ຂ່າວສັງຄົມ

ກະຊວງອຸດສາຫະກໍາ ແລະ ການຄ້າ ປະກາດ ປັບລາຄານໍ້າມັນເຊື້ອໄຟລົງ 400 ກີບທຸກຊະນິດ ເລີ່ມປະຕິບັດແຕ່ວັນທີ 24 ເມສາ 2020 ເຮັດໃຫ້ນໍ້າມັນແອັດຊັງຢູ່ນະຄອນຫຼວງວຽງຈັນລົງມາຢູ່ທີ7.680 ກີບຕໍ່ລິດ ແລະ ກາຊວນລົງມາຢູ່ທີ່7.040ກີບຕໍ່ລິດ ກະຊວງອຸດສາຫະກໍາ ແລະ ການຄ້າ ໄດ້ອອກແຈ້ງການເລກທີ 0423/ອຄ.ກຄພນ ນະຄອນຫຼວງວຽງຈັນ, ລົງວັນທີ 23 ເມສາ 2020 ເຖິງ ສະມາຄົມນໍ້າມັນເຊື້ອໄຟ ແລະ ອາຍແກ້ດ, ບັນດາບໍລິສັດນໍ້າມັນເຊື້ອໄຟ ແລະ ປໍ້າຂາຍຍ່ອຍນໍ້າມັນເຊື້ອໄຟ  ເລື່ອງ ແຈ້ງປັບລົງລາຄາຂາຍຍ່ອຍນໍ້າມັນເຊື້ອໄຟ ໃນຂອບເຂດທົ່ວປະເທດ. ລາຄາໃໝ່ຄັ້ງນີ້ ແມ່ນເລີ່ມປະຕິບັດໃນວັນທີ24 ເມສາ 2020  ເລລາ 06:00 ໂມງ ໃນຂອບເຂດທົ່ວປະເທດ, ການປັບລາຄາຄັ້ງນີ້ ແມ່ນໄດ້ເພີ່ມຄັງແຮ500 ກີບທຸກຊະນິດ ແລະປັບລົງລາຄານໍ້າມັນເຊື້ອໄຟ 400ກີບທຸກຊະນິດ.  ການຄິດໄລ່ເສຍພັນທະ ແລະ …

ຕໍ່ເນື່ອງກັບສະຖານະການໂຄວິດ-19 ທີ່ກຳລັງລະບາດໄປທົ່ວໂລກ ແລະ ນັກວິທະຍາສາດການແພດຫຼາຍປະເທດກໍໄດ້ຄົ້ນຄິດວັກຊີນ ແລະ ຢາຕ່າງໆທີ່ສາມາດຮັກສາພະຍາດລະບາດດັ່ງກ່າວ ຫຼ້າສຸດ! ໜ່ວຍ​ງານ​ກວດ​ສອບ​ຂອງ​ເຢຍລະມັນ ອ​ະນຸ​ມັດ​ການ​ທົດລອງ​ວັກ​ຊີນ​ຕ້ານ​ໄວ​ຣັສ​ໂຄ​ວິດ​-19 ກັບມະນຸດ​ແລ້ວ ເພື່ອ​ໃຫ້​ວັກ​ຊີນ​ພ້ອມ​ໃຊ້​ໂດຍ​ໄວ​ທີ່ສຸດ​ເທົ່າ​ທີ່​ຈະ​ເປັນ​ໄປ​ໄດ້… ສຳ​ນັກ​ຂ່າວ ຊາເເນວນິວເອເຊຍ ລາຍ​ງານ​ວ່າ ສ​ະຖາ​ບັນ Paul-Ehrlich-Institut: PEI ໜ່ວຍ​ງານ​ຄວບ​ຄຸມ​ການ​ໃຊ້​ວັກ​ຊີນ​ຂອງ​ເຢຍ​ລະມັນ​ ໄດ້ອອກຖະແຫຼງ​ກາ​ນ​ໃນ​ວັນ​ພຸດ​ທີ 22 ເມສາ 2020 ອະ​ນຸ​ມັດການ​ທົດລອງ​ວັກ​ຊີນ​ຕ້ານ​ເຊື້ອ​ໄວ​ຣັສ​ໂຄ​ວິດ​-19 ກັບ​ມະນຸດ​ເປັນ​ເທື່ອ​ທໍາອິດ​ຂອງ​ປະເທດ ວັກ​ຊີນ​ດັ່ງ​ກ່າວ​ທີ່ພັດທະນາ​ໂດຍ​ບໍລິສັດ​ໄບ​ໂອ​ເທັກ​ໂນ​ໂລ​ຢີ “BioNTech” ຮ່ວມ​ກັບ​ບໍລິສັດ​ເພ​ສັດ​ກຳ​ຍັກ​ໃຫຍ່(Pfizer) ທີ່ມີ​ຊື່​ວ່າ “BNT1692” ນັບເປັນ​ການ​ທົດລອງ​ວັກ​ຊີນ​ຕ້ານ​ໂຄ​ວິດ​-19 ກັບມະນຸດ​ໂຄງ​ການ​ທີ່ 4 ຂອງ​ໂລກ​ ໂດຍ​ໃນ​ຂັ້ນ​ທໍາອິດ​ຈະ​ທົດລອງ​ໃນ​ຄົນສຸຂະພາບ​ແຂງ​ແຮງ​ອາ​ຍຸ​ລະຫວ່າງ 18-55 ປີ ຈຳນວນ 200 ຄົນ ສ່ວນ​ໃນ​ຂັ້ນ​ທີ່ 2 ຈະ​ທົດລອງ​ກັບ​ຄົນ​ຈຳນວນ​ຫຼາຍ​ຂຶ້ນ ລວມທັງ​ຜູ້​ທີ່​ມີ​ຄວາມ​ສ່ຽງ​ຈາກ​ໄວ​ຣັສ​ໂຄວິດ​ນີ້​ສູງ​ກວ່າ​ຄົນ​ທົ່ວ​ໄປ​ດ້ວຍ ແຕ່​ບໍ່​ລະ​ບຸ​ຊັດເຈນ​ວ່າ​ການ​ທົດລອງ​ຈະ​ເລີ່ມ​ຂຶ້ນ​ມື້​ໃດ PEI ລະ​ບຸ​ໃນ​ຖະແຫຼງການກວ່າ​ວ່າ ການ​ທົດລອງ​ນີ້​ເປັນ​ຂັ້ນ​ຕອນ​ສຳຄັນ​ຫຼາຍ​ໃນ​ການເຮັດໃຫ້​ວັກ​ຊີນ​ພ້ອມ​ໃຊ້​ງານ​ໄດ້​ໂດຍ​ໄວ​ທີ່ສຸດ​ເທົ່າ​ທີ່​ຈະ​ເປັນ​ໄປ​ໄດ້ ໂດຍ​ການອະນຸມັດ​ເກີດ​ຂຶ້ນ​ຫຼັງ​ຈາກ​ການ​ປະ​ເມີນ​ຄວາມ​ສ່ຽງ ແລະ​ ການ​ທົດລອງ​ວັກ​ຊີນ​ຕົ້ນ​ແບບ​ອື່ນ​ໆ ໃນ​ປະເທດຈະ​ເກີດ​ຂຶ້ນ​ພາຍ​ໃນອີກບໍ່ດົນ ແຫລ່ງຂໍ້ມູນ: AllINLAOS.COM

ວັນທີ 22 ເມສາ 2020 ທີ່ສູນປະຕິບັດງານ ຄະນະສະເພາະກິດ ຄວບຄຸມ ໂຄວິດ 19 ກະຊວງສາທາລະນະສຸກ ນະຄອນຫຼວງວຽງຈັນ ໄດ້ມີພິທີຖະແຫຼງຂ່າວລາຍງານສະພາບການລະບາດຂອງພະຍາດໂຄວິດ-19 ໃນ ສປປ ລາວ ໂດຍການຖະແຫຼງຂອງທ່ານ ຮສ.ດຣ ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ, ຜູ້ປະຈຳການຄະນະສະເພາະກິດຄວບຄຸມພະຍາດໂຄວິດ-19 ພ້ອມດ້ວຍຄະນະ ແລະ ມີສື່ມວນຊົນຈາກຫຼາຍພາກສ່ວນເຂົ້າຮ່ວມ ຖືວ່າເປັນຂ່າວດີມື້ທີ 10 ແລ້ວທີ່ບໍ່ພົບຜູ້ຕິດເຊື້ອໂຄວິດ-19 ເພີ່ມ!  ຫຼ້າສຸດ ຈາກການເກັບຕົວຢ່າງມາວິເຄາະທັງໝົດ 83 ຄົນ ເຊິ່ງບໍ່ພົບຜູ້ຕິດເຊື້ອໂຄວິດ-19 ເພີ່ມ ຍັງຄົງຕົວເລກຜູ້ຕິດເຊື້ອ 19 ກໍລະນີ. ທ່ານ ຮສ.ດຣ ພູທອນ ເມືອງປາກ ກ່າວວ່າ: ໃນວັນທີ 21 ເມສາ 2020 ໄດ້ເກັບຕົວຢ່າງມາກວດທັງໝົດ 83 ຄົນ, ໃນນັ້ນມີຜູ້ສໍາຜັດໃກ້ຊິດກັບຜູ້ຕິດເຊື້ອທີ່ຕິດຕາມຄົບກຳນົດມາກວດຄືນ …

ປັດຈຸບັນ ບັນຫາກ່ຽວກັບສິ່ງແວດລ້ອມເປັນພິດໄດ້ເພີ່ມທະວີຄວາມຮຸນແຮງຂຶ້ນຢ່າງໄວວາ ບໍ່ວ່າຈະເປັນບັນຫາກ່ຽວກັບນໍ້າບໍ່ສະອາດ, ອາກາດເປັນພິດ ຫຼືການຕັດໄມ້ທໍາລາຍປ່າທີ່ສົ່ງຜົນໃຫ້ເກີດອຸທົກກະໄພຫຼາຍຢ່າງ ນັກອະນຸລັກທໍາມະຊາດກຸ່ມໜື່ງໄດ້ຈັດໃຫ້ມີການສະແດງພະລັງຄັ້ງໃຫຍ່ ເພື່ອປຸກຈິດສໍານຶກກ່ຽວກັບບັນຫາສິ່ງແວດລ້ອມ ເຊິ່ງນັບມື້ນັບຖືກມະນຸດທໍາລາຍ ໃນການສະແດງພະລັງຄັ້ງນັ້ນມີຜູ້ເຂົ້າຮ່ວມກວ່າ 20 ລ້ານຄົນ ແລະ ປາກົດຂຶ້ນຕາມເມືອງໃຫຍ່ ສະນັ້ນ, ວັນທີ 22 ເມສາ  ຂອງທຸກໆປີ  ຈຶ່ງຖືເປັນວັນ Earth Day ຫຼືວັນຄຸ້ມຄອງໂລກ  ເຊິ່ງເປັນວັນທີ່ສົ່ງເສີມໃຫ້ຄົນທົ່ວໂລກຄໍານຶງເຖິງຄວາມສໍາຄັນໃນການອະນຸລັກສິ່ງແວດລ້ອມ ໂດຍໃນແຕ່ລະປີຈະມີປະຊາຊົນ ແລະ ເກືອບທຸກພາກສ່ວນບໍ່ວ່າຈະເປັນ ພາກລັດ, ເອກະຊົນ ລວມໄປເຖິງອົງກອນ ອອກມາລົນນາລົງ ແລະ ເຮັດກິດຈະກຳຮັກສາໂລກກັນຢ່າງຫຼາກຫຼາຍ… ແຕ່ໃນປີນີ້ຈາກສະຖານະການໂຄວິດ-19 ເຮັດໃຫ້ເຮົາຕ້ອງເກັບຕົວຢູ່ບ້ານເພື່ອຄວາມປອດໄພ  #STAYHOME  ແຕ່ເຮົາກໍສາມາດມີສ່ວນຮ່ວມເລັກໆນ້ອຍໆ ໃນການຮັກສາໂລກ ອາດຈະເລີ່ມຈາກການເກັບມ້ຽນເຄື່ອງ, ອະນາໄມເຮືອນຊານບ້ານຊ່ອງ ຫຼືເຫັນສິ່ງຂອງທີ່ບໍ່ສາມາດໃຊ້ໄດ້ແລ້ວກໍຄວນເກັບ ແລະ ແຍກອອກ ເພື່ອນໍາໄປແຍກຖິ້ມຢ່າງຖືກວິທີ ໂດຍສະເພາະຢ່າງຍິ່ງຖ້າເປັນສິ່ງທີ່ເປັນ ເອເລັກໂທນິກ ຫຼື  E-Waste ເຮົາຄວນລະມັດລະວັງເປັນພິເສດ! ເອົາເປັນວ່າບໍ່ແມ່ນບັນຫາເລີຍໃນການອະນຸລັກສິ່ງແວດລ້ອມໂດຍທີ່ບໍ່ໄດ້ອອກໄປນອກສະຖານທີ່ ພຽງແຕ່ເຮົາຢູ່ເຮືອນ …

ຕໍ່ເນື່ອງກັບສະຖານະການແຜ່ລະບາດຂອງໂຄວິດ-19 ໃນຕອນນີ້ຫຼາຍພາກສ່ວນກໍໄດ້ລະດົມທຶນເພື່ອຊ່ວຍເຫລືອສັງຄົມເົຮາໃນຍາມວິກິດແບບນີ້ ຫຼ້າສຸດ​ສາວ​ງາມ​ຈາກ​ຄ້າຍ Oxymora modeling ຢ່າງ ລັດ​ດາ​ພອນ The winner Miss Crystal Angel International 2019 ແລະ ແຈນ​ນີ່ Miss Grand​ Laos 2019 ຮ່ວມ​ກັບ​ທີມ​ງານ​ຕັ້ງ​ໃຈ​ກຽມ​ອຸ​ປະ​ກອນ​ແຈກ​ໃຫ້​ແພດ​ໝໍ ເພື່ອ​ໃຊ້​ປ້ອງ​ກັນ​ໃນ​ການ​ປະ​ຕິ​ບັດໜ້າ​ທີ່​ຢ່າງ​ຈິງ​ຈັງ  ທີມງານ Oxymora modeling ກຳ​ລັງປະກອບ Faceshield, ເພື່ອຊ່ວຍເຫຼືອແພດໝໍຢູ່ໂຮງໝໍ150ຕຽງ, ພ້ອມເຈວລ້າງມື… ສຳ​ລັບ​ໃຜສົນໃຈຢາກສົບທົບທຶນຫຼື ປັດໄຈຕ່າງໆ ຮ່ວມເຮັດບຸນຄັ້ງນີ້ ເພື່ອຮ່ວມໃຈກັນເພື່ອຕ້ານ ໂຄວິດ 19 ດ້ວຍການມອບອຸປະກອນໃນການປ້ອງກັນເຊື້ອໄວຣັສໃຫ້ແກ່ແພດຫມໍຮ່ວມ​ກັບ Oxymora modeling  ໄດ້ພວກເຮົາຈະຢູ່ຄຽງຂ້າງຊ່ວຍເຫລືອ ແລະ ເປັນກຳລັງໃຈໃຫ້ປະຊາຊົນລາວຜ່ານພົ້ນວິກິດການນີ້ໄປນຳກັນ ອຸ​ປະ​ກອນ​ຕ່າງໆ​ຈະ​ຖຶກນ​ໍາ​ໄປ​ມອບ​ໃຫ້​ໃນ​ວັນ​ທີ 23 ເມ​ສາ 2020 ແຫລ່ງຂໍ້ມູນ: ຊຸບຊິບບັນເທີງ