Just for Love

ການອົກຮັກ ຜິດຫວັງຈາກຄວາມຮັກ ເປັນເລື່ອງທໍາມະດາ ຂຶ້ນຊື່ວ່າ “ຄວາມຮັກ” ກໍ່ຕ້ອງມີທັງຄວາມຮັກທີ່ “ສົມຫວັງ ແລະ ຜິດຫວັງ” ສຳລັບຄົນທີ່ມີຄວາມຮັກທີ່ສົມຫວັງ ໝັ້ນຄົງ ຄອງຄູ່ກັນໄປຈົນແກ່ຈົນເຖົ້າ ກໍຖືວ່າເປັນຄົນທີ່ປະສົບຜົນສຳເລັດໃນຄວາມຮັກໄປ ແຕ່ສຳລັບຄົນທີ່ ບໍ່ສົມຫວັງ ຫຼື ຜິດຫວັງໃນຄວາມຮັກແນ່ນອນວ່າເມື່ອຄວາມສໍາພັນຢຸດຕິລົງ ເຮົາກໍຕ້ອງໂສກເສົ້າເສຍໃຈເປັນເລື່ອງປົກກະຕິ ແຕ່ເມື່ອເວລາຜ່ານໄປ ສາວໆເຄີຍເປັນບໍ່? ທີ່ພະຍາຍາມດຶງຕົວເອງໃຫ້ເຂັ້ມແຂງຂຶ້ນ ເວົ້າກັບຕົວເອງຕໍ່ໜ້າແວ່ນວ່າຂ້ອຍ ໂອເຄ ແລ້ວ ພັດຍົກເວັ້ນເລື່ອງຄວາມຮັກຄັ້ງເກົ່າ ຫຼືແຟນເກົ່າ ອາດຈະຟັງເປັນເລື່ອງຕະຫຼົກ ແຕ່ເຊື່ອບໍ່ວ່າຜູ້ທີ່ເຄີຍພົບເຫດການນັ້ນມາແລ້ວ ມັນບໍ່ງ່າຍເລີຍ ບໍ່ວ່າຈະພະຍາຍາມລືມມັນໄປໄດ້ດົນສໍ່າໃດ ແຕ່ເມື່ອມີເລື່ອງໃດເລື່ອງໜຶ່ງມາກະທົບຈິດໃຈ ກໍເຮັດໃຫ້ມັນກັບຄິດຮອດເຂົາຄົນທີ່ເຄີຍຮັກຂຶ້ນມາໂດຍບໍ່ມີເຫດຜົນ ຄືກັບຮອຍບາດເກົ່າທີ່ບໍ່ມີມື້ຫາຍຂາດໄດ້ ແລະ ເຄີຍສົງໄສບໍ່ວ່າເປັນຍ້ອນຫຍັງ?  ມາເບິ່ງ! 5 ເຫດຜົນທີ່ເຮັດໃຫ້ຕັດໃຈຈາກຄົນຮັກເກົ່າບໍ່ໄດ້ (ເຊົາໂງ່ໄດ້ແລ້ວ Ok) ຄິດຮອດເຂົາທຸກຄັ້ງທີ່ຮູ້ສຶກທໍ້ “ຖ້າເຂົາຍັງຢູ່ບ່ອນນີ້ກະຄືຊິດີເນາະ” ປະໂຫຍກທີ່ຄົນຍັງບໍ່ລືມແຟນເກົ່າມັກເວົ້າກັນ ເມື່ອພົບເລື່ອງທີ່ເຮັດໃຫ້ທໍ້ ມັນເປັນຄໍາເວົ້າທີ່ດີຫຼາຍ ແຕ່ປະໂຫຍກນີ້ລະທີ່ສະແດງໃຫ້ຮູ້ວ່າເຮົາກໍາລັງຄິດຮອດເຂົາຄົນນັ້ນຫຼາຍ ຍັງໂຫຍຫາ ຢາກໃຫ້ເຂົາກັບມາເປັນຄວາມສະບາຍໃຈ ເມື່ອພົບເລື່ອງທີ່ເຮັດໃຫ້ທໍ້ອີກຄັ້ງ ຄິດຮອດໂອກາດທີ່ຈະໄດ້ກັບໄປເປັນຄືເກົ່າອີກຄັ້ງ ບໍ່ວ່າຈະເປັນຍ້ອນສາເຫດໃດກໍຕາມທີ່ເຈົ້າຢາກໃຫ້ເຂົາກັບມາເປັນຄືເກົ່າ …

7 ສັນຍານທີ່ບົ່ງບອກວ່າເຈົ້າເປັນຝ່າຍຮັກເຂົາຂ້າງດຽວ ຄວາມຮັກເປັນເລື່ອງຂອງອາລົມ ແລະ ເຫດຜົນ!! ແຕ່ຄົນສ່ວນຫຼາຍມັກເບິ່ງຄວາມຮັກໃນຮູບແບບຂອງອາລົມຫຼາຍກວ່າ ເຊິ່ງອາລົມຂອງເຮົານັ້ນມັກຂຶ້ນໆລົງໆປ່ຽນໄປມາໄດ້ຕະຫຼອດເວລາ ຍາກຕໍ່ການຄວບຄຸມ ເຖິງວ່າເຈົ້າຈະຮັກລາວມາດົນປານໃດ ເຮັດທຸກສິ່ງທຸກຢ່າງໃຫ້ເຂົາຫັນມາສົນໃຈເຈົ້າ ແຕ່ຖ້າເຂົາບໍ່ຕອບສະໜອງຫຍັງກັບມາເລີຍ ກາຍເປັນວ່າຕ້ອງເມື່ອຍຢູ່ຝ່າຍດຽວ ແລະ ມັນກໍເປັນສັນຍານທີ່ບົ່ງບອກວ່າເຈົ້າກໍາລັງຮັກລາວຢູ່ຝ່າຍດຽວ ເຮົາລອງມາ Check ກັນເບິ່ງບໍ່ວ່າຄົນທີ່ເຈົ້າກໍາລັງຄົບຢູ່ນີ້ເປັນແບບນີ້ ຫຼືບໍ່ ຖ້າແມ່ນ! ນັ້ນແຫຼະໝາຍຄວາມວ່າເຈົ້າກໍາລັງຮັກເຂົາຢູ່ຝ່າຍດຽວ. ເຈົ້າ! ມີເວລາໃຫ້ເຂົາ ແຕ່ເຂົາບໍ່ເຄີຍມີເວລາໃຫ້ເຈົ້າ ຖ້າເຈົ້າເປັນຝ່າຍດຽວທີ່ມີເວລາໃຫ້ເຂົາຄົນນັ້ນສະເໝີ ບໍ່ໍວ່າຈະຊວນເຈົ້າໄປເຮັດຫຍັງ, ໄປໃສ ຫຼືແມ່ນແຕ່ຍາມທີ່ເຂົາມີບັນຫາ ຢາກໃຫ້ເຈົ້າມາຢູ່ຄຽງຂ້າງ ເຈົ້າກໍສາມາດແບ່ງເວລາໄປຢູ່ຄຽງຂ້າງໄດ້ສະເໝີ ແຕ່ຖ້າເມື່ອໃດກໍຕາມທີ່ເຈົ້າຂໍໃຫ້ເຂົາເຮັດແບບນັ້ນກັບເຈົ້າແດ່ ພັດບໍ່ເຫັນແມ່ນແຕ່ເງົາຂອງເຂົາເລີຍ! (ເຈັບຈີີີ໊ດ) ເຈົ້າ! ເປັນທີ່ເພິ່ງໃຫ້ເຂົາໄດ້ ແລ້ວເຂົາເດ? ເມື່ອເຂົາເປັນຝ່າຍຂໍຄວາມຊ່ວຍເຫຼືອມາ ເຈົ້າບໍ່ເຄີຍປະຕິເສດ ແຕ່ເມື່ອໃດກໍຕາມທີ່ເຈົ້າມີບັນຫາ ຄິດວ່າເຂົາຈະຍິນດີຊ່ວຍເຈົ້າບໍ່? ເປັນທີ່ເພິ່ງໃຫ້ເຈົ້າໄດ້ແນ່ບໍ່? ອ່ານມາຮອດນີ້ຖ້າຫົວໃຈຕອບວ່າບໍ່! ກໍແມ່ນແລ້ວ. ເຈົ້າ! ເປັນຝ່າຍທີ່ກະຕືລືລົ້ນໃນການວາງແຜນທຸກເລື່ອງຝ່າຍດຽວ ເຖິງວ່າພວກເຈົ້າຈະຄົບກັນແລ້ວ ແຕ່ເບິ່ງຄືວ່າເຈົ້າຈະຕ້ອງເປັນຄົນວາງແຜນທຸກເລື່ອງຝ່າຍດຽວ ບໍ່ວ່າຈະເປັນເລື່ອງການໄປທ່ອງທ່ຽວ, ໄປກິນເຂົ້າ ຫຼືແມ່ນແຕ່ເລື່ອງເລັກໆນ້ອຍໆ ກໍເປັນເຈົ້າຄົນດຽວທີ່ກະຕືລືລົ້ນຊອກຫາຝ່າຍດຽວ …

ຕ້ອງຂໍບອກວ່າ ດຽວນີ້ຈະແນມໄປທາງໃດ ກໍ່ມັກຈະພົບກັບຄົນໂສດ ຫຼາຍ ກວ່າຄົນທີ່ມີຄູ່ ບາງຄົນກໍ່ມັກຈະຈົ່ມວ່າ “ປານໃດນໍ້ເຮົາຈຶ່ງຈະມີແຟນ ມີຄົນຮັກດີໆຄືໝູ່” ແຕ່ດຽວກ່ອນ ສາວໆທັງຫຼາຍກໍ່ຢ່າຟ້າວນອຍສ໌ກັນໄປເດີ້ ໃຜວ່າເປັນໂສດແລ້ວຈະຕ້ອງຫງົາຕ້ອງເສົ້າສະເໝີໄປ ລອງມາເບິ່ງຮູບພາບທັງ 20 ຮູບພາບເຫຼົ່ານີ້ກັນເບິ່ງ ຮັບຮອງວ່າບາງເທື່ອຄົນທີ່ມີຄູ່ອາດຈະບໍ່ມີໂມເມັ້ນດີໆແບບຄົນໂສດຄືເຮົາແນ່ນອນ ໄປເບິ່ງກັນນນນ!!!  ມີພື້ນທີ່ສ່ວນຕົວ ລຽບໆ ງ່າຍໆ ເປັນຂອງຕົວເອງ  ຢາກອ່ານໜັງສື ຄົ້ນຄວ້າຫຍັງໃໝ່ໆກໍ່ໄດ້ ໂດຍທີ່ບໍ່ຕ້ອງສົນໃຈຄົນທີ່ແຊດ ຫຼື ໂທມາ  ມີເວລາຈະຫຼິ້ນກັບສັດລ້ຽງ ໜ້າຮັກໄປອີກ  ຢູ່ຄນດຽວບໍ່ຕ້ອງຫວ່ງເລື່ອງຄວາມງາມ  ຄົນໂສດທີ່ບໍ່ມີນັດ ນອນຢູ່ບ້ານລ້າໆ ສະບາຍໃຈສຸດໆ  ຈະເກີດອາລົມບ້າໆ ບໍໆ ຫຼຸດໂລກກໍ່ໄດ້ ບໍ່ຕ້ອງກັງວົນວ່າໃຜຈະເບິ່ງເຮົາແນວໃດ ຈະອາບນໍ້າ ຂັດຜິວ ດົນປານໃດກໍ່ໄດ້ ບໍ່ມີໃຜຈົ່ມ  ເປີດເພງດັງໆ ເຕັ້ນໄປກັບສຽງເພງ ມີຄວາມສຸກຈະຕາຍ 555  ຫິວຍາມໃດ ກິນຍາມນັ້ນ ບໍ່ມີໃຜມາຫ້າມ ແລະ ເວົ້າວ່າເຮົາຕຸ້ຍ ຈະນັ່ງ ຈະນອນ …

ແມ່ຍິງເສຍປຽບສະເໝີໃນສະໜາມແຫ່ງຄວາມຮັກ ເມື່ອລົງສະໜາມແຫ່ງຄວາມຮັກແລ້ວ ແມ່ຍິງເຮົາມັກຈະຕົກເປັນຮອງຜູ້ຊາຍສະເໝີ ດ້ວຍຂອບວັດທະນະທຳ-ປະເພນີ ທີ່ຫ້າມແມ່ຍິງບໍ່ໃຫ້ລົ້ມເຫຼວໃນເລື່ອງຄວາມຮັກ ຫຼືອອກຈາກຄວາມສຳພັນໄດ້ງ່າຍໆ ໂດຍສະເພາະເມື່ອແຕ່ງດອງແລ້ວ ບໍ່ຊັ້ນຈະຖືກສັງຄົມ ຫຼຸດຄຸນຄ່າລົງ ໃຫ້ກາຍເປັນພຽງແມ່ຍິງມືສອງ ຫຼືແມ່ຮ້າງ ຄວາມເຊື່ອເຫຼົ່ານີ້ ຊຸກຍູ້ແມ່ຍິງໃຫ້ຕ້ອງກົ້ມໜ້າອົດທົນ ຢູ່ໃນຄວາມສຳພັນ ຫຼືຄວາມຮັກທີ່ໝົດອາຍຸ ດ້ວຍຄວາມຮັບຜິດຊອບ ໃນຖານະແຟນ ຫຼືວ່າເມຍ ແຕ່ສຳລັບຜູ້ຊາຍ ສັງຄົມບ້ານເຮົາຊ້ຳພັດໃຫ້ໂອກາດ ຫຼິ້ນແສ້ພານສາວ ເລາະຮ້ານນ້ອຍຮ້ານໃຫຍ່ ໄຟຍິບຍັບ ນອກກາຍ ແລະນອກໃຈໄດ້ທຸກເວລາ !! ຢ່າລືມວ່າຄວາມຮັກມີມື້ໝົດອາຍຸ ເຮົາເຕີບໃຫຍ່ຂຶ້ນມາກັບຄຳສັ່ງສອນ ຫຼືມັກໄດ້ຍິນມາສະເໝີວ່າ ຖ້າຮັກກັນ ຕ້ອງຮັກດຽວໃຈດຽວ ຮັກຕະຫຼອດໄປ ແມ່ນແລ້ວ ຄວາມຮັກທີ່ຍືນຍາວ ຄົງທົນຖາວອນ ເປັນສິ່ງທີ່ປະເສີດສູງສົ່ງ ປຽບໄດ້ດັ່ງຄວາມຮັກຈາກຄົນໃນຄອບຄົວ ຈາກພໍ່ແມ່ ອ້າຍເອື້ອຍນ້ອງ ທີ່ບໍ່ວ່າຜ່ານໄປດົນປານໃດ ກໍບໍ່ປ່ຽນແປງ .. ແຕ່ສໍາລັບຄວາມຮັກແບບບ່າວສາວແລ້ວ ບອກເລີຍວ່າ ມັນອ່ອນໄຫວ ແລະບອບບາງຫຼາຍ ມັນເຄື່ອນເໜັງ ປັບປ່ຽນ ໄປຕາມປັດໄຈພາຍໃນ ແລະພາຍນອກ …

ໃໝ່ໆກໍຮັກກັນດີ ໄປໆມາໆຜ່ານໄປຫຼາຍປີພັດວ່າ ເຂົ້າກັນບໍ່ໄດ້…ໂອ້ຍຫຼາຍໆຄົນກໍ່ອາດຈະເຈິກັບບັນຫາແບບນີ້ແມ່ນບໍ່? ບາງຄູ່ເມື່ອຮູ້ວ່າເຂົ້າກັນບໍ່ໄດ້ແຕ່ກໍພະຍາຍາມຈູນເຂົ້າຫາກັນແລ້ວ ແຕ່ສຸດທ້າຍກໍເຖິງຂັ້ນຕ້ອງເລິກລາກັນໄປຕາມລະບຽບ. ໃນເມື່ອຄົນຢາກໄປກໍ່ບໍ່ມີຫຍັງສິໄປຫ້າມໄດ້ ເຮົາກໍຕ້ອງເຂັ້ມແຂງ ເປັນທີ່ເພິ່ງໃຫ້ຕົນເອງໃຫ້ໄດ້ ຮັກສາໂຕເອງໃຫ້ດີ ຮູ້ຈັກຄຸນຄ່າຂອງໂຕເຮົາເອງ ຄິດສາວ່າຄົນຜູ້ນັ້ນ ບໍ່ແມ່ນຄົນທີ່ຈະມາເປັນຄູ່ຊີວິດທີ່ດີຂອງເຮົາ ຖ້າຄົນທີ່ຮັກ ແລະ ຈິງໃຈເຂົາຈະບໍ່ຍອມເອີ່ຍຄຳວ່າ “ເຂົ້າກັນບໍ່ໄດ້” ມາຫາວິທີເລິກກັບເຮົາ ແລະ ນັ້ນມັນເປັນວິທີຂອງຄົນທີໝົດຮັກຕໍ່ເຮົາແລ້ວ ເຮົາກໍບໍ່ຈຳເປັນຈະຕ້ອງໄປດຶງເຂົາໄວ້ ປ່ອຍເຂົາໄປ ແລະ ພະຍາຍາມຄິດບວກສະເໝີວ່າ ມັນກໍ່ເປັນໂອກາດດີທີ່ເມື່ອເຮົາເລີກກັບຄົນນີ້ໄປແລ້ວ ໃນອະນາຄົດເຮົາອາດຈະເຈິຄົນທີ່ດີ ແລະ ພ້ອມທີ່ຈະຮ່ວມທຸກ ຮ່ວມສຸກໄປກັບໄປກັບເຮົາ. ຄວາມຮັກ ຄືການຮຽນຮູ້ເຊິ່ງກັນ ແລະ ກັນ ຄວນໃຫ້ກຽດກັນທັງສອງຝ່າຍ ແລະ ຕ້ອງຮູ້ຈັກໃຫ້ກຽດເຄົາລົບພໍ່ແມ່ ແລະ ຄົນໃນຄອບຄົວຂອງເຮົານຳ ຮູ້ຈັກປະຄັບປະຄອງ ຮູ້ຈັກໂອ້ລົມກັນ ຕັກເຕືອນກັນໃນຍາມທີ່ອີກຝ່າຍເຮັດສິ່ງທີ່ບໍ່ຖືກຕ້ອງ ເປັນທີ່ປຶກສາທີ່ດີ ແບບນີ້ເຖິງຈະເປັນຄວາມຮັກທີ່ສາມາດໄປກັນລອດ ແລະ ເຂົ້າກັນໄດ້. ຕ້ອງຮູ້ຈັກຄຳວ່າ ພໍ ເພາະເມື່ອເຮົາຮູ້ຈັກຄຳນີ້ແລ້ວຊີວິດຂອງເຮົາກໍຈະດີຂຶ້ນ ໃຜທີ່ບໍ່ຮັກເຮົາກໍຄວນປ່ອຍເຂົາໄປ ເພາະເຖິງຈະອ້ອນວອນໃຫ້ເຂົາຢູ່ກໍບໍ່ມີທາງທີ່ຈະໄດ້ໃຈເຂົາ ໃຫ້ຄິດວ່າໃນເມື່ອເຮົາຄິດດີເຮົາກໍຕ້ອງເຈິຄົນທີ່ດີທີ່ສຸດເຂົ້າມາໃນຊີວິດເຮົາແນ່ນອນ. …