News

ສາວໆຮູ້ ຫຼືບໍ່ວ່າການຕື່ນຂຶ້ນມາອອກກຳລັງກາຍນັ້ນມີປະໂຫຍດຢ່າງຫຼວງຫຼາຍ ນອກຈາກຈະຊ່ວຍໃນເລື່ອງສຸຂະພາບທີ່ແຂງແຮງແລ້ວ ຍັງຊ່ວຍໃຫ້ຈະເລີນອາຫານ, ດັ່ງນັ້ນ ຖ້າສາວໆກຳລັງຫາວິທີໃຫ້ຕົນເອງລຸກຂຶ້ນມາອອກກຳລັງກາຍໃນຕອນເຊົ້າ ມື້ນີ້ທາງ Kuanjai ເຮົາໄດ້ຊອກເອົາເຄັດລັບດີໆມາຝາກທຸກຄົນດັ່ງຕໍ່ໄປນີ້: ຈັດກຽມເສື້ອຜ້າອອກກຳລັງກາຍໄວ້: ເພື່ອຕື່ນມາຈະບໍ່ໄດ້ເສີຍເວລາຢ່ານອນເດິກ: ເພາະຈະເຮັດໃຫ້ຮູ້ສຶກບໍ່ມີແຮງ ທາງທີ່ດີຄວນປັບປ່ຽນພຶດຕິກໍາການນອນ ພະຍາຍາມນອນໃຫ້ຄົບ 8 ຊົ່ວໂມງຕັ້ງເປົ້າໝາຍ: ເພື່ອເປັນການສ້າງແຮງຈູງໃຈໃຫ້ກັບໂຕເອງໃນການລຸກມາອອກກຳລັງກາຍແຕ່ເຊົ້າ ແນະນຳໃຫ້ຂຽນເປົ້າໝາຍໄວ້ເຊັ່ນ: ເພື່ອສຸຂະພາບທີ່ແຂງແຮງປາສະຈາກພະຍາດມາບຽດບຽນ ຫຼືຫຼຸດນໍ້າໜັກ ຫຼືເພື່ອຄວາມຝັນທີ່ຢາກມີຮູບຮ່າງທີ່ງາມ ແລະ ໃສ່ເສື້ອຜ້າຢ່າງດູດີ ເຮົາຕ້ອງຕັ້ງເປົ້າໄວ້ເລີຍແລ້ວເຮັດໃຫ້ໄດ້ໂມງປຸກ: ແນະນຳໃຫ້ວາງໄວ້ໄກໆຈາກໂຕແດ່ ເພາະຈະບໍ່ສາມາດເອົາມືໄປປິດໂມງປຸກໄດ້ ແຕ່ກໍຕ້ອງໃຫ້ຢູ່ໃນໄລຍະທີ່ໄດ້ຍິນດີລ້າງໜ້າ: ຕອນເຊົ້າດ້ວຍນ້ຳເຢັນເພື່ອຄວາມສົດຊື່ນກາແຟ: ແນະນໍາໃຫ້ດື່ມກ່ອນອອກກໍາລັງເຄິ່ງຊົ່ວໂມງ ເພາະຈະຊ່ວຍເພີ່ມພະລັງໃຫ້ອອກກຳລັງກາຍໄດ້ດີຂຶ້ນ ແລະ ກາເຟຍັງຊ່ວຍກະຕຸ້ນລະບົບເຜົາຜານໄດ້ດີອີກດ້ວຍເພງ: ການສ້າງບັນຍາກາດໃຫ້ກັບເຮົາເອງ ເປັນໂຕກະຕຸ້ນທີ່ເຮັດໃຫ້ອອກກຳລັງກາຍໄດ້ ດົນຂຶ້ນ ແລະ ບໍ່ຮູ້ສຶກເບື່ອໜ່າຍຄ່ອຍໆອອກກຳລັງກາຍແບບຄ່ອຍເປັນຄ່ອຍໄປ: ສໍາລັບຄົນໃດທີ່ບໍ່ເຄີຍຕື່ນມາອອກກໍາລັງກາຍໃນຍາມເຊົ້າ ແນະນຳໃຫ້ອອກກຳລັງກາຍແບບເບົາໆເທື່ອລະໜ້ອຍໄປກ່ອນ ຈາກນັ້ນ ເມື່ອຮ່າງກາຍເຮົາລື້ງເຄີຍແລ້ວຈຶ່ງເພີ່ມຂຶ້ນເລື້ອຍໆກໍໄດ້ເດີ້ ປັບໂປແກຼມການອອກກຳລັງກາຍທຸກ 2-3 ອາທິດ: ຖ້າແລ່ນແລ້ວຮູ້ສຶກເບື່ອ ທາງທີ່ດີຄວນປ່ຽນການອອກກຳລັງກາຍເຊັ່ນ: ຂີ່ລົດຖີບ, ລອຍນ້ຳ, ເຕັ້ນເຊືອກ ແລະ …

ປັດຈຸບັນວົງການ Series (ຊີຣີ) ບ້ານເຮົາ  ກຳລັງເປັນທີ່ນິຍົມໃນສັງຄົມລາວ ເຫັນໄດ້ຈາກຫຼາຍໆເລື່ອງທີ່ຜ່ານມາ ແລະ ບອກໄດ້ເລີຍວ່າຕອນນີ້ອີກໜຶ່ງເລື່ອງທີ່ກຳລັງມາແຮງນັ້ນກໍຄື “HOUSE The Series” ພຽງແຕ່ປ່ອຍອອກອາກາດໄປພຽງ 3 EP ກໍໄດ້ຮັບກະແສຕອບຮັບເປັນຢ່າງດີຈາກແຟນໆ, ເຊິ່ງ series ເລື່ອງນີ້ແມ່ນໄດ້ຜູ້ກໍາກັບໄຟແຮງນັ້ນກໍຄື ດິ້ງ-ອາທິດໄຊ ບວນດາວເຮືອງ ເຊິ່ງມີປະສົບການໃນການສ້າງ series  ມາແລ້ວນັ້ນກໍຄື ເລື່ອງ “ຮັກນີ້ສີບົວ ແລະ ຮັກນີ້ສີບົວ 2”. “HOUSE The Series” ເປັນເລື່ອງລາວທີ່ມີເນື້ອຫາກ່ຽວກັບກຸ່ມໄວໝຸ່ມ 6 ຄົນ ເຊິ່ງນໍາສະແດງໂດຍມີ ທັອບ ຮັບບົດໂດຍ ອິນດູ່ ສີຫາປັນຍາ, ນ້ຳຝົນ ທີ່ຮັບບົດໂດຍ ພິລັນຍາ ທິບພົມວົງ ຫຼື ໝີພູ, ນັດດາ ທີ່ຮັບບົດໂດຍ ແກ້ວຕາ ພອນປະເສີດ, ກັອບ …

ບົດຄວາມດີໆຈາກໃຈພໍ່ຄົນໜຶ່ງ ເຕືອນສະຕິລູກສາວວ່າ… ຄົນບາງຄົນເໝາະສົມກັບລູກ ແຕ່…ເຂົາບໍ່ຮັກລູກ ຄົນບາງຄົນຮັກລູກ ແຕ່…ເຂົາບໍ່ເໝາະສົມກັບລູກ ຖ້າຢາກຮູ້ວ່າເຂົາຮັກຈິງ ຫຼືບໍ່ ຢ່າໃຊ້ຫູຟັງ ແຕ່ຈົ່ງໃຊ້ຕາເບິ່ງ ວ່າເຂົາຈະທຸ້ມເທຕໍ່ລູກພຽງໃດ. ຖ້າຢາກຮູ້ວ່າເຂົາເໝາະສົມກັບລູກ ຫຼືບໍ່ ຢ່າຕັດສິນເຂົາວ່າ ມີອັນໃດແດ່? ແຕ່ຈົ່ງຕັດສິນຈາກຮອຍຍີ້ມຂອງລູກ ແລະ ນໍ້າຕາທີ່ຕ້ອງຫຼັ່ງໄຫຼເພາະເຂົາ…ຄົນທີ່ເຮັດໃຫ້ລູກຮ້ອງໄຫ້ຢູ່ສະເໝີນັ້ນ ຕໍ່ໃຫ້ພຽບພ້ອມປານໃດກໍຢ່າເລືອກຝາກຊີວິດໄວ້…ຄົນທີ່ເຮັດໃຫ້ລູກຍິ້ມໄດ້ ຕໍ່ໃຫ້ຖານະຍາກຈົນພຽງໃດກໍຄຸ້ມຄ່າທີ່ຈະຝາກຊີວິດໄວ້.”ຈົ່ງເລືອກເໝື່ອຍເພາະຫົວ ຢ່າເລືອກສະບາຍຕົວ ແຕ່ຮ້ອງໄຫ້ທຸກມື້” ເລືອກຄົນທີ່ເກັບຮູບເຮົາໄວ້ໃນກະເປົາເງິນຂອງເຂົາ ເລືອກຄົນທີ່ກ້າໂພສຮູບເຮົາ ໄວ້ໜ້າໄທມ໌ໄລນ໌ຂອງເຂົາ ເລືອກຄົນທີ່ກ້າໃຫ້ເຮົາຮູ້ການເຄື່ອນໄຫວຂອງເຂົາ ເລືອກຄົນທີ່ກ້າທຸ່ມເທ ຄວາມຮັກໃຫ້ກັບເຮົາ… ຖ້າການຄົບຫາກັນແລ້ວ ເຂົາຄົນນັ້ນບໍ່ໄດ້ຊ່ວຍໃຫ້ເຮົາດູດີຂຶ້ນໃນສາຍຕາຂອງຄົນອື່ນ ພໍ່ຕ້ອງສະແດງຄວາມເສຍໃຈນຳ “ເຈົ້າເລືອກຄົນຜິດແລ້ວ” ເພາະຖ້າຫາກເຂົາຮັກເຮົາແທ້ ເຂົາຈະບໍ່ຍອມໃຫ້ຄົນຮັກຂອງເຂົາຕົກຕໍ່າໃນສາຍຕາຂອງຜູ້ອື່ນ ຜູ້ຊາຍບາງຄົນທີ່ເຈົ້າຮັກ ເຂົາຕ້ອງການໃຊ້ຊີວິດກັບເຈົ້າຕະຫຼອດຊີວິດ ຜູ້ຊາຍບາງຄົນທີ່ເຈົ້າຮັກ ເຂົາຕ້ອງການໃຊ້ຊີວິດຊົ່ວຄາວ ຄົນທີ່ຕ້ອງການໃຊ້ຊິວິດກັບເຈົ້າທັງຊີວິດນັ້ນ ເຂົາອາດຈະບໍ່ໄດ້ຊື້ເຄື່ອງຂອງ ຫຼືບອກຮັກເຮົາທຸກມື້ ເພາະເຂົາຈະພະຍາຍາມສ້າງຕົວເພື່ອເຈົ້າ ແລະ ຄອບຄົວ ສ່ວນຄົນທີ່ຕ້ອງການໃຊ້ຊີວິດກັບເຈົ້າພຽງຊົ່ວຄາວນັ້ນ ເຂົາຈະຖວາຍທຸກຢ່າງໃຫ້ກັບເຈົ້າ ສະເໝືອນວ່າ “ຫາກຂາດເຈົ້າ ເຂົາຂາດໃຈ” ດັ່ງນັ້ນ …

ມື້ນັ້ນຂອງເດືອນ ແມ່ນເວລາທີ່ຮ່າງກາຍບອບບາງ ເຊິ່ງແຕ່ລະຄົນກໍຈະມີອາການທີ່ແຕກຕ່າງກັນໄປ ເຊັ່ນວ່າ ເຈັບທ້ອງ, ເປັນສິວ, ກິນຫຼາຍຂຶ້້ນ ແລະ ອາລົມແປປວນງ່າຍ. ສ່ວນວ່າອາການຕ່າງໆມັກຈະເກີດຂຶ້ນໃນເວລາທີ່ມີຮອບປະຈໍາເດືອນກໍອາດຈະມີ: ອ່ອນເພຍ, ປວດເມື່ອຍກ້າມເນື້ອ ແລະ ເຈັບທ້ອງ ເຊິ່ງຖ້າເຮົາເຈັບທ້ອງຮຸນແຮງຂຶ້ນ ອາລົມກໍຈະແປປວນ ແລະ ງຸດງິດໄດ້ງ່າຍ ແຕ່ມັນກໍຂຶ້ນກັບສະພາບຮ່າງກາຍຂອງແຕ່ລະຄົນ ບາງຄົນມີອາການຫຼາຍ ຫຼືບາງຄົນກໍບໍ່ມີອາການຫຍັງເລີຍ ພ້ອມກັບຄວາມເຊື່ອທີ່ວ່າ ຫ້າມດື່ມນໍ້າເຢັນໃນລະຫວ່າງທີ່ເປັນປະຈຳເດືອນ ເພາະຈະເຮັດໃຫ້ເຮົາເຈັບທ້ອງ! ເລື່ອງນີ້ເປັນຄວາມຈິງ ຫຼືບໍ່? ມື້ນີ້ Kuanjai ຈະມາໄຂຂໍ້ຂ້ອງໃຈຂອງບັນດາສາວໆທັງຫຼາຍ ໄປເບິ່ງນໍາກັນເລີຍ….. ຄວາມເຊື່ອເລື່ອງຫ້າມດື່ມນໍ້າເຢັນຕອນມີປະຈຳເດືອນ ແມ່ນແທ້ ຫຼືບໍ? ການດື່ມນໍ້າເຢັນແມ່ນຈະເຮັດໃຫ້ອຸນຫະພູມໃນຮ່າງກາຍຂອງສາວໆນັ້ນຫຼຸດລົງຕໍ່າກວ່າປົກກະຕິ ເຊິ່ງຄວາມເຢັນຈະເຮັດໃຫ້ເລືອດມີການປີບຕົວ ອັນເປັນເຫດເຮັດໃຫ້ປະຈໍາເດືອນຂອງເຮົານັ້ນອອກມານ້ອຍລົງ ທາງທີ່ດີເຮົາຄວນຮັກສາສະພາບອຸນຫະພູມໃນຮ່າງກາຍໃຫ້ຄົງທີ່ໄວ້ກໍຈະເປັນການດີ ເພາະຈະເຮັດໃຫ້ຮ່າງກາຍເຮົາຂັບໄລ່ເລືອດອອກມາໄດ້ດີເປັນປົກກະຕິນັ້ນເອງ ສ່ວນອາການເຈັບທ້ອງນັ້ນແມ່ນຂຶ້ນຢູ່ກັບສຸຂະພາບຮ່າງກາຍຂອງແຕ່ລະຄົນ ຖ້າສຸຂະພາບດີອາການເຈັບທ້ອງກໍຈະບໍ່ມີ ຫຼືຖ້າມີກໍອາດຈະມີນ້ອຍ ແຕ່ຖ້າສຸຂະພາບອ່ອນເພຍຢູ່ແລ້ວອາການເຈັບທ້ອງກໍອາດຈະເພີ່ມຂຶ້ນໄດ້ເຊັ່ນກັນ. ສະຫລຸບສັ້ນໆວ່າ ຖ້າຢາກດື່ມນໍ້າເຢັນກໍສາມາດດື່ມໄດ້ ແຕ່ຄວນດື່ມໃນປະລິມານທີ່ນ້ອຍຈະເປັນການດີ ແຕ່ທາງທີ່ດີທີ່ສຸດແມ່ນຄວນດື່ມນໍ້າອຸ່ນ ຫຼືນໍ້າດື່ມໃນອຸນຫະພູມປົກກະຕິຈະດີກວ່າ ເພື່ອເປັນການຮັກສາອຸນຫະພູມໃນຮ່າງກາຍໃຫ້ຄົງທີ່ ແລະ ເປັນປົກກະຕິນັ້ນເອງ. …

ຊີວິດຈິງຂອງຄົນເຮົານັ້ນບໍ່ໄດ້ສວຍງາມລາບລື່ນສະເໝີໄປ ຄົນທີ່ປະສົບຜົນສໍາເລັດ, ມີຊີວິດທີ່ດີ ແລະ ມີຊື່ສຽງ ແຟນໆຮູ້ບໍ່ວ່າເບື້ອງຫຼັງນັ້ນເຂົາເຈົ້າຕ້ອງພົບເຈີກັບອຸປະສັກຫຍັງມາແດ່? ມື້ນີ້ Kuanjai ຈະພາມາຮູ້ຈັກກັບ ຄູມິ້ນ ຜູ້ທີ່ສ້າງແຮງບັນດານໃຈໃຫ້ບັນດາສາວໆທີ່ຢາກເປັນນາງງາມ. ກວ່າຈະມາເປັນນາງງາມທີ່ມີຊື່ສຽງດັ່ງທຸກມື້ນີ້ ຄູມີ້ນຜ່ານອຸປະສັກຫຍັງແດ່…. ໄປເບິ່ງກັນເລີຍ….. ຄູມິ້ນ ຫຼືທີ່ຮູ້ຈັກກັນດີໃນນາມ ຄູມິ້ນ ຄຸດທະວອນ ອັກຄະຣາຊ Mrs Laos World 2020 ໄດ້ໃຫ້ສໍາພາດກັບ Centerstage Laos ວ່າ: ຕົນເອງເປັນຄົນທີ່ມີຄວາມມັກຮັກໃນການປະກວດ ແລະ ມີຄວາມໄຝ່ຝັນມາແຕ່ນ້ອຍ ມື້ໜຶ່ງຕ້ອງໄດ້ຂຶ້ນເວທີປະກວດໃຫ້ໄດ້ ເມື່ອມີໂອກາດຕົນເອງຈຶ່ງຕັດສິນໃຈເຂົ້າປະກວດດ້ວຍຄວາມຫວັງວ່າຈະໄດ້ຕໍ່ແໜ່ງ….ແຕ່ແລ້ວໃນເວທີທໍາອິດຜົນທີ່ອອກມາແມ່ນຕົກຮອບ! ແລະຫຼັງຈາກທີ່ຕົກຮອບ ກໍມີຄົນເວົ້າໃຫ້ຊໍ້າເຕີມຕ່າງໆນາໆ ແລະ ແນ່ນອນມັນເຮັດໃຫ້ເຮົາເກີດຄວາມທໍ້, ບໍ່ມີຄວາມໝັ້ນໃຈ, ຜິດຫວັງ ແລະ ບໍ່ມີແຮງທີ່ຈະໄປຕໍ່. ເຊິ່ງຕອນນັ້ນຕົນເອງກໍເກີດອຸບັດຕິເຫດແດ່ ບາດແຜກໍຍັງຊໍ້າ ແລະ ເລືອດກໍຍັງອອກຢູ່ ແຕ່ພໍໄດ້ຍິນໝູ່ບອກວ່າມີການປະກວດ ແລະ ດ້ວຍຄວາມທີ່ວ່າເຮົາມີແຮງຜັກດັນ, ມີບາດແຜຢູ່ໃນໃຈກໍເລີຍຄືດວ່າແນວໃດກໍຕ້ອງໄປໃຫ້ໄດ້ບໍ່ວ່າຈະດ້ວຍເຫດຜົນໃດ ເພາະມັນເປັນສິ່ງດຽວທີ່ຈະກອບກູ້ໜ້າຕາ ແລະ …