Kuanjai Life Stlye

ສົມກັບສາຍາງານງາມ-ດາຣາໃຈບຸນອີ່ຫລີ ລູກນໍ້າ ທິດາລັດ ຊຸບຕາເບີ 1 ວົງການລາວເຮົາຄົນນີ້ ຖ້າເອີ່ຍຊື່ຂຶ້ນມາແລ້ວແມ່ນບໍ່ມີໃຜບໍ່ຮູ້ຈັກ ແລະ ຜົນງານໃນວົງການບັນເທິງກໍເປັນທີ່ໂດດເດັ່ນຢ່າງບໍ່ເຄີຍຕົກກະແສເລີຍ ນັບເປັນເວລາເກືອບ 10 ປີແລ້ວ ເຊິ່ງຫຼັງຈາກທີ່ໄດ້ຮັບລາງວັນຊະນະເລີດການປະກວດ Miss Laos 2011 ສາວລູກນໍ້າກໍມີງານໃນວົງການບັນເທິງໃຫ້ແຟນໄດ້ຊົມຢ່າງຕໍ່ເນື່ອງ ຊື່ສຽງຂອງລູກນໍ້າດັງໄກໄປຮອດຕ່າງແດນບໍ່ວ່າຈະເປັນການເດີນແບບ-ການສະແດງລະຄອນ ກໍແມ່ນໄດ້ຮັບກະແສຕອບຮັບຈາກແຟນຄຣັບໆຢ່າງລົ້ນເຫລືອອີ່ຫລີ່ເດີ!! ຍັງຄົງເດີນໜ້າຊ່ວຍເຫຼືອສັງຄົມລາວມາເລື້ອຍໆ ຫຼັງຈາກທີ່ບໍ່ດົນມານີ້ສາວລູກນໍ້າໄດ້ອອກມາຊີ້ແຈ້ງວ່າ ຕົນເອງໄດ້ຖືກຄັດເລືອກເປັນໜຶ່ງໃນຜູ້ບໍລິຫານໂຄງການ ຊ່ວຍເຫຼືອຄົນທຸກຍາກ ແລະ ດ້ວຍໂອກາດໃນ ສປປ ລາວ ເຊິງບັນດາແຟນໆທັງຫຼາຍກໍພາກັນດີໃຈ ແລະ ແຫ່ກັນໃຫ້ກໍາລັງໃຈຢ່າງແໜ້ນໜາກັນເລີຍ!! ແລະໃນຕອນແລງຂອງມື້ນີ້ ສາວລູກນໍ້າກໍໄດ້ໂພສເລື່ອງລາວການໄປເຮັດກິດຈະກໍາ ແຈກອານຫານ ແລະ ເຂົ້າຫນົມຕ່າງໆໃຫ້ກັບນ້ອງໆທີ່ໂຮງຮຽນພິເສດຜ່ານທາງ Facebook ສ່ວນຕົວວ່າ “ສຸກໃດກໍບໍ່ເທົ່າ ສຸກຈາກການເປັນຜູ້ໃຫ້…ມາແຈກອາຫານ-ເຂົ້າຫນົມ ໃຫ້ກັບນ້ອງໆໂຮງຮຽນພິເສດ (ເພີ່ນເວົ້າບໍ່ໄດ້)”. ງາມ ແລະ ເສຍສະຫຼະປານນີ້ຈະບໍ່ໃຫ້ຮັກໄດ້ແນວໃດ!! ຂວັນໃຈ ຂໍສະແດງຄວາມຊົມເຊີຍ ແລະ ນັບຖືໃນນໍ້າໃຈອັນປະເສີດຂອງສາວລູກນໍ້າຄົນນີ້ອີ່ຫລີ ຂໍໃຫ້ສາວລູກນໍ້າເປັນແບບຢ່າງ ແລະ …

ສັງຄົມທຸກມື້ນີ້ແມ່ນມີການເຕີບໃຫຍ່ຂະຫຍາຍຕົວຢ່າງໄວວາ ການແຂ່ງຂັນໃນສັງຄົມກໍສູງ ນັ້ນສະແດງໃຫ້ເຫັນເຖິງສິ່ງທີ່ປ່ຽນແປງໃນກຸ່ມຄົນກໍາລັງເກີດຂຶ້ນ ທຸກຄົນລ້ວນແຕ່ມີແນວທາງ ແລະ ມີເປົ້າໝາຍເປັນຂອງຕົວເອງ ໂດຍສະເພາະໄວໜຸ່ມໄວສ້າງຕົວທັງຫຼາຍ ທີ່ກໍາລັງທີ່ກໍາລັງຄົ້ນຄືດຊອກຫາທຸກວິທີທາງເພື່ອໃຫ້ຕົວເອງປະສົບຜົນສໍາເລັດໃນໄວອາຍຸຍັງນ້ອຍ!!. ມື້ນີ້ ຂວັນໃຈຈະມາແນະນໍາ 5 ເຄັດລັບແນວທາງໃນການພິຊິດເປົ້າໝາຍໃຫ້ໄດ້ໄວ້ຂຶ້ນ ເຊິ່ງຈະມີອີ່ຫຍັງແດ່ນັ້ນໄປອ່ານນຳກັນເລີຍ!!!! ມີຄວາມຄືດສ້າງສັນ!! ຕ້ອງຕັ້ງຄໍາຖາມກັບຕົວເອງວ່າ ຈະເຮັດແນວໃດໃຫ້ສິ່ງທີ່ເຮົາເຮັດຢູ່ນັ້ນເປັນທີ່ໜ້າສົນໃຈ, ໂດດເດັ່ນ, ຈັບຕ້ອງໄດ້ ແລະ ມີ Style ທີ່ຊັດເຈນກວ່າຄົນອື່ນ. ຈັດການກັບສະຖານະການທຸກຮູບແບບໄດ້!! ຮຽນຮູ້ຮັບມື, ແກ້ໄຂບັນຫາທຸກເຫດການທີ່ເກີດຂຶ້ນກັບຊີວິດ ແລະ ໜ້າທີ່ວຽກງານ ຕ້ອງຄືດສະເຫມີວ່າ “ໃນວິກິດມັນມີໂອກາດ ໃນໂອກາດຈະມີຫົນທາງ ໃນຫົນທາງຈະມີຄວາມຝັນ ແລະ ໃນຄວາມຝັນຕ້ອງເປັນຄວາມຈິງ”. ມີຄວາມກ້າ ແລະ ໝັ້ນໃຈໃນສິ່ງທີ່ຕົວເອງເຮັດ!! ໝັ້ນໃຈວ່າສິ່ງທີ່ຕົວເອງເຮັດນັ້ນມັນຖືກຕ້ອງ ແລະ ກ້າທີ່ຈະລົງມືປະຕິບັດ ທີ່ສໍາຄັນຕ້ອງຄືດວ່າບໍ່ມີຫຍັງທີ່ເຮົາເຮັດບໍ່ໄດ້ ແຕ່ຄວາມໝັ້ນໃຈນັ້ນຕ້ອງເປັນສິ່ງທີ່ດີຕໍ່ເຮົາ ແລະ ຄົນອື່ນ ບໍ່ແມ່ນວ່າໝັ້ນໃຈໃນເລື່ອງບໍ່ດີ ແລ້ວມາບອກວ່າຕົວເອງມີຄວາມໝັ້ນໃຈອັນນັ້ນກໍບໍ່ເປັນຕາເອົາເດີ!! ບໍ່ຕ້ອງເຮັດໃນສິ່ງທີ່ຮັກ ແຕ່ຮັກໃນສິ່ງທີ່ເຮັດ ບໍ່ຕ້ອງໄປເສຍເວລາຊອກວຽກທີ່ເຮົາຮັກ ແຕ່ໃຫ້ຮັກວຽກທີ່ເຮົາເຮັດໃຫ້ຫຼາຍໆ ແລ້ວເຮົາຈະເຫັນສັກກາຍະພາບໃນຕົວເອງ …

ກ້ອຍ-ຕູນ ເຜີຍໂສມບັດເຊີນງານດອງແລ້ວ ເຊິ່ງອອກແບບໃຫ້ເປັນແຜ່ນສຽງສຸດຄຣາສິກ ແບບລຽບແຕ່ຫຼູອອກແນວຫວານລະມຸນ ຫຼາຍຄົນບອກວ່າເປັນບັດທີ່ມີຄວາມລົງຕົວ ແລະ ເຂົ້າກັບບັນຍາກາດຄອນເຊັບງານດອງເປັນຢ່າງດີ ໃກ້ເຂົ້າມາແລ້ວເດີ!! ສໍາຫລັບງານແຕ່ງຂອງຄູ່ຮັກດາຣານັກແລ່ນ ຕູນ ບໍດີສະແລມ-ກ້ອຍ ຣັຊວິນ ເຊິງເປັນອີກໜຶ່ງງານທີ່ບັນດາແຟນໆຕ່າງກໍໃຫ້ຄວາມສົນໃຈ ແລະ ຖ້າຕິດຕາມຫຼາຍທີ່ສຸດ ຫຼັງຈາກທີ່ທັງຄູ່ໄດ້ວາງແຜນງານດອງໄວ້ແຕ່ຕົ້ນປີທີ່ຜ່ານມາ ແຕ່ເນື່ອງຈາກວ່າຕິດສະຖານະການໂຄວິດ-19 ທີ່ແຜ່ລະບາດ ຈຶ່ງເຮັດໃຫ້ທຸກຢ່າງໄດ້ເລື່ອນອອກໄປ. ຈາກນັ້ນ ທັງຄູ່ກໍໄດ້ແຈ້ງຂ່າວເລື່ອນງານມຸງຄຸນມາເປັນວັນທີ 28 ພະຈິກ 2020 ແລະ ສາວກ້ອຍເອງກໍມີພາບລອງຊຸດເຈົ້າສາວອອກມາໃຫ້ເຫັນແວບໆ ເຖິງວ່າຈະມາພຽງຊຸດດຽວແຕ່ກໍສໍາຜັດໄດ້ເຖິງຄວາມອະລັງການງານສ້າງຂອງຊຸດວິວາບໍ່ແມ່ນນ້ອຍໆເລີຍເດີ!! ຫລ້າສຸດ ຕູນ-ກ້ອຍ ກໍໄດ້ໂພສໂຊບັດເຊີນທີ່ເຮັດແລ້ວເປັນທີ່ຮຽບຮ້ອຍ ເຊິງອອກແບບເປັນແຜ່ນສຽງ ພື້ນຫຼັງເປັນສີນໍ້າເງິນ ເອີ້ນໄດ້ວ່າເຂົ້າກັບLifestyleຂອງທັງຄູ່ທີ່ສຸດເລີຍກໍວ່າໄດ້. ສ່ວນຄອນເຊັບຂອງງານສາວກ້ອຍບອກວ່າ ອ້າຍຕູນຢາກໃຫ້ມີຄວາມສະໜຸກສະໜານ ແລະ ທີ່ວາງໄວ້ແມ່ນເປັນຄອນເຊັບສວນສະໜຸກ. ຂໍ້ມູນຈາກ: sanook.com

ຜິວງາມໃຜໆກໍຢາກມີ ຜິວດີໃຜໆກໍຢາກໄດ້ ປັດຈຸບັນນີ້ການບໍາລຸງຜິວກໍມີຫຼາກຫຼາຍວິທີທີ່ແຕກຕ່າງກັນໄປ ມື້ນີ້ຂວັນໃຈຂໍເອົາໃຈສາວໆທີ່ມັກຂາວມັກງາມ ໂດຍການມາແນະນໍາອີກວິທີໜຶ່ງ ໃນການບໍາລຸງຜິວ ເຊິ່ງເປັນວິທີງ່າຍໆທີ່ສາວໆທຸກຄົນສາມາດເຮັດໄດ້ທຸກມື້ ແລະ ທຸກເວລາເລີຍກໍວ່າໄດ້ ນັ້ນກໍຄື….ການກິນໝາກໄມ້ທີ່ມີວິຕາມິນບໍາລຸງຜິວ ເຊິ່ງວິຕາມິນຕ່າງໆໃນໝາກໄມ້ນັ້ນແມ່ນສາມາດເຮັດໃຫ້ຜິວຂອງສາວໆນັ້ນຂາວໃສແບບທໍາມະຊາດ ແລະ ຜິວກໍຍັງແຂງແຮງອີກດ້ວຍ!! ເຊິ່ງຈະມີໝາກອີ່ຫຍັງແດ່ເຮົາໄປເບິ່ງກັນເລີຍ!! ໝາກແອບເປີ້ນ: ແອບເປີ້ນທຸກສາຍພັນແມ່ນປະກອບມີວິຕາມິນຊີເປັນຫຼັກ ເຊິ່ງຈະຊ່ວຍໃນເລື່ອງຂອງການຮັກສາການເຊື່ອມສະພາບຂອງ, ຊ່ວຍປົກປ້ອງຜິວຈາກແສງແດດ. ນອກຈາກວິຕາມິນຊີແລ້ວ ແອບເປີ້ນຍັງມີວິຕາມີນບີ 1 , ວິຕາມິນບີ 3, ແລະ ວິຕາມິນບີ 5 ທີ່ຊ່ວຍເພີ່ມພູມຕ້ານທາງໃຫ້ແກ່ຜິວເຮັດໃຫ້ຜິວອ່ອນກວ່າໄວ, ຊ່ວຍໃຫ້ຜິວນຽນໜຸມຊຸມຊື່ນ ແລະ ຂາວສົດໃສຂຶ້ນ ໝາກສົ້ມ: ເປັນໝາກໄມ້ທີ່ມີວິຕາມິນຊີສູງທີ່ສຸດ ເຊິ່ງແນ່ນອນວ່າວິຕາມິນຊີແມ່ນຈະຊ່ວຍໃນເລື່ອງຂອງການຫຼຸດ ແລະ ປົກປ້ອງການເກີດຮ່ອງຮອຍທີ່ໃບໜ້າໄດ້ດີທີ່ສຸດ ແຖມຍັງຊ່ວຍໃຫ້ໜ້າເປັ່ງປັ່ງຂຶ້ນອີກ ຍັງບໍ່ພໍ!! ໝາກສົ້ມຍັງມີຄຸນສົມບັດໃນການຊ່ວຍສ້າງຄໍລາເຈນ, ມີສານຕໍ່ຕ້ານອານຸມູນອິດສະຫຼະຢ່າງຫລວງຫຼາຍທີ່ຊ່ວຍເຮັດໃຫ້ໜ້າອ່ອນກວ່າໄວໄດ້ເປັນຢ່າງດີ ແລະ ສົ້ມຍັງມີວິຕາມິນບີເຊິ່ງໂດ່ດເດັ່ນໃນການສ້ອມແຊມເຊວຜິວ ແຖມຍັງປົກປ້ອງຄວາມມີນໍ້າມີນວນຂອງຜິວໄດ້ເປັນຢ່າງດີ ສະຕໍເບີຣີ: ເປັນອີກໜຶ່ງໃນໝາກໄມ້ທີ່ມີວິຕາມິນຊີ ແລະ ສານຕ້ານອະນຸມູນອິດສະຫຼະສູງ ຈຶ່ງຊ່ວຍໃນການຫຼຸດຮ່ອງຮອຍ ແລະ ກະຊັບຜິວໜ້າ …

ຍີ່ປຸ່ນຖືໄດ້ວ່າເປັນປະເທດທີ່ມີຄວາມກ້າວໜ້າທາງດ້ານເຕັກໂນໂລຊີທີ່ທັນສະໄໝ ແລະ ຄົນຍີ່ປຸນກໍເປັນຄົນທີ່ມີການວາງແຜນການເຮັດວຽກ ຫຼືແບບແຜນໃນການໃຊ້ຊີວິດ ໂດຍສະເພາະແມ່ນການວາງແຜນເລື່ອງການເກັບອອມເງິນ!!! ໂດຍສະເພາະແມ່ນສາວໂສດທັງຫຼາຍ ເຮົາມາເບິ່ງນໍາກັນວ່າ Working Women ຂອງຍີ່ປຸ່ນນັ້ນເກັບເງິນເພື່ອເປົ້າໝາຍຫຍັງແດ່!!! ເຮົາໄປເບິ່ງນໍາກັນເລີຍ… ເພື່ອເປັນທຶນໃນການແຕ່ງງານ!! ງານແຕ່ງດອງບໍ່ແມ່ນພຽນແຕ່ເປັນງານຂອງຝ່າຍໃດຝ່າຍໜຶ່ງພຽງຜູ້ດຽວ ດັ່ງນັ້ນ ການ Share ຄ່າໃຊ້ຈ່າຍຕ່າງກໍບໍ່ແມ່ນສິ່ງທີ່ໜ້າລັງກຽດສໍາຫລັບສາວໆ ຫາກຍັງເປັນອີກໜຶ່ງຄວາມພູມໃຈຂອງຜູ້ຍິງທີ່ສາມາດຊ່ວຍເຫລືອຄົນທີ່ຄົນທີ່ຕົນເອງຮັກໄດ້ ດັ່ງຄໍາເວົ້າທີ່ວ່າ “ອ້າຍອອກສອງນ້ອງອອກໜຶ່ງ” ເພື່ອງານອາດິເລກ ສາວໂສດຽວນີ້ມີກິດຈະກໍາຍາມຫວ່າງທີ່ໜ້າສົນໃຈຫຼາກຫຼາຍແບບ ບໍ່ວ່າຈະເປັນການທ່ອງທ່ຽວ, ການຊອກຮຽນເພີ່ມເສີມທັກສະຄວາມຮູ້, ການອອກກໍາລັງກາຍ ,ການເຂົ້າສະປາເສີມຄວາມງາມ ແລະ ອີກຫຼາຍໆກິດຈະກໍາຂຶ້ນກັບຄວາມມັກຂອງແຕ່ລະຄົນ ເພື່ອໄວ້ໃຊ້ໃນຍາມສຸກເສີນ!! ເງິນສໍາຮອງແມ່ນສິ່ງທີ່ຈໍາເປັນ ແລະ ມີຄວາມສໍາຄັນຫຼາຍ ຍ້ອນອະນາຄົດເຮົາບໍ່ສາມາດເບິ່ງເຫັນ ເພາະເຫດສຸກເສີນສາມາດເກີດຂຶຶ້ນໄດ້ກັບທຸກໆຄົນ ແລະ ທຸກເວລາ ດັ່ງຄໍາເວົ້າທີ່ວ່າ “ກັນໄວ້ດີກວ່າແກ້” ເພື່ອມໄວ້ໃຊ້ຍາມເຖົ້າສະລາ ບັ້ນປາຍຊີວິດໃນໄວທີ່ບໍ່ສາມາດເຮັດວຽກໄດຫາເງິນໄດ້ ລາຍໄດ້ກໍຈະບໍ່ມີ!! ຖ້າບໍ່ຢາກໃຫ້ຊີວິດຫຼັງກະສຽນພົບບັນຫາ ຖ້າມີການວາງແຜນເກັບເງິນເພື່ອໄວສະລາກໍຖືວ່າເປັນເລື່ອງດີ ເພື່ອຊື້ເຮືອນ!! ເຮືອນເປັນອີກໜຶ່ງຄວາມຝັນຂອງສາວໆຄືກັນ ອັນເປັນເຫດໃຫ້ບັນດາ Working Women ທັງຫຼາຍພາກັນຕັ້ງໜ້າຕັ້ງຕາຫາເງິນ ເພື່ອສ້າງຝັນໃຫ້ກາຍເປັນຈິງ …