Just Happened

ໂອ້!!! ຜູ້ໂຊກດີທີ່ໄດ້ຮັບລາງວັນທີ 1 ເປັນເງິນສົດ 250.000.000 ກີບ ຈາກຜົນການອອກຫວຍພັດທະນາ (ກອງທັບ) ເປັນເລກ 5 ໂຕ ໃບລະ 20.000 ກີບ ອອກຄັ້ງວັນທີ 18 ມັງກອນ 2017 ການອອກຫວຍຄັ້ງນີ້ເປັນການລະດົມທືນພັດທະນາ ກິລາກອງທັບ ເນຶ່ອງໃນໂອກາດ ຊົມເຊີຍວັນສ້າງຕັ້ງກອງທັບຄົບຮອບ 68 ປີ (1949-2017) ເຊິ່ງຜູ້ທີ່ໄດ້ຮັບລາງວັນທີ 1 ນັ້ນກໍແມ່ນ ອ້າຍບ່າວທະຫານຄົນນີ້ເອງ (ສ່ວນວ່າເພີ່ນຊື່ຫຍັງ ຢູ່ກົມກອງໃດນັ້ນ Beauty Guru ຈະມາແຈ້ງຕາມຫຼັງ) ໂອ໋ຍ!!! ຈັ່ງແມ່ນເພີ່ນໂຊກດີຂະໜາດເນາະ Beauty Guru ກະຢາກມີຄວາມຮູ້ສຶກແບບນີ້ເບິ່ງເດ້ຈັກເທຶ່ອໜຶ່ງເນາະເກີດມາໃນຊີວິດນີ້!!! ແຕ່ຕອນນີ້ເຮົາມາ່ວມສະແດງຄວາມຍິນດີກັບ ອ້າຍທະຫານເພີ່ນກ່ອນເນາະ ແລະ ກະໄປເບິ່ງວ່າໜ້າຕາເພີ່ນຈະເປັນຈັ່ງໃດ ໄປເບິ່ງພ້ອມໆກັນເລີຍ!!!

ເຈົ້າພໍ່ຄ້າຢາເສບຕິດລາວ ຖືກທາງການໄທຈັບຄາສະໜາມບິນສຸວັນນະພູມ! ທ້າວ ໄຊຊະນະ ແກ້ວພິມພາ  (ລົບ) ອາຍຸ 41 ປີ  ຖືກຕຳຫຼວດຈາກທາງການໄທຈັບກຸມຄາສະໜາມບິນສຸວັນນະພູມ ຫຼັງຈາກທີ່ເດີນທາງໄປທ່ຽວທີ່ເກາະ ພູເກັດ, ເຊິ່ງຜູ້ກ່ຽວເປັນນັກຄ້າຢາລາຍໃຫ່ຍທີ່ສຸດ ແລະ ໃຫ່ຍກວ່າ ເຫຼົາຕ້າ ແສນລີ່ ທີ່ຢູ່ທາງພາກເໜືອຂອງໄທ, ຜູ້ກ່ຽວໄດ້ຖືກທາງການໝາຍຫົວມາແລ້ວເປັນເວລາ 5 ປີ ແຕ່ຕໍາຫຼວດຍັງບໍ່ສາມາດເຂົ້າເຖິງຕົວໄດ້ ແລະ ໃນວັນທີ 19 ມັງກອນ 2017 ທີ່ສະໝາມບິນສຸວັນນະພູມ (ປະເທດໄທ) ໄດ້ມີສາຍສືບລາຍງານວ່າ ທ້າວ ໄຊຊະນະ ຈະເດີນທາງຜ່ານ ດັ່ງນັ້ນເຈົ້າໜ້າທີ່ຈຶ່ງໄດ້ຕຽມການເພື່ອຈັບກຸມໄດ້ຢ່າງສຳເລັດ, ສ່ວນຜູ້ຕ້ອງຫາຈະຖືກຄວບຄຸມຕົວ ແລະ ຍຶດຊັບສິນຕໍ່ໄປ. ທ່ານສາມາດເບິ່ງຄຮິບ

ລາງວັນລົດໃຫຍ່ Ford Fiesta ຜູ້ໂຊກດີແມ່ນ ນາງ ຈັນຄໍາ ພົນທອງສີ ປະຊາຊົນແຂວງຫຼວງນໍ້າທາ ໂດຍການເປັນກຽດມອບ ລາງວັນຄັ້ງນີ້ແມ່ນ ທ່ານ ຊູຈີຢອງ ຜູ້ອໍານວຍຍການຝ່າຍອຸປະກອນໂທລະສັບຂອງຫົວເຫວີຍປະຈໍາລາວ ແລະ ທ່ານ ຈຽງຟູ່ຫຼົງ ຜູ້ອໍານວຍການໃຫຍ່ ບໍລິສັດ MKE. ຜູ້ໂຊກດີທີ່ໄດ້ຮັບລາງວັນໃນຄັ້ງນີ້ກ່າວວ່າ: ເພີ່ນໄດ້ຊື້ ໂທລະສັບຫົວເຫວີຍ ລຸ້ນ GR5 2017 ຢູ່ທີ່ແຂວງຫຼວງນໍ້າທາ ເປັນຂອງຂວັນປີໃໝ່ໃຫ້ກັບລູກສາວ ພໍຂູດຊິງໂຊກພົບລາງວັນຕົວເອງກໍຕົກໃຈ ແລະ ບໍ່ຢາກເຊຶ່ອເລີຍ ຈຶ່ງໄດ້ໂທສອບຖາມກັບພະນັກງານ ແລະ ພະນັກງານກໍມີການຕິດຕໍ່ກັບໃຫ້ມາຮັບເອົາຂອງລາງວັນຢູ່ທີ່ນະຄອນຫຼວງວຽງຈັນ, ໃນໂອກາດນີ້ຂ້າພະເຈົ້າກໍຂໍຂອບໃຈທາງ ບໍລິສັດຫົວເຫວີຍ ທີ່ມີ “ໂປຼໂມຊັນ” ດີໆແບບນີ້ ຂ້າພະເຈົ້າເຊື່ອວ່າທ່ານໃດທີ່ຊື້ຫົວເຫວີຍເວົ້າໄດ້ເລີຍວ່າໄດ້ທັງມືຖື ຫົວເຫວີຍງາມໆໄປໃຊ້ ແລະ ໄດ້ທັງລົດງາມໆໄປຂັບອີກ. ທ່ານ ຊູຈີຢອງ ໄດ້ກ່າວວ່າ: ໃນປີທີ່ຜ່ານມາ, ຫົວເຫວີຍໄດ້ລົງທຶນຢ່າງມະຫາສານ ເຂົ້າໃນການຂະຫຍາຍຕະຫຼາດ, ພັດທະນາບຸກຄະລາກອນ ຈັດກິດຈະກໍາສົ່ງເສີມການຂາຍ …

ດຣ່າມ່າ…ສະໝັກວຽກບໍ່ໄດ້ຍ້ອນເປັນ “ກະເທີຍ” ຊະນີIndy ມາແລ້ວຈະມາອັບເດດກະແສສັງຄົມໂຊ່ຊ່ຽວທີ່ມີການແຊຣກັນຢ່າງສະໜັ່ນຫວັນໄຫວ ກໍຄືເລື່ອງລາວຂອງກະເທີຍນ້ອຍຫອຍສັງຜູ້ໜຶ່ງທີ່ມີຄວາມນ້ອຍອົກນ້ອຍໃຈທີ່ບໍ່ສາມາດຜ່ານການສະໝັກວຽກໃນໄລຍະທີ່ເພິ່ນຮຽນຈົບໄດ້ຍ້ອນຄວາມທີ່ເພິ່ນເປັນເພດທີ່ 3 (ກະເທີຍ) ຈຶ່ງບໍ່ໄດ້ຮັບໂອກາດເທົ່າທຽມຈາກສັງຄົມ, ໂອ້ຍໆໆ ຊະນີIndy ໄດ້ເຫັນນາງໂພສແບບນີ້ແລ້ວຄິດອີ່ດູຕົນສົງສານເລີຍເກັບເອົາມາແຊຣໃຫ້ເພື່ອນໆໄດ້ຮູ້ນຳກັນວ່າມັນຍັງມີຄວາມບໍ່ເທົ່າທຽມທາງເພດຢູ່! ນີ້ເປັນຂໍ້ຄວາມທີ່ນາງໄດ້ໂພສໄວ້: ມື້ນີ້ມີເລື່ອງສິມາເລົ່າສູ່ຟັງໃນຫົວຂໍ້ຄຳວ່າ “ກະເທີຍ“ “ໃນຕອນທີ່ຂ້ອຍຮຽນຈົບປະລີນຍາຕີໃໝ່ໆຂ້ອຍໄດ້ໄປຢືນສະມັກວຽກໃນບໍລິສັດແຫ່ງໜື່ງ ເຊິ່ງມີຍາດພີ່ນ້ອງເປັນຜູ້ແນະນຳແລະພີ່ນ້ອງບອກວ່າໄດ້ເຮັດແນ່ນອນແຕ່ຂ້ອຍລືມຄິດໄປວ່າໂລກນີ້ບໍ່ມີຫຍັງແນ່ນອນແຕ່ພໍໄປຢືນເອກະສານແລ້ວ ມີຜູ້ຊາຍຄົນໝື່ງລາວເປັນພະນັກງານຢູ່ບໍລິສັດນັ້ນ ລາວເຫັນຂ້ອຍເຂົ້າໄປສະມັກວຽກລາວຖາມຂ້ອຍວ່າລາວເຄີຍເຫັນຂ້ອຍຢູ່ໃນ Facebook ແລ້ວຂ້ອຍຕອບວ່າແມ່ນຫວາແລ້ວຫຼັງຈາກນັ້ນລາວໄດ້ເປີດFacebook ຂື້ນມາແລ້ວເປິດprofileຂອງຂ້ອຍໃຫ້ພະນັກງານທຸກຄົນເບິ່ງແລ້ວສາຍຕາທັງຍິງແລະຊາຍກໍຈັບຈ້ອງມາທີ່ຂ້ອຍບາງຄົນກະຫົວບາງຄົນກະເບິ່ງແຕ່ຫົວຈົນຈຳຕີນ ແລ້ວຫຼັງຈາກຢືນເອກະສານແລ້ວຂ້ອຍກໍກັບມາບ້ານ ຜ່ານໄປຫຼາຍເດືອນກໍບໍ່ມີຄຳຕອບຫຍັງກັບມາຂ້ອຍກໍເລີຍບອກພໍ່ຂອງຂ້ອບໂທໄປຖາມພີ່ນ້ອງວ່າເຂົາເຈົ້າກະຍັງສິຮັບຂ້ອຍເຮັດວຽກຢູ່ຫວາແລ້ວພີ່ນ້ອງຂ້ອຍໄດ້ຕອບກັບມາວ່າ ໄດ້ໆ ແລ້ວຜ່ານໄປອີກຫຼາຍ1ເດືອນຍັງບໍ່ມີການຕິດຕໍ່ກັບມາຈາກບໍລິສັດນັ້ນ ພໍ່ຂ້ອຍກໍ່ໄດ້ໂທໄປຖາມພີ່ນ້ອງອີກເທື່ອໝື່ງວ່າເຂົາກະຮັບຢູ່ຫວາ ພີ່ນ້ອງຂ້ອຍໄດ້ຕອບພໍ່ຂ້ອຍວ່າ ເອີ້! ລືມບອກເຂົາເອົາຄົນອື່ນມາແທນລະເດ ເຂົາວ່າລູກເຈົ້າເປັນກະເທີຍເຂົາຢ້ານບໍ່ມີຄວາມສາມາດໃນການເຮັດວຽກຍ້ອນວ່າເປັນກະເທີຍແລ້ວພໍ່ຂ້ອຍວາງໂທລະສັບແລ້ວລາວຕອບວ່າເຂົາບໍ່ເອົາ ແລ້ວລູກຖ້າໄປສະມັກ ບ່ອນໃໝ່ເອົາເນາະ ແລ້ວຂ້ອຍກໍບອກພໍ່ວ່າລູກຂໍໂທດທີ່ເຮັດໃຫ້ພໍ່ກັບແມ່ຜິດຫວັງຫຼັງຈາກນັ້ນຂ້ອຍກໍໄດ້ໄປສະມັກຢູ່ຫຼາຍບ່ອນກະບໍ່ມີຄຳຕອບຫຍັງ ກັບມາຈາກບໍລິສັດໃດໆ ຂ້ອຍກໍຮູ້ສຶກທໍ້ຈົນມາຮອດບໍລິສັດສຸດທ້າຍທີ່ໄດ້ຮັບການແນະນຳຈາກລູກຂອງປ້າກໍເລີຍປະກອບເອກະສານໄປສະມັກແລ້ວຮອດມື້ທີ່ເຂົາເຈົ້ານັດໄປສຳພາດ ແລ້ວຂ້ອຍກໍໄປພໍໄປຮອດກຳລັງຍ່າງຈະເຂົ້າໄປໃກ້ຕຶກບໍລິສັດໄດ້ຍິນພະນັກງານລົມກັນວ່າມື້ນີ້ສິມີຄົນມາສະມັກງານໄດ້ຍິນວ່າເປັນກະເທີຍວ່າຊັ້ນ ແລ້ວເຂົາເຈົ້າກະຫົວສະອິກສະອ້ອຍພໍເຂົ້າໄປໃນຫ້ອງສຳພາດຂ້ອຍລໍຖ້າປະມານ30ນາທີແລ້ວມີພະນັກງານມາບອກວ່າຖ້າແປ໊ບໝື່ງເດີຫົວໜ້າ ຄາປະຊຸມຂ້ອຍກໍຕອບວ່າໂດຍໆ…ແລ້ວຜ່ານໄປອີກ1ຊົ່ວໂມງກໍຍັງບໍ່ໃຜເຂົ້າມາຂ້ອຍກໍເລີຍຢ່າງອອກມາຖາມພະນັກງານວ່າຫົວໜ້າປະຊຸມແລ້ວລະຫວາອ້າຍລາຕອບວ່າຖ້າອີກແປ໊ບ ດຽວເດີນ້ອງອີກ30ນາທີຂ້ອຍກໍຕອບລາວວ່າໂດຍໆ ແລ້ວຂ້ອຍກໍຖາມລາວວ່າອ້າຍຫ້ອງນໍ້າຢູ່ໃສນ້ອງຂໍເຂົ້າຫ້ອງນໍ້າແດ່ ລາວວ່າຍ່າງໄປທາງຊ້າຍມືເດີແລ້ວຂ້ອຍກໍຍ່າງໄປຕາມທີ່ລາວບອກພໍໄປຮອດຫ້ອງນໍ້າຂ້ອຍກໍເຂົ້າໄປ ແລ້ວໄດ້ມີພະນັກງານຜູ້ຊາຍຍ່າງມາເຂົ້ຫ້ອງນໍ້າຄືກັນ ໄດ້ຍິນເຂົາເຈົ້າລົມກັນວ່າມື້ນີ້ໄດ້ຍິນວ່າມີຄົນມາສະມັກງານຫວາ ແລ້ວຜູ້ຊາຍອີກຄົນໜື່ງຕອບວ່າເອີແມ່ນແລ້ວຫລານບັກໂຕ້ຫັ້ນ ເດ້ທີ່ວ່າເປັນກະເທີຍຫັ້ນເດ້ແລ້ວຜູ້ຊາຍອີກຄົນຫນື່ງກະບອກວ່າເອົ້າຫວາລາວເປັນກະເທີຍວະຫັ່ນເອີໆ ຕາຍກູແນວນີ້ກະແນວມີ ເນາະເປັນກະເທີຍເສຍຊາດເກີດລ້າໆ ແລ້ວຜູ້ຊາຍຄົນນັ້ນກໍບອກວ່າ ກະຫັ້ນລ່ະ ທີ່ຈິງຫົວໜ້າບໍ່ໄດ້ປະຊຸມໃດຫັ້ນຫົວໜ້າບໍ່ຢາກມາສຳພາດຫົວໜ້າບໍ່ເອົາໃາເຮັດວຽກນຳດອກພວກບໍ່ສົມປະກອບ ລະກະຫົວເຢາະເຢີ້ຍອອກໄປ …

ສາວລາວມີຄວາມກ້າຫານ ເດີນທາງໄປແຂ່ງຂັນຮ້ອງເພງຢູ່ປະເທດໄທ! ນາງ ທັນຍາພອນ ສຸວັນນະລາດ (ຕ້າ) ສາວລາວຈາກແຂວງສະຫວັນນະເຂດ ຂໍເຮັດຕາມຄວາມຝັນເດີນທາງໄປແຂ່ງຂັນຮ້ອງເພງທີ່ ປະເທດ ໄທ ໃນລາຍການແຂ່ງຂັນຮ້ອງເພງຊື່ດັງ “ສຶກວັນດວນເພງ” ແລະ ໃນເທື່ອນີ້ສາວຕ້າໄດ້ໂຊສຽງຊົງພະລັງໃນເພງທຳນອງໝໍລຳພື້ນບ້ານ ຈົນເຮັດໃຫ້ກຳມະການທັງ 3 ທ່ານຕົກຕະລຶງໃນນ້ຳສຽງທີ່ເປັນເອກະລັກ, ແຕ່ກໍເປັນອັນໜ້າເສຍດາຍທີ່ນາງບໍ່ສາມາດເອົາຊະນະແຊ໋ມເກົ່າໄດ້ ແຕ່ຖືວ່າເຮັດດີທີ່ສຸດແລ້ວເດີ້ ເພາະການທີ່ເຮັດຕາມຄວາມຝັນບໍ່ມີສິ່ງໃດທີ່ຜິດ ຖືວ່າເປັນການໄປເກັບກ່ຽວເອົາປະສົບການເພື່ອມາພັດທະນາເຮົາໃນມື້ໜ້າເດີ້ ເປັນກຳລັງໃຈໃຫ້ ສູ້ໆ! ຢ່າລືມກົດໄລ້-ກົດແຊຣ ໃຫ້ກັບຄົນທີ່ມີຄວາມສາມາດ ແລະ ຕາມຫາຄວາມຝັນຢ່າງນີ້ແດ່ເດີ້! ຂໍຂອບໃຈຮູບພາບຈາກລາຍການ: ສຶກວັນດວນເພງ