Money

“ຄິດໃຫ້ໄດ້ ໃຊ້ໃຫ້ເປັນ” ຫຼາຍຄົນມັກຈະຄິດວ່າ ເງິນທີ່ເຮົາໄດ້ມາຈາກນໍ້າເຫື່ອນໍ້າແຮງນັ້ນ ຄວນເອົາໄປໃຊ້ໃນສິ່ງທີ່ເຮົາຕ້ອງການ ໃຊ້ເງິນແບບຄຸ້ມຄ່າກັບການຊອກມາ ຖ້າຄິດແນວນັ້ນກໍບໍ່ຜິດ ແຕ່ໝັ້ນໃຈແລ້ວຫຼືບໍ່ວ່າ ການໃຊ້ເງິນຂອງທ່ານນັ້ນຄຸ້ມຄ່າທີ່ສຸດ ເຊິ່ງວາລະສານຂວັນໃຈສະບັບນີ້ ໄດ້ນຳເອົາວິທີການຈ່າຍເງິນແບບບໍ່ຈຳເປັນມາຝາກ ເພື່ອບໍ່ຕ້ອງມີໜີ້ໃນສິ່ງທີ່ບໍ່ຈຳເປັນ ແລະ ຍັງມີເງິນທ້ອນອີກ. ອຸປະກອນເອເລັກໂຕຼນິກ ເຖິງວ່າສະໄໝນີ້ອຸປະກອນເອເລັກໂຕຼນິກຫຼາຍໆຊະນິດຈະມີຄວາມຈຳເປັນຕໍ່ຊີວິດປະຈໍາວັນກໍຕາມ ແຕ່ກໍບໍ່ໄດ້ໝາຍຄວາມວ່າທ່ານຈະຕ້ອງໃຊ້ເງິນໄປກັບການຊອກຊື້ອຸປະກອນລຸ້ນໃໝ່ຢູ່ຕະຫຼອດ ສິ່ງທີ່ທ່ານຊື້ມາໃນມື້ນີ້ ອາດຈະເປັນລຸ້ນໃໝ່ກໍຕາມ ແຕ່ເມື່ອຮອດປີໜ້າ ລຸ້ນໃໝ່ກວ່າປີນີ້ກໍຈະອອກມາຄືກັນ ແລະ ລຸ້ນໃໝ່ທີ່ເຮົາຊື້ກໍຈະເປັນລຸ້ນເກົ່າ ຖ້າເຮົາຍັງຊື້ເຄື່ອງໄປຕາມການເວລາແນວນີ້ທຸກໆປີ ເຮົາກໍຈະບໍ່ມີເງິນໄວ້ເຫຼືອຖົງເລີຍ ແຖມຍັງໃຊ້ເຄື່ອງບໍ່ຄຸ້ມອີກ ເພາະຫາກໍຊື້ແຕ່ກໍຕ້ອງຊື້ໃໝ່ອີກແລ້ວ ເຄື່ອງຕົກແຕ່ງເຮືອນ ໃຜທີ່ມັກຕົກແຕ່ງເຮືອນດ້ວຍການຊື້ເຄື່ອງ ຫຼື ສິ່ງຂອງມະຍ໋ອກມະແຍ໋ກ ມາປະດັບເຮືອນນັ້ນ ຂໍບອກເລີຍວ່າ ໃຫ້ຢຸດ ເຖິງວ່າເຄື່ອງເຫຼົ່ານັ້ນຈະຊ່ວຍໃຫ້ເຮືອນແນມເບິ່ງແລ້ວງາມຕາຂຶ້ນກໍຕາມ ແຕ່ຖ້າເຮົາຊື້ຫຼາຍ ເຮົາກໍເປືອງເງິນຫຼາຍເທົ່ານັ້ນ ລອງຊອກວິທີທີ່ປະຢັດກວ່າຄື ເຟີນີເຈີ້ ບາດດຽວເລີຍ ນອກຈາກຈະ ປະຢັດເງິນແລ້ວ ກໍຍັງມີຄວາມພູມໃຈກັບສິ່ງນັ້ນອີກດ້ວຍ. ລົດ ສຳລັບຄົນຮັກລົດ ເມື່ອເຫັນລົດລຸ້ນໃໝ່ໆ ກໍອົດໃຈບໍ່ໄດ້ທີ່ຢາກຊື້ລົດໃໝ່ ແລະ ພະຍາຍາມຊອກຫາຈຸດບົກຜ່ອງ ຫລື …

ການໃຊ້ຊີວິດໂດຍປາສະຈາກການວາງແຜນ ຖືເປັນຊີວິດທີ່ອ່າວສ່ຽງ ໂດຍສະເພາະໃນເລື່ອງການເງິນ ຖ້າບໍ່ມີການຈັດລະບົບກັນໃຫ້ດີ ເມື່ອຮູ້ຕົວກໍອາດຈະສວາຍເກີນໄປ ເພາະກຳລັງປະສົບກັບບັນຫາທາງການເງິນແບບຫຼີກບໍ່ໄດ້ ຕ້ອງຍອມຮັບວ່າ ຄົນເຮັດວຽກລໍຖ້າເງິນເດືອນນີ້ ສ່ວນໜຶ່ງຍັງບໍ່ສາມາດບໍລິຫານເງິນໄດ້ດີເທົ່າທີ່ຄວນ ແຕ່ເຊື່ອວ່າເຮົາສາມາດຮັບມືກັບມັນໄດ້ ຖ້າຮູ້ຈັກວາງແຜນ ແລະ ໃສ່ໃຈກັບອະນາຄົດທາງດ້ານການເງິນຂອງຕົນເອງໃຫ້ຫຼາຍຂຶ້ນ ເພາະໃນແຕ່ລະມື້ມີຄ່າໃຊ້ຈ່າຍເພີ່ມຂຶ້ນເລື້ອຍໆ ຈົນບໍ່ຮູ້ວ່າຈະເລີ່ມ ຈາກຈຸດໃດດີ ລອງມາອ່ານວິທີການວາງແຜນທ້ອນເງິນທີ່ບໍ່ຍາກເກີນ ຄວາມສາມາດຂອງທ່ານດອກເນາະ! ຫຼຸດຄ່າໃຊ້ຈ່າຍທີ່ບໍ່ຈຳເປັນ. ຄົນເຮັດວຽກທຸກຄົນອາດຈະຮູ້ສຶກວ່າ ທຸກສິ່ງທຸກຢ່າງທີ່ຢູ່ອ້ອມຕົວເຮົາ ມັນເປັນສິ່ງທີ່ຈຳເປັນທັງໝົດ ເຮັດໃຫ້ຕັດສິນໃຈໄດ້ຍາກ ແຕ່ເມື່ອຮອດເວລາຕ້ອງວາງແຜນການເງິນ ເຮົາກໍຈະເຫັນໂລດວ່າ ສິ່ງໃດຈຳເປັນທີ່ສຸດ ເຊັ່ນ: ອາຫານລາຄາແພງ, ຊື້ເຄື່ອງນຸ່ງທີ່ໃຊ້ພຽງເທື່ອດຽວ ຖ້າເຮົາສາມາດຄວບຄຸມຄ່າໃຊ້ຈ່າຍທີ່ບໍ່ຈຳເປັນໄດ້ ເຮົາກໍຈະເຫັນເງິນຢ່າງແນ່ນອນ. ທ້ອນກ່ອນ ຈຶ່ງຈ່າຍ ຫຼາຍຄົນເລືອກທີ່ຈະໃຊ້ຈ່າຍກ່ອນ ເຫຼືອເທົ່າໃດແລ້ວຈຶ່ງທ້ອນ ເຊິ່ງມັນອາດຈະບໍ່ແມ່ນວິທີທີ່ຖືກຕ້ອງປານໃດ ເຮົາຄວນປ່ຽນມາໃຊ້ວິທີທ້ອນກ່ອນແລ້ວຈຶ່ງຈ່າຍ ຈະເຮັດໃຫ້ເຮົາມີເງິນເຫຼືອຫຼາຍຂຶ້ນ ເພາະເຮົາໄດ້ເອົາເງິນສ່ວນໜຶ່ງອອກໄປແລ້ວ ເຮົາກໍຈະໃຊ້ເງິນໄດ້ແບບອຸ່ນໃຈຫຼາຍຂຶ້ນ ເຮົາອາດຈະໃຊ້ຮູບການເປີດບັນຊີເງິນຝາກປະຈຳຮ່ວມ ເພື່ອຊ່ວຍທ້ອນເງິນໂດຍບໍ່ເອົາເງິນສ່ວນນີ້ມາໃຊ້ຈ່າຍ ແລະເປັນການສ້າງນິດໄສການທ້ອນເງິນໃຫ້ກັບຕົນເອງ. ຕັ້ງເປົ້າໝາຍໃນການທ້ອນເງິນ ໃນໄລຍະທີ່ເຮົາເລີ່ມຕົ້ນທ້ອນເງິນ ໃຫ້ບັນທຶກລາຍຮັບ-ລາຍຈ່າຍນຳອີກ ເພື່ອໃຫ້ເຫັນວ່າ ໃນແຕ່ລະມື້ໄດ້ຈ່າຍເງິນໄປເທົ່າໃດແລ້ວໃຫ້ເລີ່ມຕັ້ງເປົ້າໃນການທ້ອນເງິນໃຫ້ກັບຕົວເອງວ່າ ເຮົາຈະເອົາເງິນໄປຊື້ລົດ, ຊື້ເຮືອນ …

ການທ້ອນເງິນສຳລັບໄວໜຸ່ມ ສ່ວນຫຼາຍແລ້ວເປັນເລື່ອງທີ່ບໍ່ງ່າຍປານໃດ ໃນການມີເງິນສະສົມໄວ້ ຫຼື ມີ ກໍອາດຈະມີໜ້ອຍວາລະສານຂວັນໃຈ ສະບັບນີ້ ຂໍແນະນຳວິທີງ່າຍໆ ໃຫ້ກັບໄວໜຸ່ມຫຼາຍທ່ານລອງປະຕິບັດເພື່ອທ້ອນເງິນດັ່ງນີ້: ເປີດບັນຊີທະນາຄານໃຫ້ເໝາະສົມ; ວິທີນີ້ຊ່ວຍໃຫ້ນ້ອງໆທີ່ມາຈາກຕ່າງແຂວງທີ່ເຂົ້າມາຮຽນໃນນະຄອນຫຼວງ ຫຼື ໄປຮຽນຢູ່ບ່ອນອື່ນທີ່ບໍ່ແມ່ນບ້ານເກີດຂອງຕົນເອງ. ເຮັດບັນຊີລາຍຮັບ-ລາຍຈ່າຍ; ບໍ່ວ່າຈະເປັນຄ່າປຶ້ມ, ຄ່າສະບູ່, ຢາຖູແຂ້ວ ຈະຊື້ຫຍັງ ກໍຄວນຈົດບັນທຶກໄວ້ ແລະ ເຮົາຈະຮູ້ວ່າເຮົາໃຊ້ຈ່າຍໝົດໜ້ອຍຫລາຍປານໃດ. ຢູ່ຫ່າງຈາກໝູ່ເພື່ອນທີ່ໃຊ້ຈ່າຍເງິນຟູມເຟືອຍ; ວິທີນີ້ບໍ່ໄດ້ໝາຍຄວາມວ່າ ບໍ່ໃຫ້ມີໝູ່ເພື່ອນ ຫຼື ປະຕິເສດສັງຄົມແຕ່ປະການໃດ ແຕ່ຢາກໃຫ້ເລືອກກຸ່ມພົບປະສັງສັນ ເພາະຖ້າຢູ່ໃນກຸ່ມທີ່ໃຊ້ເງິນແບບບໍ່ຄິດ ພໍຮອດຕອນແລງຕ້ອງໄປສັງຄົມສ້າງສັນກິນນັ້ນກິນນີ້ທຸກມື້ ເງິນເດືອນທີ່ໄດ້ມາເທົ່າໃດກໍຄົງບໍ່ພໍ. ເລືອກໃຊ້ມືຖືໃຫ້ເໝາະສົມ; ຄ່າໃຊ້ຈ່າຍທີ່ຫຼາຍທີ່ສຸດຂອງໄວໜຸ່ມກໍຄືຄ່າໂທລະສັບມືຖື ໄວໜຸ່ມຫຼາຍຄົນຖື ຄະຕິທີ່ວ່າ “ ບໍ່ມີກິນບໍ່ວ່າ ຂໍມີເງິນຈ່າຍຄ່າໂທລະສັບມືຖືກໍພໍ ” ຮູ້ຈັກໃຊ້ໃຫ້ເໝາະສົມຈຶ່ງເປັນການດີ. ປະຢັດເງິນເປັນລາຍເດືອນ; ເຮົາຈະຕ້ອງແບ່ງ ເງິນເປັນສ່ວນໆ 5, 10, 15 ຫຼື 20% ຈາກເງິນເດືອນທີ່ໄດ້ມາ ແລ້ວແຕ່ຄວາມສາມາດຂອງແຕ່ລະຄົນ ເຂົ້າບັນຊີຝາກປະຈຳໄວ້ເລີຍ ແລະ ສິ່ງສຳຄັນຕ້ອງເຮັດທຸກເດືອນ ຄົບປີເຮົາຈະພູມອົກພູມໃຈກັບຍອດເງິນທີ່ເພິ່ມຂຶ້ນ ເຖິງຈະແບ່ງຝາກບໍ່ຫຼາຍກໍຢ່ານ້ອຍໃຈ ຢ່າງໜ້ອຍເຮົາກໍມີເງິນທ້ອນໄວ້ໃນຍາມສຸກເສີນ.

“ຢາກມີລົດເປັນຂອງຕົນເອງ” ເຊື່ອວ່າຫຼາຍໆຄົນເຄຍມີຄວາມຄິດນີ້ຂຶ້ນມາໃນໃຈຢູ່ແລ້ວ ແນ່ນອນວ່າມັນບໍ່ແມ່ນເລື່ອງທີ່ງ່າຍເລີຍ ດ້ວຍລາຄາຄ່າງວດຂອງລົດ ແລະ ພາລະໜ້າທີ່ ທີ່ຕ້ອງຮັບຜິດຊອບ ການອອມເງິນຈື່ງເປັນປັດໄຈທີ່ສໍາຄັນເພື່ອຊື້ລົດ ແຕ່ຈະອອມເງິນແນວໃດເພື່ອໃຫ້ໄດ້ມາຊື້ລົດທີ່ຕົນເອງຕ້ອງການ!!!  ຂວັນໃຈ ຈະມາແນະນໍາສິ່ງທີ່ຄວນຮູ້ ລວມໄປເຖິງວິທີການອອມເງິນທີ່ມີປະສິດທິພາບທີ່ສຸດ ເພື່ອໃຫ້ໄດ້ລົດເຂົ້າມາເຕີມເຕັມຊີວິດຂອງເຮົາ ລົດທີ່ເປັນເປົ້າໝາຍໃນການອອມເງິນ ສິ່ງທີ່ຕ້ອງສົນໃຈກ່ອນເລີ່ມຕົ້ນອອມເງິນຄື ເປົ້າໝາຍໃນການອອມເງິນນັ້ນເປັນແບບໃດ ໄລຍະສັ້ນ ຫຼືໄລຍະຍາວ ຕ້ອງເກັບເງິນກ້ອນໃຫຍ່ ຫຼືກ້ອນນ້ອຍ ເຊິ່ງສາມາດພິຈາລະນາໄດ້ຈາກປັດໄຈຕ່າງໆ ດັ່ງນີ້: ລົດທີ່ຢາກໄດ້ ເປັນລົດແບບໃດ? ລາຄາເທົ່າໃດ? ການພິຈາລະນາລົດທີ່ຢາກໄດ້ຄວນເບິ່ງຈາກການໃຊ້ງານຂອງລົດເປັນຫຼັກ ເມື່ອຊື້ລົດຄັນດັ່ງກ່າວມາແລ້ວຈະໃຊ້ເຮັດຫຍັງ ແລະ ຕໍ່ຍອດໄປດ້ານໃດ ຄຸ້ມຄ່າໜ້ອຍ-ຫຼາຍຊໍ່າໃດ ຮອງລົງມາຄືຄວາມມັກໃນລົດຄັນນັ້ນໆ ເພາເປັນລົດທີ່ຖືກໃຈຈະເຮັດໃຫ້ເຮົາສາມາດໃຊ້ງານລົດຄັນນັ້ນໆໄດ້ຫຼາຍຂຶ້ນ ແລະ ສະດວກໃຈຫຼາຍຂຶ້ນ ເລືອກການຊໍາລະແບບໃດ ຊື້ສົດ – ຈ່າຍເປັນເງິນກ້ອນໃຫຍ່ກ້ອນດຽວອາດເປັນຫຼັກຮ້ອຍລ້ານ ຫຼືຕາມແຕ່ລົດທີ່ຢາກໄດ້ ແລກກັບການຫຼຸດພາລະໃນການຈ່າຍເງິນໄລຍະຍາວ ຜ່ອນ – ຈ່າຍເງິນເປັນກ້ອນນ້ອຍໆ ໃນແຕ່ລະເດືອນຕາມທີ່ມີການຕົກລົງກັນໄວ້ຈາກການຊື້ຂາຍ ວ່າແຕ່ລະງວດຈະຈ່າຍເງິນເທົ່າໃດເພື່ອຜ່ອນລົດຄັນດັ່ງກ່າວ ອາດມີດອກເບ້ຍເພີ່ມເຕີມຕາມມາເລັກນ້ອຍ ແລກກັບການບໍ່ໄດ້ຈ່າຍເງິນກ້ອນໃຫຍ່ເທື່ອດຽວ   ອອມເງິນແນວໃດ ເມື່ອຮູ້ແລ້ວວ່າຕ້ອງການລົດແບບໃດ …

ເພື່ອສະໜອງປະກັນຊີວິດເງິນຝາກໃຫ້ກັບລູກຄ້າທີ່ມາຝາກເງິນກັບສະຖາບັນ  ທາງສະຖາບັນການເງິນຈຸລະພາກທີ່ຮັບເງິນຝາກເອກພັດທະນາ ໄດ້ຮ່ວມມືກັບ ບໍລິສັດ ອາລິອັນສ໌ ປະກັນໄພລາວ ແລະ ກຸ່ມບໍລິສັດ ອາລິອັນສ໌ ປະເທດ ເຢຍລະມັນ ລົງນາມເຊັນສັນຍາຮ່ວມກັນ ໃນວັນທີ 16 ມັງກອນ 2020 ທີ່ບໍລິສັດ ອາລິອັນສ໌ ປະກັນໄພລາວ ນະຄອນຫຼວງວຽງຈັນ. ເຊິ່ງລົງນາມໂດຍທ່ານ ກີ ອາໂປວີ ຜູ້ອໍານວຍການໃຫຍ່ ບໍລິສັດ ອາລິອັນສ໌ ປະກັນໄພລາວ ແລະ ທ່ານ ສົມພອນ ສີແສງລັດ ຜູ້ອໍານວຍການໃຫຍ່ ສະຖາບັນການເງິນຈຸລະພາກເອກພັດທະນາ. ການຄົ້ນຄິດ ແລະ ພັດທະນາຜະລິດຕະພັນປະກັນຊີວິດເງິນຝາກນີ້ແມ່ນ ເພື່ອພັດທະນາການບໍລິການຂອງສະຖາບັນການເງິນຈຸລະພາກທີ່ຮັບເງິນຝາກເອກພັດທະນາໃຫ້ມີຄວາມຫຼາກຫຼາຍ ພ້ອມທັງຕອບສະໜອງຄວາມຕ້ອງການຂອງລູກຄ້າ ປະກັນຊີວິດເງິນຝາກນີ້ ແມ່ນປະກັນໄພທີ່ໃຫ້ຄຸ້ມຄອງ ແລະ ທົດແທນຄືນໃນກໍລະນີຜູ້ເອົາປະກັນໄພເສຍຊີວິດຈາກການເຈັບປ່ວຍ ຫຼືເສຍຊີວິດຈາກອຸບັດຕິເຫດ ສັນຍາປະກັນໄພຊີວິດເງິນຝາກນີ້ແມ່ນຈະຖືກຄັດຕິດເຂົ້າກັບທຸກບັນຊີເງິນຝາກທີ່ມີກັບສະຖາບັນການເງິນຈຸລະພາກທີ່ຮັບເງິນຝາກເອກພັດທະນາ. ຖືໄດ້ວ່າເປັນອີກໜື່ງຜົນປະໂຫຍດທີ່ທາງສະຖາບັນໄດ້ມອບໃຫ້ກັບລູກຄ້າ ໂດຍບໍ່ມີຄ່າໃຊ້ຈ່າຍຫຍັງ ສໍາລັບເງື່ອນໄຂ ທີ່ສະໝັກມີດັ່ງນີ້: ມີບັນຊີເງິນຝາກປະຢັດກັບ ສະຖາບັນການເງິນຈຸລະພາກທີ່ຮັບເງິນຝາກເອກພັດທະນາ …