News

​ເນື່ອງ​ໃນ​ໂອກາດ​ສະ​ເຫລີ​ມສະຫລອງ​ວັນ​ຄູ​ແຫ່ງ​ຊາດ ຂວັນໃຈເຮົາກໍ່ບໍ່ພາດທີ່ຈະໄປຊອກຫາຂໍ້ມູນ ປະຫວັດຄວາມເປັນມາຂອງ ວັນທີ 7 ຕຸລາ (ວັນຄູແຫ່ງຊາດ) ມາຝາກໝູ່ເພື່ອນ ແລະ ນ້ອງໆທຸກໆຄົນ ເຊິ່ງຮູ້ຫຼືບໍ່ວ່າກ່ອນຈະມາເປັນ ວັນຄູແຫ່ງຊາດ ແມ່ນມີປະຫວັດຄວາມເປັນມາ ແລະ ທີ່ມາທີ່ໄປ…ມາມາ ລອງມາຮູ້ຈັກ ແລະ ທຳຄວາມເຂົ້າໃຈກັບວັນສຳຄັນດັ່ງກ່າວ… * ນັບແຕ່ສະຕະວັດທີ 19 ເປັນຕົ້ນມາ ພວກລ່າເມືອງຂຶ້ນຝຣັ່ງ ໄດ້ເລີ່ມແຊກແຊງ ເຂົ້າລາວດ້ວຍ ຫລາຍຮູບການ ເພື່ອເອົາປະເທດລາວ ເປັນຫົວເມືອງຂຶ້ນ ຂອງພວກເຂົາ ໂດຍໄດ້ນຳໃຊ້ ລູກແຫລ້ງຕີນມື ສະເພາະແມ່ນພວກສັກດີນາລາວ  ເພື່ອເປັນບ່ອນອີງ ໃນການເອົາລາວ ເປັນຫົວເມືອງຂຶ້ນ. ນັບແຕ່ສັນຍາ ບາງກອກ ໃນວັນທີ 4 ຕຸລາປີ 1893  ເຊິ່ງໄດ້ລົງນາມ ໃນການແບ່ງດິນແດນລາວລ້ານຊ້າງ ອອກເປັນສອງສ່ວນນັ້ນ ກໍຄືຝັ່ງຊ້າຍ ຂອງແມ່ນ້ຳຂອງ ແມ່ນປະເທດລາວ ໃນປັດຈຸບັນນີ້, ສຳລັບຝັ່ງ ຂວາແມ່ນຂຶ້ນກັບລາຊະອານາຈັກໄທ …

7 ສິ່ງທີ່ບົ່ງບອກວ່າເຈົ້າຄວນໂສດຕໍ່ໄປກ່ອນ!!! ສາວໆທີ່ຍັງບໍ່ເຄີຍມີແຟນອາດຈະຄິດວ່າ ຖ້າມີແຟນຈະຕ້ອງມີຄວາມສຸກທີ່ສຸດແນ່ນອນ ຈົນຫຼາຍຄົນພະຍາຍາມທຸກວິທີທາງເພື່ອຈະໄດ້ມີແຟນ ແຕ່ສາວໆ ມາເບິ່ງກັນດີໆກ່ອນບໍ່ວ່າ ເຈົ້າຄວນຈະມີແຟນຕອນນີ້ແທ້ ຫຼືບໍ່? ເພາະບາງເທື່ອຄວາມຮັກມັນບໍ່ໄດ້ມີແຕ່ເລື່ອງດີໆສະເໝີໄປ ເຮົາຄວນຈະໃຊ້ເວລາກ່ອນຕັດສິນໃຈດີບໍ່? ມາກວດນໍາກັນເບິ່ງ! ຖ້າໃຜທີ່ເປັນດັ່ງ 7 ສິ່ງຕໍ່ໄປນີ້! ຄວນຢຸດຄິດທີ່ຈະມີແຟນໄປກ່ອນ ຖ້າບໍ່ຢາກເສຍໃຈກັບຄວາມຮັກຄັ້ງທໍາອິດ. ຄິດວ່າເຮົາມີແຟນຈະມີຄວາມສຸກທີ່ສຸດ: ນັ້ນສະແດງເຖິງການຄາດຫວັງຫຼາຍເກີນໄປ ເມື່ອເຈົ້າບໍ່ໄດ້ດັ່ງທີ່ຄາດຫວັງຈະເຮັດໃຫ້ເຈົ້າເສຍໃຈທີ່ສຸດ. ຄາດຫວັງກັບຜູ້ຊາຍທີ່ຫາກໍລົມກັນ: ຖ້າເຈົ້າຮູ້ສຶກແບບຂໍ້ນີ້ ຈະເຮັດໃຫ້ເຈົ້າເສຍໃຈງ່າຍທີ່ສຸດ ເພາະຜູ້ຊາຍທີ່ຫາກໍລົມຄືຜູ້ຊາຍທີ່ເຮົາຍັງບໍ່ຮູ້ຈັກເຂົາດີພໍ ເຮົາບໍ່ໄດ້ເປັນຕົວຂອງຕົນເອງ: ໃນຂະນະທີ່ລົມກັບຜູ້ຊາຍຄົນໜຶ່ງ ເຮົາພະຍາຍາມປ່ຽນແປງຕົວເອງໃຫ້ເຂົ້າກັບສະເປັກຂອງເຂົາ ນີ້ກໍສະແດງວ່າເຈົ້າຍັງບໍ່ຄວນມີແຟນ ຄວາມເຫງົາຂອງເຮົາເລີ່ມດຶງດູດຜູ້ຊາຍເຂົ້າມາ: ເຫງົາຈົນໜ້າມືດຕາມົວ ລົມກັບຜູ້ຊາຍແບບບໍ່ເລືອກ ມັນຈະເຮັດໃຫ້ເຈົ້າເສຍໃຈຖ້າເລືອກຄົນຜິດ ເຈົ້າຫາກໍອົກຮັກຄັ້ງໃຫຍ່ມາ: ຂໍ້ນີ້ສໍາຄັນ ເພາະຖ້າເຈົ້າມີແຟນໃໝ່ໃນຕອນນີ້ ຄົນນັ້ນໃໝ່ຈະກາຍເປັນພຽງຕົວແທນຂອງແຟນເກົ່າເຈົ້າເທົ່ານັ້ນ ແລະ ສຸດທ້າຍເຈົ້າກໍໄປກັນບໍ່ລອດ ເພາະເຈົ້າເອງທີ່ຍັງລືມຄົນເກົ່າບໍ່ໄດ້ ຄິດວ່າການທີ່ຕົວເອງບໍ່ມີແຟນຄືປົມອັນໜຶ່ງ: ເຈົ້າຈະກາຍເປັນຄົນທີ່ເຫັນຈຸດດ້ອຍຂອງຕົນເອງຫຼາຍເກີນໄປ ເຮັດໃຫ້ບໍ່ມີຄວາມສຸກ ເຖິງຈະມີແຟນກໍຕາມ ຫຶງຫວງຄົນທີ່ຫາກໍລົມກັນ: ເຊົາຄິດໄດ້ເລີຍວ່າຈະມີແຟນ ຂະໜາດຄົນທີ່ຫາກໍລົມເຈົ້າຍັງຫຶງຫວງຂະໜາດນີ້ ແລ້ວໃຜຈະທົນຄົບກັບເຈົ້າໄດ້. ທີ່ມາ: ວາລະສານ ຂວັນໃຈ

ວ້າວວວ!!! ຕ້ອງຕົບມືຊົມເຊີຍນັກສຶກສາລາວ ຈໍານວນ 93 ຄົນ ທີ່ໄດ້ຮັບທຶນຈາກລັດຖະບານ ລັດເຊຍ ເພື່ອໄປສຶກສາຕໍ່ໃນຫລາຍຂະແໜງວິຊາເຊັ່ນ: ເຕັກໂນໂລຊີ-ຂ່າວ ສານ, ຄົມມະນາຄົມ ແລະ ຂົນສົ່ງ, ພະນັກງານໄຟຟ້ານໍ້າຕົກ, ການແພດ, ກະສີກໍາ-ປ່າ ໄມ້, ການພົວພັນສາກົນ, ເສດຖະກິດໂລກ, ຄຸ້ມຄອງລັດ, ທະນາຄານການເງິນ, ບໍລິຫານ -ການທ່ອງທ່ຽວ, ບໍລິຫານການສຶກ ສາ ແລະ ອື່ນໆ. ພິເສດຍັງມີຂະແໜງການລົດໄຟ ຕື່ມອີກ. ພິທີດັ່ງກ່າວຈັດຂຶ້ນໃນວັນທີ 4 ຕຸລາ 2018ນີ້ທີ່ສະ ຖານທູດລັດເຊຍ ປະຈໍາ ສປປ ລາວ. ໂດຍມີ ທ່ານ ນາງ ແສງເດືອນ ຫລ້າຈັນທະບູນ ລັດຖະມົນຕີກະຊວງສຶກສາທິ ການ ແລະ ກິລາ, ມີທ່ານເອກອັກຄະລັດຖະທູດລັດເຊຍ, ພ້ອມດ້ວຍຜູ້ປົກຄອງ-ນັກສຶກສາ ເຂົ້າຮ່ວມ. ທີ່ມາ: ປະເທດລາວ …

ຜ່ານໄປແປ໋ບດຽວກໍຈະໝົດປີອີກແລ້ວສາວໆ! ເວລາຜ່ານໄປໄວໆເນາະ ແລະ ຊ່ວງເວລາທ້າຍປີແບບນີ້ ຫຼາຍຄົນກໍມີແຜນໄປທ່ອງທ່ຽວອີກແລ້ວແມ່ນບໍ່? ອາດຈະທ່ອງທ່ຽວຢູ່ໃນ ຫຼື ຕ່າງປະເທດ! ສ່ວນໃຜທີ່ຢາກຈະໄປທ່ອງທ່ຽວຕ່າງປະເທດ ຂວັນໃຈ ກໍຢາກຈະມີສ່ວນຮ່ວມດ້ວຍການແນະນໍາ 5 ປະເທດ ທີ່ເໝາະສົມກັບໄລຍະທ້າຍປີ-ຕົ້ນປີ ມາໃຫ້ເບິ່ງກັນນໍາ… 1. Kyoto ປະເທດຍີ່ປຸ່ນ (ເດືອນ ຕຸລາ-ທັນວາ) “ກຽວໂຕ” ເປັນເມືອງທີ່ມີສະຖານທີ່ເກົ່າແກ່ທີ່ງົດງາມຢູ່ຫຼາຍແຫ່ງ, ຈຶ່ງເຮັດໃຫ້ກຽວໂຕມີສະຖາປັດຕະຍະກໍາທີ່ງົດງາມ ແລະ ມີຄວາມເປັນຍີ່ປຸ່ນຫຼາຍທີ່ສຸດ ແລະ ຖ້າຍິ່ງເປັນລະດູໃບໄມ້ປ່ຽນສີ ຫຼືໃບໄມ້ແດງແລ້ວ ກໍຈະມີຄວາມງົດງາມເປັນພິເສດ, ມີສະຖານທີ່ທ່ອງທ່ຽວທີ່ສາມາດເບິ່ງໃບໄມ້ປ່ຽນສີໄດ້ຫຼາກຫຼາຍສະຖານທີ່, ທົ່ວເມືອງຈະຖືກຍ້ອມດ້ວຍໃບໄມ້ສີແດງ, ສົ້ມ, ເຫຼືອງ… ເຊິ່ງສະຖານທີ່ທ່ອງທ່ຽວຫຼັກກໍຈະແມ່ນ ອາຣາຊິຍາມ່າ, ວັດຄິໂຍມິສຶ, ພູເຂົາທາຄາໂອະ ແລະອື່ນໆ. 2. Hokkaido ປະເທດຍີ່ປຸ່ນ (ເດືອນ ທັນວາ-ກຸມພາ) ຫຼາຍໆຄົນຄົງຮູ້ຈັກ “ຮ໋ອກໄກໂດ” ເປັນຢ່າງດີ ເນື່ອງຈາກວ່າເປັນສະຖານທີ່ຖ່າຍທໍາຫຼັກ ຂອງຮູບເງົາເລື່ອງ “ແຟນເດ” ຮ໋ອກໄກໂດ …

5 ເຫດຜົນເປັນຫຍັງ ນິດສັນເອັກສເທວ 2018 ຈິ່ງດີທີ່ສຸດສໍາລັບຄອບຄົວ ແລະ ການປະຈົນໄພ ຮູບລັກພາຍນອກໃໝ່ທັນສະໄໝ ນິດສັນເອັກສເທວ 2018 ນໍາເຂົ້າຈາກຍີ່ປຸ່ນ ແມ່ນມີຮູບຮ່າງທີ່ງາມ ແລະ ເບິ່ງທັນສະໄໝກວ່າ ດ້ວຍໄຟLEDເດທາມ ຣັນນີ້ງໄຣ ຮູບຊົງບູມເບີແລງ ທີ່ຈະເຮັດໃຫ້ລົດຂອງທ່ານສາມາດຖືກເບິ່ງເຫັນໄດ້ດີຂຶ້ນ ຈາກຍານພາຫະນະອື່ນໆ ຫລື ຄົນຍ່າງຂ້າງທາງ ກາງເວັນ ແລະ ເວລາມີໝອກ. ໄຟແອວອີດີ ຮູບຊົງສັນຍາລັກບູມເບີແລງຍັງສະທ້ອນໃຫ້ເຫັນໄຟດ້ານຫລັງ ເຊິ່ງຈະເຮັດໃຫ້ຍານພາຫະນະມີຮູບຊົງ ແລະ ຄວາມຮູ້ສຶກທີ່ສົມບູນແບບ. ເສົາອາກາດຄີບປາສະຫລາມ ແລະ ກັນຊົນທ້າຍດ້ວຍປາຍທໍ່ໄອເສຍແບບໂຄມ້ຽມ ແລະ ໄຟສະທ້ອນ ຍັງຈະຊ່ວຍເພີ່ມຮູບລັກອັນທັນສະໄໝ ເບິ່ງສະຫງ່າງາມ. ກວ້າງຂວາງ &ວາງໃຈໄດ້ ປະຕູຫລັງເປີດກວ້າງ (77 ອົງສາ) ຂອງນິດສັນເອັກສເທວ ຈະເຮັດໃຫ້ການເຂົ້າອອກ ທີ່ນັ່ງຜູ້ໂດຍສານດ້ານຫລັງໄດ້ງ່າຍຂຶ້ນ. ສໍາລັບຄອບຄົວຂະໜາດໃຫຍ່, ລະບົບທີ່ນັ່ງແບບ EZ Flex ນະວັດຕະກໍາໃໝ່ (ທີ່ນັ່ງ …