Career Advice

ຊີວິດໃນໄວເຮັດວຽກຫຼາຍໆ ຄົນຄົງຈະເຄີຍປະສົບກັນມາແດ່ກັບບັນຫາຫຼາກຫຼາຍຮູບແບບ ເຊິ່ງແຕ່ລະຄົນກໍມີວິທີຮັບມືທີ່ແຕກຕ່າງກັນອອກໄປ ແຕ່ມີບັນຫາໜຶ່ງທີ່ເປັນຕາຢ້ານທີ່ສຸດສໍາລັບມະນຸດເງິນເດືອນ ກໍຄື ການໝົດໄຟໃນການເຮັດວຽກ ສົ່ງຜົນກະທົບເຖິງປະສິດທິພາບໃນການເຮັດວຽກ ຈົນອາດຈະນໍາໄປເຖິງການລາອອກ… ດັ່ງນັ້ນ ເພື່ອເປັນການປ້ອງກັນການໝົດໄຟນການເຮັດວຽກ ເຮົາຕ້ອງຊອກວິທີທີ່ຈະຊ່ວຍເພີ່ມໄຟຂຶ້ນມາ ທີ່ນອກຈາກຊ່ວຍໃຫ້ເຮົາໄດ້ເຮັດວຽກແບບເຕັມທີ່ຫຼາຍຂຶ້ນ ລວມເຖິງຄຸນນະພາບຊີວິດໃນແຕ່ລະມື້ກໍຈະດີຂຶ້ນນໍາ ແຕ່ການແກ້ບັນຫານັ້ນກໍຄວນທີ່ຈະເຮັດໃຫ້ກົງຈຸດ ຖ້າບໍ່ດັ່ງນັ້ນກໍຈະເສຍເວລາລ້າ ດີບໍ່ດີ ອາດຈະແກ້ບໍ່ໄດ້ເລີຍ… ຖ້າຮູ້ສຶກວ່າຕົວເອງກໍາລັງໝົດໄຟໃນການເຮັດວຽກລອງເຮັດຕາມວິທີເຫຼົ່ານີ້ເບິ່ງເດີ້!! 1. ໃຫ້ເວລາກັບເລື່ອງອື່ນຫຼາຍຂຶ້ນ ບັນຫາຫຼັກຂອງການເຮັດວຽກກໍຄື ເຮົາມັກຈະບໍ່ມີເວລາໃຫ້ກັບເລື່ອງອື່ນໆ ໃນຊີວິດເລີຍ ເຮັດໃຫ້ຊີວິດມີແຕ່ວຽກ ແລະ ເປັນການເພີ່ມຄວາມກົດດັນຈົນເຮັດໃຫ້ເຮົາເມືື່ອຍກັບການເຮັດວຽກ ດັ່ງນັ້ນ ການເພີ່ມເວລາໃຫ້ກັບສິ່ງອື່ນໆ ເຊັ່ນ ງານອະດິເລກ ພັກຜ່ອນ ຄວາມບັນເທີງ ກໍຈະຊ່ວຍໃຫ້ເຮົາຄິດເລື່ອງອືື່ນ ແລະ ຫຼຸດຄວາມຕຶງຄຽດໃນການເຮັດວຽກລົງໄດ້ ສົ່ງຜົນໃຫ້ການເຮັດວຽກດີຂື້ນໄດ້… 2. ໄປທ່ອງທ່ຽວ ເປີດຫູເປີດຕາ ແນ່ນອນວ່າສິ່ງເຫຼົ່ານີ້ອາດຈະເປັນຕົວເລືອກທໍາອິດ ຂອງໃຜຫຼາຍໆຄົນທີ່ຢາກເພີ່ມໄຟໃນການເຮັດວຽກ ເພາະການໄດ້ໄປທ່ອງທ່ຽວຖືວ່າເປັນການເປີດໂລກໃຫ້ກັບຕົວເອງ ຊ່ວຍໃຫ້ເຮົາໄດ້ຮ-ຽນຮູ້ສິ່ງໃໝ່ໆ ເພີ່ມໄຟໃນການໃຊ້ຊີວິດ ແລະ ການເຮັດວຽກໃຫ້ຫຼາຍຂຶ້ນ 3. ຈັດລະບຽບຊີວິດໃໝ່ ຈັດລະບຽບໃນທີ່ນີ້ອາດຈະເປັນການຈັດໂຕະເຮັດວຽກໃໝ່ ຈັດລະບຽບຟາຍວຽກໃນຄອມພິວເຕີ …

ເວົ້າເຖິງມະນຸດເງິນເດືອນແລ້ວ ເຊື່ອວ່າແຟນເພຈຂອງຂວັນໃຈສ່ວນຫຼາຍກໍາລັງເຮັດອາຊີບນີ້ຢູ່ ແລະ ບາງຄົນອາດຈະກໍາລັງເມື່ອຍ ໝົດໄຟ ກັບວຽກທີ່ເຮັດຢູ່ ເລີຍຢາກຈະນໍາເອົາຂໍ້ຄິດດີໆ ເພີ່ມແຮງໃຈໃຫ້ມີແຮງເຮັດວຽກຕໍ່ໄປ ມາໃຫ້ເຫຼົ່າມະນຸດເງິນເດືອນໄດ້ອ່ານເພື່ອເປັນກໍາລັງໃຈກັນ!!! ຄວາມສໍາເລັດເລີ່ມຕົ້ນທີ່ການລົງມືເຮັດ ຫາກເຈົ້າມີເປົ້າໝາຍ ຫຼືມີຄວາມຝັນ ຢ່າປ່ອຍໃຫ້ມັນເປັນພຽງແຕ່ຄວາມຝັນ ຢ່າດູຖູກຄວາມສາມາດຂອງຕົວເອງ ຈົ່ງເລີ່ມຕົ້ນວາງແຜນ ແລ້ວລົງມືເຮັດເພື່ອໃຫ້ຄວາມຝັນນັ້ນຈະກາຍເປັນຄວາມຈິງ “ຖ້າບໍ່ລອງແລ້ວຝັນໄປເລື້ອຍກໍບໍ່ມີວັນເປັນຄວາມຈິງໄດ້” ຢ່າຢຸດພັດທະນາຕົນເອງ ຄົນທີ່ລົ້ມເຫຼວສ່ວນຫຼາຍມາຈາກຄວາມຄິດຫຼົງຕົວເອງ ຄິດວ່າຕົວເອງເດັ່ນ ເໜືອກວ່າຄົນອື່ນ ແລະ ຢຸດພຽງເທົ່ານີ້ ບໍ່ຄິດຈະເພີ່ມສັກກະຍາພາບໃນການເຮັດວຽກ ຫຼືຊອກແນວທາງໃໝ່ໆ ມາເພື່ອເຮັດໃຫ້ວຽກມີປະສິດທິພາບເພີ່ມຂຶ້ນ ຢ່າລືມວ່າໂລກໝູນອ້ອມຕົວເອງຢູ່ຕະຫຼອດເວລາ ມີຜູ້ຄົນຫຼາກຫຼາຍທີ່ກໍາລັງເຝິກຝົນຕົນເອງ ຖ້າເຈົ້າມີຄວາມຄິດພຽງເທົ່ານີ້ ບອກໄດ້ເລີຍວ່າ ເຈົ້າບໍ່ມີວັນທີ່ຈະໄດ້ສໍາພັດກັບຄໍາວ່າ ປະສົບຄວາມສໍາເລັດຢ່າງແທ້ຈິງ ກໍາລັງໃຈຈາກໃສກໍບໍ່ສໍາຄັນ ກໍາລັງໃຈຈາກຕົນເອງເທົ່ານັ້ນທີ່ໝັ້ນຄົງ ໃນມື້ທີ່ເຈົ້າຕ້ອງພົບກັບອຸປະສັກຕ່າງໆ ກໍອາດຈະມີຫຼາຍໆຄົນທີ່ເຂົ້າມາປອບໃຈ ຫຼືໃຫ້ກໍາລັງໃຈ ແຕ່ຖ້າຫາກຈິດໃຈຂອງເຈົ້າຫົດຫູ່ ບໍ່ເຂັ້ມແຂງ ບໍ່ພ້ອມຝ່າຟັນ ເຈົ້າກໍບໍ່ສາມາດກ້າວຜ່ານອຸປະສັກຕ່າງໆ ໄປໄດ້ຢ່າງແນ່ນອນ ສິ່ງສໍາຄັນທີ່ຈະຊ່ວຍໄດ້ຄື ກໍາລັງໃຈຂອງຕົວເອງທີ່ເຂັ້ມແຂງເທົ່ານັ້ນແຫຼະ ຮັບຟັງໃຫ້ຫຼາຍກວ່າເວົ້າ ການຮັບຟັງຄວາມຄິດເຫັນຂອງຄົນອື່ນເປັນສິ່ງງ່າຍໆ ທີ່ອາດຈະເຮັດໄດ້ດີກວ່າການເວົ້າ ແຕ່ຈົ່ງຟັງຢ່າງເຂົ້າໃຈ ແລະ ຄິດພິຈາລະນາໃຫ້ຖີ່ຖ້ວນກ່ອນເວົ້າ …

ຖ້າເຈົ້າຕ້ອງເຮັດວຽກຮ່ວມກັບເພື່ອນຮ່ວມງານເປັນຈໍານວນຫຼວງຫຼາຍ ແລະເຈົ້ານາຍຍຈຸກຈິກ ເຈົ້າຄວນພະຍາຍາມເຂົ້າກັບເພື່ອນຮ່ວມງານໃຫ້ໄດ້ ພະຍາຍາມຄວາມສ້າງຄວາມສໍາພັນທີ່ດີກັບເພື່ອນຮ່ວມງານໄວ້ ແຕ່ນັ້ນກໍອາາດຈະບໍ່ແມ່ນຂໍ້ແກ້ໄຂທັງໝົດ ເພາະວຽກທຸກຢ່າງມັນມີບັນຫາສະເພາະ ແລະ ນີ້ຄື 5 ຂໍ້ຄິດປ່ຽນມຸມມອງໃນການເຮັດວຽກ ເພື່ອການເຮັດວຽກທີ່ມີຄວາມສຸກຍິ່ງຂື້ນ… ຄວາມຜິດພາດເປັນເລື່ອງທໍາມະດາ ບໍ່ແມ່ນເລື່ອງໃຫຍ່ ໃນການເຮັດວຽກນັ້ນຄົນເຮົາຍ່ອມມີຄວາມຜິດພາດເກີດຂຶ້ນໄດ້ສະເໝີ ສະນັ້ນ ການທີ່ເຮົາມານັ່ງໂທດຕົວເອງນັ້ນມັນກໍບໍ່ມີປະໂຫຍດຫຍັງດອກ ລອງປ່ຽນມຸມມອງໃໝ່ ມາເປັນໃຫ້ກໍາລັງໃຈຕົວເອງເພື່ອວຽກງານທີ່ດີຂຶ້ນຈະດີກວ່າ ແລ້ວຖ້າວ່າເຮົາມາຢູ່ກັບຄວາມຜິດພາດຊໍ້າໆເກົ່າໆ ເຮົາກໍບໍ່ສາມາດເຮັດວຽກຕໍ່ໄປໄດ້ ເຮົາລອງປ່ຽນຄວາມຜິດພາດນັ້ນມາເປັນການຮຽນຮູ້ໃນການເຮັດວຽກຕໍ່ໄປຈະດີກວ່າ… ເຮັດວຽກໜັກຕອນນີ້ ເພື່ອຄວາມສະບາຍໃນອະນາຄົດ ບາງຄົນມີວຽກເຂົ້າມາຫຼາຍໃນຊີວິດ ບາງຄັ້ງອາດຈະເກີດຄວາມທໍ້ຖອຍຂຶ້ນມາ ນັ້ນເປັນເລື່ອງທໍາມະດາ ເພາະວ່າຄົນເຮົາເມື່ອມີວຽກເຂົ້າມາມັນກໍຈະເຂົ້າມາເລື້ອຍໆ ຖ້າເົາເຮັດໄດ້ດີ ມັນກໍເປັນຄວາມພາກພູມໃຈຂອງເຈົ້າຫຼາຍກວ່າ ເພາະມັນໝາຍຄວາມວ່າມີຄົນມັກໃນການເຮັດວຽກຂອງເຈົ້າ ດີກວ່າຄົນທີ່ບໍ່ມີວຽກໃຫ້ເຮັດເລີຍ ແມ່ນບໍ່? ແຕ່ເຈົ້າຊໍ້າພັດມານັ່ງອຸກໃຈວ່າວຽກຫຼາຍ ບໍ່ມີເວລາພັັກຜ່ອນ ເອົາເວລາທີ່ນັ່ງອຸກໃຈມາເຮັດວຽກໃຫ້ແລ້ວຮຽບຮ້ອຍໄດ້ຕາມກໍານົດຈະດີກວ່າ ເພາະເມື່ອຜ່ານມັນໄດ້ໄດ້ ຈະພົບກັບຄວາມສະບາຍໃນອະນາຄົດນັ້ນເອງ. ວຽກນີ້ເຮົາບໍ່ເກັ່ງ ແຕ່ເຮົາກໍຮຽນຮູ້ໄດ້ ຫຼາຍຄັ້ງທີ່ເຮົາອາດຈະໄດ້ຮັບມອບໝາຍວຽກທີ່ເຮົາບໍ່ຖະນັດ ແລ້ວເຮົາກໍມານັ່ງອຸກໃຈຢູ່ ແມ່ນຢູ່ວ່າເຮົາບໍ່ສາມາດເຮັດວຽກໃນສິ່ງທີ່ເຮົາບໍ່ຖະນັດໄດ້ ໃນຊີວິດນີ້ມັນກໍຕ້ອງມີເລື່ອງທີ່ເຮົາບໍ່ມັກເຂົ້າຢູ່ຕະຫຼອດແຫຼະ ເຊິ່ງມັນກໍເຂົ້າມາເພື່ອຈະທົດສອບວ່າເຮົາເຮັດມັນໄດ້ດີສໍ່າໃດ ຄືເປັນການທົດອບຕົວເອງໄດ້ອີກດ້ວຍ ໃນການເຮັດວຽກກໍເຊັນກັນ ເຈົ້າອາດຈະຕ້ອງເຮັດໃນເລື່ອງທີ່ບໍ່ຖະນັດ ຂໍໃຫ້ເຈົ້າປ່ຽນມຸມມອງໃນການເຮັດວຽກ ມາເຮັດກັບມັນໃຫ້ເຕັມທີ່ກ່ອນ ເພາະຄົນອ້ອມຂ້າງຈະເປັນຄົນບອກວ່າມີຂໍ້ຜິດພາດຫຍັງແດ່ …

ມື້ນີ້ ຂວັນໃຈມີຂໍ້ຄິດດີໆ 12 ຂໍ້ ທີ່ຈະຊ່ວຍປັບແນວຄິດ ແລະ ທັດສະນະຄະຕິທີ່ມີຜົນດີຕໍ່ການເຮັດວຽກມາໃຫ້ອ່ານ… ລອງໄປເບິ່ງກັນເລີຍ!!! 1. ມະນຸດສໍາພັນ ເນື່ອງຈາກມະນຸດສໍາພັນເປັນສິ່ງສໍາຄັນ ຖ້າເຈົ້າເຂົ້າກັບເພື່ອນຮ່ວມງານບໍ່ໄດ້ ເຈົ້າຄວນຈະພິຈາລະນາປັບປຸງທັກສະດ້ານມະນຸດສໍາພັນ ເພາະເຖິງວ່າເຈົ້າຈະເກັ່ງຂະໜາດໃດ ເຈົ້າກໍບໍ່ມີທາງປະສົບຄວາມສໍາເລັດໄດ້ ຖ້າມະນຸດສໍາພັນເຈົ້າບໍ່ດີ… 2. ການເຮັດວຽກເປັນທີມ ປັດຈຸບັນ ກນເຮັດວຽກຈະເນັ້ນບຸກຄົນທີ່ເຮັດວຽກເປັນທີມໄດ້ດີຫຼາຍກວ່າຄົນທີ່ມັກເຮັດວຽກຄົນດຽວ ເນື່ອງຈາກໂລກແຄບລົງ ແລະ ມີການພັດທະນາໃນດ້ານຕ່າງໆ ຫຼາຍຂຶ້ນ ການເຮັດວຽກກໍຕ້ອງເປັນທີມຫຼາຍຍິ່ງຂຶ້ນ ຜູ້ທີ່ມີທັກສະໃນການເຮັດວຽກເປັນທີມ ແລະ ເປັນຜູ້ຮ່ວມທີມທີ່ດີ ຈຶ່ງເປັນສິ່ງຈໍາເປັນໃນການເຮັດວຽກ. 3. ຂໍ້ຕົກລົງໃນການເຮັດວຽກ ຈື່ໄວ້ວ່າການທີ່ເຈົ້າຮັບປາກຮັບຄໍາກັບໃຜເລື່ອງໃດເລື່ອງໜຶ່ງ ເຈົ້າຕ້ອງຮັບຜິດຊອບ ແລະ ເຮັດໃຫ້ໄດ້ຕາມທີ່ຮັບປາກໄວ້ ຖ້າເຮັດບໍ່ໄດ້ ຫຼືລ່າຊ້າກວ່າທີ່ຮັບປາກ ເຈົ້າຕ້ອງແຈ້ງໃຫ້ບຸກຄົນທີ່ເຈົ້າຮັບປາກຮູ້ລ່ວງໜ້າຢ່າງໜ້ອຍ 2-3 ມື້ ດັ່ງນັ້ນ ກ່ອນທີ່ຈະຮັບປາກໃຜໃນເລື່ອງຂອງການເຮັດວຽກ ຄວນຈະຄິດໃຫ້ຮອບຄອບກ່ອນ. 4. ຂ້ອຍເປັນຂ້ອຍເອງ ການຈະເປັນສາວໝັ້ນ ເຈົ້າຕ້ອງເບິ່ງເວລາ ແລະ ສະຖານທີ່ໃຫ້ດີກ່ອນ ບໍ່ດັ່ງນັ້ນ …

ໃນແຕ່ລະອົງກອນຕ່າງກໍມີພະນັກງານຫຼາກຫຼາຍປະເພດເຮັດວຽກຮ່ວມກັນ ມີທັງຄົນທີ່ໂດດເດັ່ນເປັນພິເສດ ແລະ ຄົນທໍາມະດາແຕ່ມີຄວາມສາມາດ ໃນຖານະຫົວໜ້າເຮົາຄວນຈະຕ້ອງແຍກໃຫ້ໄດ້ວ່າລູກນ້ອງຄົນໃດມີຝີມືແທ້ ຫຼືມີຄວາມສາມາດຊ່ອນຢູ່ພຽງແຕ່ຖ້າຄົນສະໜັບສະໜູນ ແລະ ຊຸກຍູ້. ສໍາລັບຄົນທີ່ໂດດເດັ່ນຢູ່ແລ້ວຄົງບໍ່ຍາກທີ່ຈະສັງເກດ ແຕ່ຍັງມີພະນັກງານແບບໃດອີກທີ່ບໍ່ຄວນເບິ່ງຂ້າມ… ພະນັກງານອາຍຸນ້ອຍ ຫຼືອາຍຸການເຮັດວຽກໜ້ອຍ ພວກເຂົາເປັນກຸ່ມທີ່ອາດຈະເອີ້ນໄດ້ວ່າມີໄຟໃນການເຮັດວຽກຫຼາຍທີ່ສຸດອັນດັບຕົ້ນຂອງອົງກອນ ພະນັກງານເຫຼົ່ານີ້ພະຍາຍາມສ້າງຜົນງານເພື່ອການຍອມຮັບ ດັ່ງນັ້ນ ຫົວໜ້າຄວນເປີດໂອກາດໃຫ້ພວກເຂົາໄດ້ສະແດງຝີມືແດ່ ແມ່ນຢູ່ວ່າບາງຢ່າງອາດຈະຕ້ອງໃຊ້ປະສົບການ ແຕ່ເຈົ້າສາມາດໃຫ້ພວກເຂົາເລີ່ມຈາກເຮັດວຽກຮ່ວມກັບພະນັກງານທີ່ມີປະສົບການຫຼາຍກວ່າ ແລະ ຄອຍຕິດຕາມເບິ່ງວ່າພວກເຂົາຮຽນຮູ້ໄດ້ໄວຂະໜາດໃດ ຢ່າເບິ່ງແຕ່ປະສົບການໃນການເຮັດວຽກຢ່າງດຽວ ຖ້າເຈົ້າສາມາດສ້າງແຮງບັນດານໃຈໃຫ້ພະນັກງານກຸ່ມນີ້ໄດ້ໃນໄລຍະທໍາອິດຂອງກາານເຮັດວຽກ ພວກເຂົາຈະກາຍເປັນຊັບພະຍາກອນທີ່ມີຄຸນຄ່າ ມີຝີມື ຈະຮັກ ແລະ ພູມໃຈທີ່ໄດ້ເຮັດວຽກກັບອົງກອນທີ່ເຫັນຄຸນຄ່າໃນຕົວພວກເຂົາ ພະນັກງານເວົ້າໜ້ອຍແຕ່ຜົນງານດີ ພວກເຂົາເຫຼົ່ານີ້ ຄືກໍາລັງທີ່ສໍາຄັນທີ່ສຸດໃນອົງກອອນ ຕັ້ງໃຈເຮັດວຽກ ບໍ່ຈົ່ມ ບໍ່ສົນໃຈຊື່ສຽງ ແລະ ຕໍາແໜງເຮັດວຽກໄດ້ດີ ແຕ່ບໍ່ຄ່ອຍສະແດງຕົວຕົນ ຫຼືຜົນງານຫຼາຍປານໃດ ຖ້າເຈົ້າມີພະນັກງານແບບນີ້ຢູ່ໃນທີມລອງສັງເກດ ຫຼືໂອ້ລົມກັບພວກເຂົາເບິ່ງວ່າມີເປົ້າໝາຍຫຍັງແດ່ໃນການເຮັດວຽກ ຢາກເຝິກຝົນຄວາມກ້າສະແດງອອກຫຼາຍຂຶ້ນບໍ່? ພະນັກງານບາງຄົນອາດຈະພໍໃຈແລ້ວກັບຕໍາແໜ່ງ ແລະ ໜ້າທີ່ທີ່ເປັນຢູ່ຫົວໜ້າຄວນສະໜັບສະໜູນໃຫ້ລາວໄດ້ໃຊ້ຄວາມສາມາດຢ່າງເຕັມທີ່ ຄົນເວົ້າໜ້ອຍບໍ່ມັກເຂົ້າສັງຄົມອາດຈະບໍ່ເໝາະສົມກັບຕໍາແໜ່ງບໍລິຫານ ແຕ່ຜົນງານດີກໍຄວນໄດ້ຮັບຄວາມກ້າວໜ້າເຊັ່ນກັນ ອາດຈະມີການສະໜັບສະໜູນໃນທາງເລິກຫຼາຍຂຶ້ນ ໂດຍສະໜັບສະໜູນໃຫ້ພວກເຂົາເຕີບໃຫຍ່ໄດ້ຢ່າງເຕັມທີ່ ເຝິກຝົນ ແລະ ສົ່ງເສີມທັກສະດ້າຮນການສະແດງອອກເພີ່ມຕຶ່ມ. …