ຂ່າວພາຍໃນ

ລູກນໍ້າ ທິດາລັດ ວົງສິຣິ ດາຣາ-ນັກສະແດງ ຊຸບຕາຊື່ດັງຂອງປະເທດລາວ ສົມດັ່ງສາຍາ ດາຣາຄົນງາມ-ໃຈບຸນແທ້ໆ ເຊິ່ງຕັ້ງແຕ່ເຂົ້າວົງການມາກໍຈະເຫັນໄດ້ວ່າລູກນໍ້າໄດ້ອຸທິດຕົນໃນການຊ່ວຍເຫລືອສັງຄົມລາວສະເໝີມາ ບໍ່ວ່າຈະເປັນຄົນທຸກຍາກ, ຜູ້ດ້ວຍໂອກາດ ຫຼືບໍ່ວ່າຈະເກີດເຫດການຫຍັງຂຶ້ນ ຖ້າພີ່ນ້ອງຄົນລາວເຮົາມີຄວາມເດືອດຮ້ອນ ລູກນໍ້າກໍຈະພາຍາຍາມຊ່ວຍເຫລືອທຸກວິທີທີ່ສາມາດຊ່ວຍໄດ້ ແລະ ຫລ້າສຸດກໍແມ່ນ ເລື່ອງເຄາະຮ້າຍໄຟໄຫມ້ເຮືອນຂອງພໍ່ຕູ້ໂສມ ທີ່ລູກນໍ້າກໍໄດ້ຢື່ນມືເຂົ້າໄປຊ່ວຍອີກເຊັ່ນເຄີຍ. ວັນທີ 15 ຕຸລາ 2020 ລູກນໍ້າ ທິດາລັດ ໄດ້ໂພສ໌ຮູບພໍ່ຕູ້ໂສມຜ່ານ Facebook ສ່ວນຕົວ ກ່ຽວກັບເຫດການໄຟໄໝ້ເຮືອນໝົດກ້ຽງໝົດບໍ່ເຫລືອຫຍັງເລີຍ ເຊິ່ງເຫດໄຟໄໝ້ເກີດໃນ ວັນທີ 6 ຕຸລາ 2020 ທີ່ຜ່ານມາ ທີ່ ບ້ານດອນ ເມືອງນາກາຍ ແຂວງຄໍາມ່ວນ. ປັດຈຸບັນພໍ່ຕູ້ໂສມອາຍຸ 80 ປີ ມີລູກສອງຄົນ ແລະ ຕອນນີ້ເພິ່ນໄດ້ອາໄສຢູ່ນຳເຮືອນພີ່ນ້ອງ. ການໂພສ໌ຂໍຄວາມຊ່ວຍເຫຼືອຂອງລູກນໍ້າແມ່ນແລ້ວແຕ່ຜູ້ມີໃຈສັດທາ ເຊິ່ງຈະຊ່ວຍເປັນວັດຖຸ ຫລືປັດໃຈກໍໄດ້, ຖ້າທ່ານໃດຢູ່ໃກ້ສະດວກກໍສາມາດໄປມອບໃຫ້ພໍ່ຕູ້ໂດຍກົງໄດ້ເລີຍ ແລະ ສໍາຫລັບຜູ້ທີ່ຢູ່ໄກຖ້າຕ້ອງການຢາກຈະຊ່ວຍເຫລືອກໍສາມາດ ໂອນເປັນເງິນເຂົ້າບັນຊີໄດ້ເຊັ່ນກັນ …

ຈາກກໍລະນີຄລິບທີ່ເຈົ້າໜ້າທີ່ຕະຫຼາດອົດຊີນຳຕົວຍິງໄວກາງຄົນພ້ອມຫ້ອຍປ້າຍຄ້ອງຄໍ “ຄົນຂີ້ລັກ” ແຫ່ອ້ອມຕະຫຼາດ ໄດ້ກາຍເປັນຄລິບທີ່ໂດ່ງດັງ ແລະ ສ້າງຄວາມຮືຮາຕໍ່ຜູ້ທີ່ໄດ້ເບິ່ງຄລິບດັ່ງກ່າວໃນເວລານີ້ ສັງຄົມໄດ້ຕັ້ງຄຳຖາມຕໍ່ການກະທຳດັ່ງກ່າວວ່າເປັນການກະທຳທີ່ສົມຄວນແລ້ວບໍ່? ເຊິ່ງຄົນສ່ວນໃຫຍ່ກໍ່ເບິ່ງວ່າການກະທຳຂອງເຈົ້າໜ້າທີ່ຕະຫຼາດມັນເປັນການກະທໍາເກີນກວ່າເຫດ ຜູ້ກະທຳຜິດຄວນສົ່ງຕົວໃຫ້ເຈົ້າໜ້າທີ່ຕໍາຫຼວດຈັດຕາມດໍາເນີນການຕາມກົດໝາຍ ບໍ່ຄວນນຳຕົວຜູ້ກໍ່ເຫດແຫ່ປະຈານຕໍ່ສາທາລະນະ ເພື່ອສ້າງຄວາມອັບອາຍ. ໃນຂະນະທີ່ສັງຄົມກໍາລັງຕັ້ງຄໍາຖາມກັບເຫດການທີ່ເກີດຂຶ້ນນັ້ນ ທາງເພຈ ຂວັນໃຈ ຂອງພວກເຮົາກໍໄດ້ຮັບບົດຄວາມຈາກທາງບ້ານ ຂໍໃຫ້ແອັດມິ້ນເປັນກະບອກສຽງໃນເລື່ອງດັ່ງວ່າ: ເອື້ອຍຕິດຕາມ ອ່ານ ວາລະສານ ທາງອອນລາຍ ເຫັນວ່າ ມີເນື້ອໃນດີ ເປັນກາງ ແລະ ບໍ່ແຕະຕ້ອງໃຜ ມີຊື່ສງງດີ ແລະ ມີຄົນຕິດຕາມຫລາຍ. ເອື້ອຍ ຢາກຂໍຄວາມຊ່ວຍເຫລືອທາງພວກນ້ອງ ຊ່ວຍເປັນກະບອກສງງ ອອກພາດຫົວຂໍ້ ແມ່ຍິງທີ່ລັກເງິນ ແລະ ຖືກປ້າຫ້ອຍຄໍ ປະຈານ ຕໍ່ຫນ້າມະຫາຊົນ ແລະ ທາງສັງຄົມອອນລາຍ. ເຊິ່ງການກິນທໍາດັ່ງກ່າວ ແມ່ນບໍ່ເຫມາະສົມ… ເພາະວ່າມະນຸດເຮົາທຸກຄົນລ້ວນມີໂອກາດເດີນຜິດເສັ້ນທາງ ແຕ່ກໍມີໂອກາດກັບຕົວກັບໃຈ ກັບມາແກ້ໄຂສິ່ງທີ່ຜິດພາດໃນອາດີດໄດ້ ຫາກພວກເຂົາເຫຼົ່ານັ້ນໄດ້ຮັບໂອກາດຈາກສັງຄົມ ແລະ ບໍ່ຖືກກະທຳໃຫ້ເກີດຄວາມອັບອາຍຈາກສັງຄົມ ຈົນສົ່ງຜົນກະທົບສະພາບຈິດໃຈ ລວມເຖິງກະທົບຕໍ່ການດຳລົງຊີວິດ ແລະ …

ຜ່ານມາແອັດມິນເຄີຍນໍາສະເໜີໄປແລ້ວກ່ຽວກັບປະເດັນຄູອາສາຜູ້ເຮັດວຽກດ້ວຍໃຈເພື່ອລໍຖ້າການໄດ້ເຂົ້າລັດຖະກອນ ມີລາຍຮັບເປັນເງິນເດືອນຈາກລັດເພື່ອລ້ຽງຊີບ, ແຕ່ບໍ່ແມ່ນທຸກຄົນທີ່ຈະປະສົບຜົນສໍາເລັດໃນຄວາມຫວັງດັ່ງກ່າວ ດັ່ງຄູໜຸ່ມຄົນນີ້ຜູ້ເຮັດວຽກສິດສອນນັກຮຽນມາແລ້ວເປັນເວລາ 7ປີ ແຕ່ຍັງໄຮ້ວີ່ແວວການໄດ້ເຂົ້າລັດ ເຮັດໃຫ້ຕ້ອງຕັດສິນໃຈລາອອກທັງນໍ້າຕາ. ສົມນິດ ທິບພະວົງ ໜຶ່ງໃນຄູອາສາສະໝັກໄດ້ເຜີຍຂໍ້ຄວາມເປີດໃຈຜ່ານສື່ອອນລາຍ ລະບາຍຄວາມຮູ້ຕະຫຼອດ 7ປີທີ່ເຮັດວຽກດ້ວຍໃຈວ່າ: ຂໍໂທດລ່ວງຫນ້າເດີພີ່ນ້ອງ ຂ້ອຍຊື່ ທ ສົມນິດ ທິບພະວົງ ອາຍຸ31ປີ ເປັນຄູສອນຢູໂຮງຮຽນ ມ.ຕບ້ານວັງບົງ, ກຸ້ມວັງບົງເມືອງວຽງຄຳ, ແຂວງຫລວງພະບາງ ຂ້ອຍຂໍເລົ່າປະຫວັດໃຫ້ພີ່ນ້ອງຮູ້ແດ່ວ່າເລີ່ມແຕ່ສົກຮຽນ2013ເປັນຕົນມາຕົນເອງໄດ້ເຂົ້າເປັນຄູອາສາສະໝັກຈົນຮອດປີ2020 ລວມເວລາໄດ້ 7ປີແລ້ວແຕ່ກໍ່ຍັງບໍທັນໄດ້ໂຕເລກລັດຖະກອນເທືອ. ປີນີ້ຍິ່ງຊໍ້າຮ້າຍບໍ່ມີຮອດລາຍຊື່ທີ່ຈະເຂົ້າສອບເສັງເພາະເພິ່ນເລືອກບໍ່ແມ່ນສາຍຮຽນ, ເພິ່ນເລືອກສາຍຄະນິດສາດແຕ່ເຮົາພັດຮຽນສາຍພາສາລາວ-ວັນນະຄະດີ, ແຕ່ທັງນີ້ທັງນັ້ນ ກໍ່ຄວນຄຳນຶງເຖິງບັນດານະໂຍບາຍນໍາ, ຄູສອນຢູ່ບ້ານນອກໄຟຟ້າກໍ່ບໍ່ມີ, ສັນຍານໂທລະສັບກໍ່ບໍ່ມີ, ເສັ້ນທາງລົດກໍ່ບໍ່ມີ, ອາໄສທຽວທາງນ້ຳກໍ່ທຸລະກັນດານ, ເຖິງຂະໜາດນີ້ ພາກສ່ວນກ່ຽວຂ້ອງກໍ່ຍັງບໍ່ເຫັນຄວາມຈຳເປັນເລີຍ. Cr: Una Studio

ໃນໄລຍະການລະບາດໂຄວິດ-19 ທີ່ຜ່ານມາ ປະເທດເຮົາໄດ້ມີການ Lock down ຊົ່ວຄາວ ເພື່ອຄວບຄຸມການລະບາດພະຍາດດັ່ງກ່າວ ເຮັດໃຫ້ຫຼາຍໆອົງກອນທີ່ມີສ່ວນຮ່ວມກັບສັງຄົມອອກມາປະກາດໃຫ້ຄວາມຊ່ວຍເຫຼືອປະຊາຊົນ ລວມໄປເຖິງບໍລິສັດຍັກໃຫຍ່ຄື ລັດວິສາຫະກິດໄຟຟ້າລາວ ທີ່ອອກມາແຈ້ງການວ່າ ຈະມີການປັບລາຄາຊົມໃຊ້ໄຟຟ້າລົງ ເພື່ອບັນເທົາຄວາມເດືອດຮ້ອນຊ່ວຍປະຊາຊົນລາວ ແຕ່ຜົນມັນບໍ່ໄດ້ອອກມາເປັນຢ່າງທີ່ຄິດ ເພາະປະຊາຊົນອອກມາາປະທ້ວງເປັນຈໍານວນຫຼວງຫຼາຍວ່າ ຄ່າຊົມໃຊ້ໄຟຟ້ານັ້ນແມ່ນສູງຫຼາຍ ສູງກວ່າທຸກເດືອນທີ່ຜ່ານມາອີກ ເຊິ່ງມັນບໍ່ກົງກັບແຈ້ງການຂອງ ໄຟຟ້າລາວ ທີ່ວ່າຈະປັບລາຄາລົງ… ຈົນເຮັດໃຫ້ເກີດມີຄວາມບໍ່ເຂົ້າໃຈກັນໄປໄລຍະໜຶ່ງ ແຕ່ຫຼ້າສຸດທາງລັດວິສາຫະກິດໄຟຟ້າລາວກໍໄດ້ມີການປ່ຽນຜູ້ອໍານວຍການຄົນໃໝ່ ແລະ ໄດ້ອອກນະໂຍບາຍໃໝ່ ໃນຊ່ວງໄລຍະການແຜ່ລະບາດພະຍາດ ໂຄວິດ-19 ເດືອນ (4-5-6) ຂອງປີ 2020 ໂດຍໄດ້ແບ່ງອອກເປັນ 3 ກຸ່ມດັ່ງນີ້: ກຸ່ມທີ່ໃຊ້ໄຟຟ້າແຕ່ 0-150 ກິໂລວັດໂມງຕໍ່ເດືອນ ແມ່ນໃຫ້ຄູນ 355 ກີບ/ກິໂລວັດໂມງ ຖືເປັນລາຄາໄຟຟ້າຂອງເດືອນກຸ່ມຜູ້ຊົມໃຊ້ທີ່ໃຊ້ໄຟຟ້າແຕ່ 151-461 ກິໂລວັດໂມງ ແມ່ນໃຫ້ຄູນ 355 ກີບ/ກິໂລວັດໂມງ ສໍາລັບ 150 ກິໂລວັດໂມງທໍາອິດ ແລະ ສ່ວນທີ່ເຫຼືອໃຫ້ຄູນໃສ່ …

ເປັນປະເດັນໂຕ້ຖຽງກັນມາໄດ້ໄລຍະໜຶ່ງແລ້ວກ່ຽວກັບບໍລິສັດຍັກໃຫຍ່ຂອງປະເທດລາວຄື ລັດວິສາຫະກິດ ໄຟຟ້າລາວ ທີ່ໃນໄລຍະການລະບາດຂອງໂຄວິດ-19 ທາງໄຟຟ້າລາວກໍໄດ້ອອກມາແຈ້ງການຫຼຸດຄ່ານໍາໃຊ້ໄຟຟ້າໃຫ້ປະຊາຊົນເພື່ອເປັນການຊ່ວຍເຫຼືອຄົນລາວໃນຊ່ວງວິກິດ… ແຕ່ຜົນປາກົດວ່າ ປະຊາຊົນສ່ວນຫຼາຍອອກມາຮຽກຮ້ອງ ແລະ ໂຈມຕີຄ່າໄຟຟ້າບໍ່ໄດ້ຫຼຸດລົງແຖມເພີ່ມຂຶ້ນອີກຕ່າງຫາກ!!! ຈົນເຮັດໃຫ້ເປັນກະແສວິພາກວິຈານ ພ້ອມທັງຮຽກຮ້ອງໃຫ້ລັດຖະບານອອກມາແກ້ໄຂໃນຈຸດນີ້… ເມື່ອບໍ່ດົນມາ ທາງພະນະທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ.ລາວ ກໍໄດ້ອອກມາແຈ້ງວ່າຈະຊ່ວຍເລັ່ງແກ້ໄຂກ່ຽວກັບບັນຫາດັ່ງກ່າວໃຫ້ໄວທີ່ສຸດ. ຈົນມາຮອດວັນທີ 8 ມີຖຸນາ ຜ່ານມານີ້ ກະຊວງການເງິນໄດ້ອອກຂໍ້ຕົກລົງ ເລກທີ 1439/ກງ ລົງວັນທີ 8 ມີຖຸນາ 2020 ວ່າດ້ວຍການແຕ່ງຕັ້ງຜູ້ວ່າການອຳນວຍການ ລັດວິສາຫະກິດ ໄຟຟ້າລາວ ໂດຍມີຂໍ້ຕົກລົງດັ່ງນີ້: 1. ແຕ່ງຕັ້ງທ່ານຈັນທະບູນ ສຸກອາລຸນ ຫົວໜ້າກົມແຜນການ ແລະການຮ່ວມມື ກະຊວງພະລັງງານ ແລະບໍ່ແຮ່ ເປັນຜູ້ວ່າການອຳນວຍການ ລັດວິສາຫະກິດ ໄຟຟ້າລາວ. 2. ທ່ານທີ່ຖືກແຕ່ງຕັ້ງຕ້ອງປະຕິບັດພາລະ,​ ບົດບາດ,​ ໜ້າທີ່,​ ຂອບເຂດສິດ ແລະຄວາມຮັບຜິດຊອບຢ່າງຖືກຕ້ອງກັບກົດໝາຍ ແລະລະບຽບການທີ່ກ່ຽວຂ້ອງຂອງ …