຟເບີສູງ ຈຶ່ງເປັນໂຕຊ່ວຍໃຫ້ລຳໃສ້ເຮັດວຽກໄດ້ດີ ກະຕຸ້ນການຂັບຖ່າຍໃຫ້ດີຂຶ້ນ ແລະ …

ກ້າວເຂົ້າສູ່ຍຸກ Digital ສາວໆຢ່າງເຮົາຕ້ອງອັບເດດຂໍ້ມູນຂ່າວສານກັນເລື້ອຍໆເດີ້  ໃນມື້ນີ້ມີຂໍ້ມູນຂ່າວສານດີໆມາຝາກແຟນໆເຊັ່ນເຄີຍ ແຖວນີ້ມີໃຜເປັນນັກດື່ມກັນແດ່? ຫຼ້າສຸດມີການວິໄຈອອກມາແລ້ວເດີ້ ເຖິງຜົນຮ້າຍຂອງແອວກໍຮໍທີ່ເກີດຂຶ້ນກັບແມ່ຍິງແບບເຮົາໆ, ບໍ່ວ່າຈະໃນອະດີດ ຫຼື ປັດຈຸບັນ ມັກຈະພົບໄດ້ເລື້ອຍໆວ່າ ແມ່ຍິງທີ່ດື່ມເຄື່ອງດື່ມທີ່ມີທາດແອວກໍຮໍ ບໍ່ວ່າຈະເປັນເຫຼົ້າຫຼື ເບຍ ມີແນວໂນ້ມໃຫ້ເຫັນເລີຍວ່າຈະເລີ່ມດື່ມແອວກໍຮໍໃນຊ່ວງອາຍຸຍັງນ້ອຍລົງເລື້ອຍໆ ຫຼືເລີ່ມຕົ້ນຕັ້ງແຕ່ໄວຮຽນ ຊຶ່ງການດື່ມແອວກໍຮໍກໍສົ່ງຜົນຕໍ່ແມ່ຍິງໃນແບບທີ່ຕ່າງກັນ ຂຶ້ນຢູ່ກັບລະຍະເວລາໃນການດື່ມ ປະລິມານການດື່ມ ການຕອນສະໜອງຂອງຮ່າງກາຍທີ່ມີຕໍ່ແອວກໍຮໍ ແຕ່ທັງນີ້ກໍສົ່ງຜົນທີ່ຄ້າຍຄືກັນ ເພາະແນ່ນອນເລີຍວ່າມັນສົ່ງຜົນຕໍ່ຮ່າງກາຍ ຈິດໃຈ ແລະ ສະໝອງ ໄດ້ມີການວິໄຈທີ່ ມະຫາວິທະຍາໄລໃນຮ່ອງກົງ ມີການສຳຫຼວດ ແລະເຮັດການວິໄຈກ່ຽວກັບຜົນເສຍທີ່ເກີດຈາກການດື່ມແອວກໍຮໍໃນແມ່ຍິງ ໂດຍມີການຕີພິມການສຳຫຼວດດັ່ງກ່າວລົງໃນ CMAJ  ເຊິ່ງເປັນວາລະສານທາງການແພດຂອງປະເທດການາດາ ໂດຍການວິໄຈດັ່ງກ່າວເປັນການເກັບຂໍ້ມູນຜູ້ຮ່ວມທົດລອງທີ່ມີອາຍຸສະເລ່ຍ 49ປີ ແບ່ງເປັນກຸ່ມຕົວຢ່າງແມ່ຍິງ 56% ແລະຜູ້ຊາຍ64% ເປັນຄົນໃນຮ່ອງກົງ 10,386 ຄົນ, ໄລຍະເວລາທົດລອງ 2ປີ (2009 ແລະ 2013) ແລະຍັງໄດ້ມີການທົດລອງໃນອາເມລິກາອີກ 31,079  ຄົນ ໄລຍະເວລາທົດລອງ 3ປີ ຊຶ່ງການວິໄຈພົບວ່າ ໃນແມ່ຍິງທີ່ບໍ່ເຄີຍດື່ມແອວກໍໍຮໍແມ່ນມີສະພາບຈິດໃຈທີ່ດີເຖິງດີທີ່ສຸດ ສ່ວນໃນແມ່ຍິງທີ່ເລີກດື່ມແອວກໍໍຮໍ ແລະ …

ຄວາມສຸກບໍ່ແມ່ນພຽງມີສະພາບທາງດ້ານຈິດໃຈ ຫຼື ທັດສະນະຄະຕິທີ່ດີ ແຕ່ມັນກ່ຽວຂ້ອງກັບຂະບວນການທາງດ້ານເຄມີບາງຢ່າງໃນຮ່າງກາຍ ໂດຍສະເພາະຮໍໂມນທີ່ຈະຊ່ວຍໃຫ້ເຮົາມີຄວາມສຸກ ການຂາດຮໍໂມນເຫຼົ່ານີ້ຈະນຳໃຫ້ໄປສູ່ພາວຊຶມເສົ້າ, ດັ່ນນັ້ນລອງມາເບິ່ງສັນຍານຈາກຮ່າງກາຍທີ່ບົ່ງບອກວ່າເຈົ້າກຳລັງບໍ່ມີຄວາມສຸກໃນຊີວິດ. ມັກກິນຂອງຫວານ ແລະ ຂອງທອດ ຫາກຮ່າງກາຍຕ້ອງການນໍ້າຕານ ແລະ ແປ້ງ ອາດເປັນຍ້ອນຮ່າງກາຍມີສານເຊໂທໂລນິນຕໍ່າ ສານນີ້ຈະຊ່ວຍໃຫ້ອາລົມດີ ຮູ້ສຶກຜ່ອນຄາຍ ເມື່ອກິນອາຫານເຫຼົ່ານີ້ເຂົ້າໄປກໍຈະໄປຊ່ວຍເພີ່ມຮໍໂມນ ແລະ ເຮັດໃຫ້ອາລົມດີຂຶ້ນ ແຕ່ຄວາມຮູ້ສຶກຈະເກີດຂຶ້ນພຽງຊ່ວງເວລາສັ້ນໆເທົ່ານັ້ນ ຫຼັງຈາກນັ້ນລະດັບຮໍໂມນນີ້ຈະຫຼຸດລົງ ແລ້ວຈະຮູ້ສຶກວ່າຍັງຕ້ອງການກິນຂອງຫວານຕະຫຼອດເວລາ ຕຸ້ຍຂຶ້ນ ເມື່ອຮ່າງກາຍຂາດຮໍໂມນໂດປາມິນ ສານແຫ່ງຄວາມສຸກຈຶ່ງສົ່ງຜົນໃຫ້ນໍ້າໜັກເພີ່ມຂຶ້ນ ນອກຈາກຄວາມຈິງທີ່ວ່າມັກກິນຂອງຫວານ ແລະ ອາຫານທີ່ບໍ່ດີຕໍ່ສຸຂະພາບ ສິ່ງນີ້ເກີດຂຶ້ນເປັນຍ້ອນກຳລັງກິນອາຫານທີ່ພະຍາຍາມຊົດເຊຍຮໍໂມນນີ້ດ້ວຍການກິນ, ດັ່ງນັ້ນຜົນຄືຈະເຮັດໃຫ້ກີນອາຫານຫຼາຍຂຶ້ນເລື້ອຍໆຈົນຕຸ້ຍຂຶ້ນນັ້ນເອງ ເຈັບເຕົ້ານົມ ເກີດຈາກການຂາດໂມນອື່ນໆ ທີ່ມີອິດທິພົນຕໍ່ອາລົມ ແລະ ຍັງສົ່ງຜົນຕໍ່ສຸຂະພາບຂອງເຮົາອີກດ້ວຍ ເມື່ອແມ່ຍິງມີລະດັບຮໍໂມນເອສໂຕເຈນຕໍ່າລົງຈະສົ່ງຜົນໃຫ້ເກີດອາການເຈັບໜ້າເອິກ ເຊິ່ງມັນສາມາດເກີດຂຶ້ນໄດ້ໃນຊ່ວງທີ່ກຳລັງຈະມີປະຈຳເດືອນ ບໍ່ຢາກສົນໃຈໃຜ ໄດ້ມີການສຶກສາພົບວ່າມີຄວາມເສື່ອມລະຫວ່າງການເອົາໃຈໃສ່ຕໍ່ຜູ້ອື່ນກັບໂຮໂມນອ໋ອກຊິໂທຊິນ ໂດຍມີຊື່ເອີ້ນວ່າ “ຮໍໂມນແຫ່ງຄວາມຮັກ” ຮໍໂມນຊະນິດນີ້ມີຜົນຕໍ່ອາລົມຂອງເຮົາ ແລະ ຖ້າຮູ້ສຶກວ່າເປັນເລື່ອງຍາກທີ່ຈະເອົາໃຈໃສ່ຜູ້ອື່ນ ຫຼື ມີບັນຫາໃນການສະແດງອອກສີໜ້າ ນັ໊ນອາດສະແດງວ່າເຮົາກຳລັງຂາດຮໍໂມນອອກຊິໂທຊິນແລ້ວເດີ້ ອາການເຈັບຫົວ ອາການເຈັບຫົວອາດເກີດໄດ້ຈາກການຂາດຮໍໂມນໂປເຈັກຕໍໂລນ ອາການເຈັບນີ້ສົ່ງຜົນໃຫ້ເກີດອາການເຈັບໄມແກນ …

ສູດຫຼຸດນໍ້າໜັກ ພາຍໃນ 5 ນາທີ ຢາກຮູບຮ່າງດີ ແຕ່ເວລາໜ້ອຍ ເຮັດແນວໃດດີນໍ້? ບໍ່ຕ້ອງກັງວົນອີກຕໍ່ໄປ ລອງເອົາເຄັດລັບການຫຼຸດນໍ້າໜັກງ່າຍໆໃຜໆກໍ່ເຮັດໄດ້ມາແນະນໍາ ເຊິ່ງໃຊ້ເວລາໃນການອອກກໍາລັງກາຍພຽງແຕ່ 5 ນາທີຕໍ່ມື້ເທົ່ານັ້ນ ສາວໆກໍສາມາດມີຫຸ່ນທີ່ດີທີ່ງາມໄດ້ ແລະຈະມີທ່າໃດແດ່ນັ້ນເຮົາໄປເບິ່ງກັນເລີຍ… ໜ້າທ້ອງແບນລຽບດ້ວຍການຢືດຮ່າງກາຍ ກໍານົດລົມຫາຍໃຈໄວ້ຢູ່ທ້ອງ ຍົກມືຂຶ້ນສູງເໝືອຫົວ ໃຫ້ແຂນແນບໄວ້ຂ້າງຫູທັງສອງຂ້າງ ອ້າຂາອອກໃຫ້ເປັນມຸມ 45 ອົງສາ ງໍຫົວເຂົ່າ ໃຫ້ຮູ້ສຶກວ່າຢືນສະບາຍໆຄ້າງໄວ້ 30 ວິນາທີ ຫາຍໃຈເຂົ້າທາງດັງ ແລະ ຫາຍໃຈອອກທາງປາກ 30 ວິນາທີຄືກັນ ຍົກມືຂຶ້ນສູງເໜືອຫົວ ໃຫ້ແຂນແນບໄວ້ຂ້າງຫູທັງສອງຂ້າງຄືເກົ່າ ງ່ຽງລໍາຕົວໄປດ້ານຫຼັງ ເພື່ອກໍານົດລົມຫາຍໃຈທີ່ໜ້າທ້ອງໄດ້ຢ່າງສົມບູນ ຍົກມືຂຶ້ນສູງ ຈາກນັ້ນຜ່ອນຄາຍດ້ວຍການຄ່ອຍໆໂນ້ມຕົວກົ້ມລົງໄປດ້ານໜ້າ ຕາມດ້ວຍບິດຕົວໄປດ້ານຊ້າຍ ແລະ ຂວາເພື່ອໃຫ້ຮູ້ສຶກຜ່ອນຄາຍ ຫຼຸດກົ້ນ ແລະ ສະໂພກດ້ວຍການອອກກໍາລັງກາຍທ່ານີ້ ນັ່ງຕັ້ງເຂົ່າ ຈາກນັ້ນນໍາຂາຂ້າງຊ້າຍວາງພາດໄວ້ເທິ່ງຫົວເຂົ່າດ້ານຂວາ ໂດຍໃຊ້ແຂນທັງສອງຂ້າງຢັນພື້ນເອົາໄວ້ ການຍົກຕີນຂຶ້ນພາດຫົວເຂົ່າ ຈະຊ່ວຍເປີດສະໂພກ, ກົ້ນ ແລະ ແອວໃຫ້ມີຂະໜາດນ້ອຍລົງ …

ຖ້ານອນຫຼັບພຽງ 5-6 ຊົ່ວໂມງ ໃນມື້ທຳມະດາ ແຕ່ພໍຮອດວັນພັກກໍນອນຍາວໝົດມື້ ຂໍບອກເລີຍວ່ານີ້ຄືໄພງຽບ ທຳລາຍສຸຂະພາບແບບບໍ່ຮູ້ຕົວ ນອກຈາກຄວາມຜິດປົກກະຕິຂອງການນອນຫຼັບແລ້ວ ກໍຍັງເປັນການເພີ່ມຄວາມສ່ຽງໃນການເປັນພະຍາດຕ່າງໆເຊັ່ນ ພະຍາດເບົາຫວານ, ພະຍາດຫຼອດເລືອດຫົວໃຈ, ໂຣກອ້ວນ, ພະຍາດລະບົບຍ່ອຍອາຫານຜິດປົກກະຕິ, ເຈັບຫົວ ແລະ ສະມາທິສັ້ນ ຜົນການສຶກສາຂອງ Northwestern Medicine ແລະ ມະຫາວິທະຍາໄລ Surrey ໄດ້ມີການສຶກສາພົບວ່າ ຄົນທີ່ມັກນອນເດິກ ມັກມີບັນຫາບໍ່ຍອມລຸກຈາກຕຽງໃນຕອນເຊົ້າຈະມີຄວາມສ່ຽງທີ່ຈະເສຍຊີວິດໄວກວ່າຄົນທີ່ນອນໄວ ແລະ ຕື່ນນອນໃນຕອນເຊົ້າ ການສຶກສາໃນເທື່ອນີ້ມີຜູ້ເຂົ້າຮ່ວມວິໄຈກວ່າເຄິ່ງລ້ານຄົນ ໂດຍໃຊ້ໄລຍະໃນການເກັບກຳຂໍ້ມູນດົນເຖິງ 6 ປິເຄິ່ງ ຊຶ່ງການວິໄຈກ່ອນໜ້ານີ້ມຸ່ງເນັ້ນໄປທີ່ອັດຕາການເຜົາຜານຂອງຮ່າງກາຍ ພະຍາດຫົວໃຈ ແລະ ຫຼອດເລືອດ ແຕ່ນີ້ເປັນຄັ້ງທຳອິດທີ່ໄດ້ສຶກສາວິໄຈເຖິງຄວາມສ່ຽງໃນການເສຍຊີວິດ ບົດຄວາມວິໄຈໄດ້ຖືກຕີພິມເຜຍແຜ່ໃນວາລະສານ Chronobiology International ນັກວິທະຍາສາດພົບວ່າຄົນທີ່ນອນເດິກ ຕື່ນສວາຍ ຈະມີຄວາມສ່ຽງໃນການເສຍຊີວິດສູງເຖິງ 10% ອາດເປັນໄປໄດ້ວ່າຄົນນອນເດິກຕື່ນສວາຍມັກຈະນອນຊ້າຈຶ່ງເປັນສາເຫດເຮັດໃຫ້ຕື່ນຍາກໃນຊ່ວງເຊົ້າຈະໄປຕື່ນໃນຕອນບ່າຍ ຈຶ່ງເຮັດໃຫ້ໂມງຊີວິດ (biological clock) ຜິດດ່ຽງໄປ ສົ່ງຜົນກະທົບໃຫ້ຮ່າງກາຍບໍ່ສາມາດເຮັດວຽກໄດ້ຕາມທຳມະຊາດ ກໍ່ໃຫ້ເກີດຄວາມຄຽດຊຶ່ງເກີດຈາກປັດໄຈຕ່າງໆ ທັງການກິນອາຫານຜິດເວລາ, ການອອກກຳລັງກາຍບໍ່ພຽງພໍ, ການນອນຫຼັບບໍ່ພຽງພໍ, ກາງຄືນຕາໃສແຈ້ງນອນບໍ່ຫຼັບ …